• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር | ወግ

በመንገዱ ርቀት እና አስቸጋሪነት ሳቢያ ልጆችዎ ቶሎ ቶሎ ወደ ቤት እየመጡ ሊጠይቅዎት ካልቻሉ ምን ያደርጋሉ ?

በመንገዱ ርቀት እና አስቸጋሪነት ሳቢያ ልጆችዎ ቶሎ ቶሎ ወደ ቤት እየመጡ ሊጠይቅዎት ካልቻሉ ምን ያደርጋሉ ? እርስዎ ራስዎ ይሄዳሉ ወይንስ…የ45 ዓመቱ ሕንዳዊ ጃላንድሃር ናያክ ግን ዶማ እና ድንጋይ መፈንቀያውን ይዞ ተነሳ - መንገድ ሊሰራ፡፡

እናም አደረገው…

በምስራቅ ሕንድ ባለች አንዲት የገጠር መንደር ውስጥ የሚኖረው ናያክ፤ 3 ወንድ ልጆቹ የሚማሩት 10 ኪሎሜትሮች ርቀት ላይ ባለ ትምህርት ቤት ውስጥ ነው፡፡ እናም … በርቀቱ ሳቢያ ልጆቹ ቶሎ ቶሎ ወደ ቤታቸው እየመጡ አያያቸውም፡፡ ለዚህም ችግር መፍትሄ ፍለጋ የዛሬ 2 ዓመት ግድም መንገድ ለመስራት ዶማ እና ድንጋይ መፈንቀያውን ይዞ ተነሳ…

እናም የቢቢሲው ድረገፅ ዘገባ እንደሚለው ሕንዳዊው አባት ያለማንም እርዳታ ብቻውን በአካፋና ዶማ 8 ኪሎሜትር መንገድ ሰራ፡፡

የናያክ ልጆች ከትምህርት ቤት ወደ አባታቸው ቤት 5 ኮረብታዎችን አቆራርጠው ለመምጣት የ3 ሰዓታት ያህል የእግር ጉዞ ማድረግ ይጠበቅባቸው ነበር፡፡

ናያክ ግን ይህን ልጆቹን ቶሎ ቶሎ ወደ ቤታቸውን እንዳይመጡ ያደረገውን እንቅፋት ለማንሳት ላለፉት 2 ዓመታት በቀን 8 ሰዓታት በዶማ እና ድንጋይ መፈንቀያው አለት ሲፈነቅል፣ ጉብታ ሲንድ ከርሞ 8 ኪሎሜትር መንገድ ሰራ ይለናል የቢቢሲው ዘገባ…


የአካባቢው ባለሥልጣናት የናያክን ነገር የሰሙት አንድ የሕንድ ሚዲያ ታሪኩን ይዞት ከወጣ በኋላ ነው…

ናያክ የሚኖርበት መንደር ልጆቹ ከሚማሩበት ከተማ የ15 ኪሎሜትሮች ርቀት ላይ ያለ ሲሆን፣ በናያክ አማካኝነት 8 ኪሎሜትሩ መንገድ ተሰርቶ ያገኙት የአካባቢው ባለሥልጣናት፣ ናያክ ያለምንም የመንገድ መስራት እውቀት የሰራውን መንገድ ጥራት አድንቀው የቀረውን 7 ኪሎሜትር መንገድ ለመስራት ቃል ገብተዋል ተብሏል…

የአካባቢው ባለሥልጣናት ናያክ ለሰራበት እንከፍለዋለን ማለታቸውም ተሰምቷል፡፡

የተቀረውን የመንገዱን ክፍል መንግሥት ሰርቶ እንደሚያጠናቅቀው በመስማቱ “በጣም የተደሰተው” ናያክ ለመንደሩቱ ኤሌክትሪክ እና የንፁህ መጠጥ ውሃ እንዲገባም ጠይቋል…

“ናያክ የሰራው መንገድ ለልጆቹ በእግር መምጫ ብቻ ሳይሆን ለመኪናም ጭምር የሚሆን ነው” ያለው የናያክን ነገር በመጀመሪያ የዘገበው ጋዜጠኛ፣ “ከምንም በላይ ደግሞ የሚገርመው ናያክ መንገዱን ሲሰራ አንዲትም ዛፍ አለመቁረጡ ነው” ሲል አድናቆቱን ገልጿል፡፡

የአካባቢው ጋዜጦች የናያክን ነገር “የቢሃሩ የተራራ ሰው” በሚል ከሚታወቀው ሌላ ሕንዳዊ ታሪክ ጋር አመሳስለውታል፡፡

“የቢሃሩ የተራራ ሰው” ብቻውን በመዶሻና በመሮ 110 ሜትር ርዝመት፣ 9 ሜትር ስፋት እና 7.6 ሜትር ቁመት ያለውን የዋሻ መንገድ ፈልፍሎ የሚኖርባትን መንደር በአቅራቢያው ካለ ከተማ ጋር በማገናኘቱ ይታወቃል…

ግሩም ተበጀ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers