ቁጥሮቻችንን ምን ያህል ያውቋቸዋል?
- Details
- ተፃፈ ተህቦ ንጉሴ
የራሳቸው ፊደላትና ቁጥሮች ካሏቸው ጥቂት የዓለማችን ሐገራት መካከል አንዷ ኢትዮጵያ ነች፡፡ ቢሆንም ግን በተለይም ቁጥሮቻችን ከመዘንጋትም አልፈው ወደ መረሳቱ እየተንሸራተቱ እንደሆነ ይታያል፡፡ጉዳዩን አስመልክቶ የሸገሩ ተህቦ ንጉሴ ያጠናቀረው ዘገባ ይህን ክስተት በትኩረት ተመልክቷል፡፡ ቁጥሩን ያውቁ ይሆን በሚል ከጠየቃቸው የአዲስ አበባ ዩኒቨርሲቲ ተማሪዎች አብዛኞቹ ቁጥሩን እምብዛም አይለዩትም አያውቁትምም፡፡ተህቦ የዚህ አንድምታው ምንድነው ተጠያቂውስ ማነው በሚል የሥነ ልሳኑን ፕሮፌሰር ባዬ ይማምንም አነጋግሯል፡፡ Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
በአዲስ አበባ፣ መቀጠያ የተባለው አካባቢ ነዋሪ የሆነችው እናት የተሰኘችው እናት ለብዙዎች የአካባቢው ነዋሪዎች በዕርግጥም እንደ ስሟ እናት ነች ! የዛሬ 16 ዓመት ነበር እናት “ይታገሱ” ያለችውን ይህን በምስሉ ላይ የሚታየውን ልጇን የወለደችው፡፡ ልጁ ሲወለድ 2 እጆቹና እግሮቹ የቀጣጠኑ ነበሩ፡፡ ስለዚህም እንኳንስ ቆሞ መሄድ መዳህም ሆነ መቀመጥ አይችልም፤ ለየት ያለ ጩኸት መሰል ድምፅ ከማውጣቱ በስተቀርም ይሄው 16 ዓመቱ አሁንም መናገር አይችልም፡፡
የሬጌ ሙዚቃው ንጉሥ ቦብ ማርሌ ኢትዮጵያዊውን ታዳጊ አሰፋ በየነን ከኢትዮጵያ ይዞት ሲሄድ ገና 12 ዓመቱ ነበር፡፡ ከቦብ ማርሌ ጋር ለዓመታት አብሮ የኖረው አሰፋ በየነ ስለቦብ ማርሌ ያልተሰሙ በርካታ ነገሮችን እያነሳ ከሸገር መዝናኛ አዘጋጁ ከወንድሙ ኃይሉ ጋር ተጨዋውተዋል፡፡
‘ፈረንጆቹ ሕፃናት’ ኡስማን፣ ሐሊማ፣ ፋጡማ እና እድሪስ ከሰው ተገልለዋል፤ ከሌሎች ሕፃናት ጋርም አይጫወቱም፡፡ ዓይናቸው የፀሐዩን ብርሃን መቋቋም ስለማይችልም ወደ ውጭ መውጣት ወደ ትምህርት ቤትም መሄድም አይችሉም…አቶ ዘይኑ ጂላንና ወ/ሮ ዘይነባ አባመጫ የወለዷቸው አራቱ ሕፃናት ቆዳና ጸጉራቸው ነጭ የመሆኑ ጉዳይ ለዓመታት እንቅልፍ የነሳቸው ጉዳይ ነው - ለሕፃናቱም ትልቅ ፈተና ነው ጉዳዩ፡፡ቤተሰቡ የሚኖረው በጅማ ዞን፣ ጦላይ ወረዳ ልዩ ስሙ ቦተራ አደሬ በተባለ አካባቢ ሲሆን ከጦላይ ማሰልጠኛ 15 ኪሎሜትሮች ርቀት ላይ ይገኛል፡፡
