• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር | ወግ

“ብዕር ቢሰበርም ይፅፋል…” - ኤደን ገነትና “ሰባራ ብዕር”

ኤደን ገነት ተስፋ አትቆርጥም…

የፈረንሳይ ለጋሲዮኗ ኤደን ገነት የ24 ዓመት ወጣት ናት፡፡ በሐሮማያ ዩኒቨርሲቲ፣ የጤና ሳይንስ ኮሌጅ በዲግሪ ፕሮግራም ጤና መኮንንነት እየተማረች ሳለ፣ ልትመረቅ አንድ ዓመት ሲቀራት፣ አንድ ችግር ገጠማት፡፡አንዳች ሕመም ጀርባዋን ሰቅዞ ያዛት፡፡ መጀመሪያ ማደካከም፣ ሲቀጥል ማንከስ ባስ ሲልም ፈፅሞ መራመድ የማትችልበት ደረጃ ላይ አደረሳት…ትምህርቷን ለማቋረጥ ተገደደች፡፡

ቢሆንም ግን ፈፅሞ ተስፋ የማትቆርጠው ኤደን ቤት ተመልሳ፣ ልጆች በማስጠናት ገቢዋን እየደጎመች … በተልዕኮ ትምህርት ከቅድስተ ማርያም ዩኒቨርሲቲ በዲግሪ የማኔጅመነትት ትምህርት እየተማረች ልትመረቅ አንድ ሴሚስተር ከግማሽ ብቻ ነው የቀራት የሚለን ኤደን ገነትን ያነጋገራት የሸገሩ ወንድሙ ኃይሉ፣ ኤደን ገነት መፅሐፍም አሳትማለች ይለናል…

ድንገት ሳታስበው የደረሰባትን ችግር አስመልክታ ስንኝ መቋጠር የጀመረችው ኤደን ገነት እነሆ … “ሰባራ ብዕር…” የተሰኘ የግጥም መድብሏን በፈረንሳይ ለጋሲዮን ወጣቶች ትብብርና በብድር አሳትማለች፡፡ ኤደንን ለመደገፍ የተነሳሱት የፈንሳይ ለጋሲዮን ወጣቶችም 1 000 ኮፒ የታተመውን የኤደን ገነትን “ሰባራ ብዕር” የግጥም መድብል በየመንገዱ፣ በየሱቁና በየቡቲኩ በ100 ብር እየሸጡ ነው…

ወላጆቿ በልጅነቷ እንደተለያዩ የምትናገረው ኤደን አባቷ የት እንዳሉ አታውቅም፡፡ ተንከባክበው ያሳደጓት እናቷም ከዓመታት በፊት በሞት ሲለይዋት በሕመሟ ላይ ታናናሾቿ የሆኑትን አንድ ወንድምና አንድ እህቷን ማሳደግ ተያያዘችው - የእናቷን ስምም ስሟ ላይ ደርባ ኤደን ገነት ተባለች !!

“የግጥም መድብልሽን ሰባራ ብዕር እንዴት ልትይው ቻልሽ … ?” ሲል ለጠየቃት ለሸገሩ ወንድሙ ኃይሉ ኤደን ገነት እንዲህ ስትል መልሳለች፣ “ያኔ ሕመሙ ሲያጋጥመኝ ተሰበርኩ … ግን እኮ ብዕር ሲሰበር ይጣላል አይደለ … ቢሆንም ግን አይጣልም … ቢሰበርም ይፅፋል … ስለዚህ “ሰባራ ብዕር…” ስል ግጥም ፃፍኩ … እኔም ብሰበርም እፅፋለሁ !”

ኤደን ገነት በግጥም መድብሏ ካካተተቻቸው ግጥሞች መካከል አንዱ በሆነው - “እንቅፋት..” - እንቅፋት ቢጥልም ወደፊት ነው እንጂ ወደ ኋላ አይደለም… ትለናለች…

ኤደን ለመሆኑ የማይቻል ነገር አለን ብሎ ወንድሙ ኃይሉ ላቀረበላት ጥያቄ፣

የኤደን መልስ ይህ ነው - “ፈፅሞ !”

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.


በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers