• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር | ወግ

የመአዘን ምት መቺውም እሱ...ለጐል ተሻሚውም እሱ

የመአዘን ምት መቺውም እሱ
ለጐል ተሻሚውም እሱ

የቅርብ ወዳጄ ነው የስራ ጫናን አሊያም በህብረት ሊሠራ የሚገባን ስራ በተለያየ ምክንያት ለብቻ መስራት የግድ ሲሆን ይህንን ለመግለፅ ክብደቱን ለማብራራት የሚጠቀማት ቃል ነች፡፡ ‹‹የመአዘን ምት መቶ ለጐል ሄዶ መሻማት ማለት ነው›› ይላል፡፡እንዲህ አይነቱ ነገር የግድ ሲሆን ጥንካሬን ማሳያ ነውና ሊደነቅ የሚገባው ነው፡፡ ከዛ ውጪ ሁሉ ባለበትና በሞላበት ሁሉን እኔው ካልሆንኩኝ ማለት ግን ትርጉሙ ሌላ ይመስለኛል፡፡ አሁን አሁን ግን ይህ የመአዘን ምት መቺውም እኔ ለጐል የምሻማውም እኔ የምንለው ነገር እየበዛ የመጣ ይመስለኛል፡፡ ሌላ ሌላውን ተወት አድርጌ ሀሳቤን ነብስ ይዘሩበታል ያልኩአቸውን ነጥቦች ከማስታወቂያችን ከፊልምና ሙዚቃችን አንድ ሁለት እያልኩኝ ላንሳ፡፡
ሙዚቃ እና ሙዚቀኞቻችንን ላስቀድም፤ እንደድሮው ሰብሰብ ብሎ እንዲህ ቢሆንስ እንዲህ ብናደርገውስ ብሎ መስራት ቀርቶ አሁን በርን ዘግቶ እዛው ነገርን ሁሉ ጨርሶ ደግሞ ወደሚቀጥለው ማለፍ ሆኗል፡፡ ለማንኛውም ይህን ጉዳይ ለሌላ ጊዜ እንተወውና ወደ ሀሳባችን እንመለስ ሙዚቃችን ላይ አሁን አሁን አዳዲስ ስራ ወጣ ተብሎ ጀርባውን ገልበጥ አድርገን ነበብ ነበብ ስናደርግ ዘፋኙ፣ የግጥሙ ፀሀፊ፣ የዜማውም ፀሀፊ አንድ ሰው ሆኖ እናገኘዋለን፡፡
ይህ አቅምን ማሳያ ከድምፅ ባለፈ በሌላውም ምሉእ መሆንን የሚያሳይ ነውና ሊበረታታ እና ሊደገፍ የሚገባው በመሆኑ እኔም እስማማለው፡፡ ግን አንዳንዴ አሁን ይሄ ስራ መሆኑ ነው! ጆሮ መቀለጃ ነው እንዴ! የሚባሉ ስራዎች እየበዙ ለመምጣታቸው እኔ በግሌ አንዱ ምክንያት ይህው ይመስለኛል፡፡ ሌሎችንም በምክንያትነት ማንሳት ቢቻልም ወጪ ለመቀነስም ይሁን በሌላው ምክንያት በእርግጠኝነት ለመናገር ባልችልም እኔው የመአዘን ምት መቺ እኔው ለጐል ተሻሚ እንሁን ማለታችን እየበዛ መምጣቱ እንዲህ አይነት ጉዳት ያለው ይመስለኛል፡፡

ተጨማሪ ያንብቡ: የመአዘን ምት መቺውም እሱ...ለጐል ተሻሚውም እሱ

አስተያየት ይፃፉ (1 Comment)

መደነስ ክልክል ነው

ክልክል ነው፡፡ 
ማጨስ ክልክል ነው!
ማፏጨት ክልክል ነው!
መሸናት ክልክል ነው!
ግድግዳው በሙሉ ተሠርቶ በክልክል
የቱ ነው ትክክል?
ትንሽ ግድግዳ እና ትንሽ ሃይል ባደለኝ!
‹‹መከልከል ክልክል ነው›› የሚል ትዕዛዝ አለኝ፡፡
በእውቀቱ ስዩም ‹‹ስብስብ ግጥሞች››
ይህን ወግ መፃፍ ሳስብ ትዝ ያለችኝ አጭር ግጥም ነች፡፡ አንድ ሆቴል ግድግዳ ላይ ተፅፎ የተመለከትኩት ነው ‹‹መደነስ ክልክል ነው›› ይላል እንዲህ አይነቱን የክልከላ ፅሁፍ በሌሎች አንድ ሁለት ሆቴሎች ውስጥም በተመሳሳይ ተፅፎ ተመለኬቼዋለው፤ እንዲያውም በአንዱ ሆቴል መጨፈር መደነስና፣መጮህ ክልክል ነው ተብሎ ተፅፎ ነው ያየሁት፡፡ ከዛ ከስሯ ብዙ ቦታ ሳያት የምታስቀኝ አጭር ፅሁፍ ከወረቀቱ በስተቀኝ ግርጌ አለች፡፡ ድርጅቱ!
ይህንን ፅሁፍ እያየው እዛው የተፃፈበት ሆቴል ውስጥ ሆኜ ብዙ ነገር ማሰብ ጀመርኩኝ ለምንድን ነው ህይወታችን በተከለከለ ነገር የተሞላው አሁን ቢከለከል ቢከለከል መደሠት መደነስ ይከለከላል፡፡
በዚህ ጊዜ ሩጫ በበዛበትና ከሚያስደስት የሚያሳስብ በሞላበት ድንገት የሚደንስ ሰው ሲታይ እንኳን፣ አብዷል እንዴ በሚባልበት ጊዜ ጭራሽ መደነስ ክልክል ነው!፡፡
በየቢሮውና በየተቋሙ ሂዱ የተስተናገዳችሁበት መብታቹሁ ነው የተባለችሁት ነገር ነገ ስላለመከልከሉ ምንም መተማመኛ የላችሁም፡፡ በነጋታው አሊያም ሰንበትበት ብላችሁ ስትሄዱ እሱማ ተከልክሏል ትባላላችሁ፡፡
ለምን ብላችሁ ስትጠይቁ ለሚበዙት እንዲህ ነው የሚል አሳማኝ መልስ አታገኙም ኦ! አታድርቁኝ ተከልክሏል አልኩ ተክልክሏል! አሊያም ትዕዛዙ ከላይ ነው የተላለፈው ወይንም ቦርዱ አሊያም ኮሚቴው ነው የወሠነው ትባላላችሁ፡፡

ተጨማሪ ያንብቡ: መደነስ ክልክል ነው

አስተያየት ይፃፉ (3 Comments)

ደሞዝ ጭማሪ መጣ ቅንጡ ስልክ ግዙ

በቅርቡ የጋራ መኖሪያ ቤቶችን ግንባታ በተመለከተ ስራውን የሚሠራው ኤጀንሲ የስራ ሀላፊዎች በዚው በሸገር ሬዲዮ ላይ ቀርበው ሲጠየቁ የሠጡትን ምላሽ ሠምቸዋለው፡፡ ብዙዎቻችሁም ሠምታችሁታል ብዬ አስባለው፡፡ ከተነሱት ሀሳቦች እኔን በበለጠ የሳበኝን አዎ አጥፍቻለው ይቅርታ ማለት ይህን ያክል ተወግዟል እንዴ እንድል ያደረገኝን ጉዳይ ላንሳ፡፡ ቤት ‹‹የራስ ቤት›› ማግኘት ለአዲስ አበባ ህዝብ ምን ማለት እንደሆነ የምናወቀው ነውና ስለዚህ በማወራት ጊዜ ማጥፋት አልፈለኩም፡፡ አሁን አሁን ብዙ ልጆች ሲጫወቱት ባላየውም በፊት ሰኞ ማክሰኞ የሚባለው ጨዋታ ላይ ሰኞ ብለን የምንጠራት ቁራሽ ቦታ ዛሬ በሊዝ ዋጋ 65 ሺህ ብር እና ከዛም በላይ እያወጣች ስለሆነ ቤት መስራት የሚለው ሀሳብ ከብዙዎቻችን የአዲስ አበባ ነዋሪዎች የአጭርም ሆነ የረጅም ጊዜ እቅድ ውጪ ከሆነ ሠነባብቷል፡፡
እናም ቢያንስ የቤትን እድል በጋራ መኖሪያ ቤት ፕሮግራም በኩል ላግኝ በሚል ብዙ ሰው ከሚያገኛት እየሸረፈ ይቆጥባል፡፡ በሰኔ ወር መጨረሻም ቀኑን መናገር ካስፈለገም ሰኔ 29 እጣ ይወጣል፤ ባለ እድል ለመሆንም ተዘጋጁ የሚል ወሬ ተሠማ:: ብዙው ሰውም የተባለውን አመነ፡፡ ግን ቄሱም ዝም መፅሀፏም ዝም ሆነ በምትኩ በቀጥታ የቴሌቪዥን ስርጭት ከዚህ ቀደም የወጣውን እጣ የማስተላለፍ ፕሮግራም ተካሄደ፡፡
በጉጉት ቀኑን ሲጠብቅ ከነበረው ሰው ከፊሉ እንዴ መንግስትም እንደ አንዳንድ የግል ቤት እንገነባለን ብለው እንደሸወዱን ግለሰቦች መዋሸት ጀመረ እንዴ ሲል ተጠራጠረ፡፡ የተቀረው ደግሞ ለካ ማስተላለፍ ነው የተባለው በሚል የሰማውን ለማስታወስ በመሞከር የራሱን ጆሮ ተጠራጠረ፡፡

ተጨማሪ ያንብቡ: ደሞዝ ጭማሪ መጣ ቅንጡ ስልክ ግዙ

አስተያየት ይፃፉ (10 አስተያየት)

የውስኪ ቤቶቹ ደጃፍ

ከጠጡ አይንዱ ለጆሮአችን አዲስ ያልሆነ የተለመደ ቀን ከማታ የምንስማው በየቦታው ተፅፎ የምናነበው ሀሳብ ... ከጠጡ አይንዱ እኔም ይኼን ሀሳብ እጋራለው ጠጥቶ ማሽከርከር ለአደጋ ያጋልጣል፤ ንብረት ያወድማል ህይወት ይቀጥፋል ልላችሁ አይደለም ግልፅ ነው አዎ የከፋ ነው! ግን በከተማችን የሚገኙ መጠጥ ቤቶች በቦሌ፣ ደጃች ውቤ፣ በካዛንቺስ፣ በፒያሳ እና በሌሎችም .... ቦታዎችን ያልገለፅኳቸው አካባቢዎች የሚገኙ የተጠመቀ ቢራ ሻጮች እና ውስኪ ቤቶች በደጃፋቸው ላይ ከንጉሱ ኒሻን እንደሚረከብ ባለማዕረግ የተደረደሩ እና የተኮለኮሎ መኪኖችን ማየቱ እንግዳ አይደለም፡፡ አንዳንድ ቦታዎች ላይ ደግሞ የመኪናቸውን ሁለት እግር ጐማ በእግረኛ መረማመጃ ላይ፤ የቀረውን የኋላ እግር ጐማ ወይም ግማሹን የመኪና አካል ደግሞ ከዋናው መንገድ ላይ አኑረው ትክክል ባልሆነ የመኪና አቋቋም በመሬቷ ይፋቀሩባታል፡፡ ሲላቸውም የእግረኛውን መንገድ ሙሉ በሙሉ የመኪና ማቆሚያ አድርጐ፤ በመውሰድ ይዘጉታል ወይም መኪናቸውን ፓርክ ያደርጉታል፡፡ በመቀጠልም የእግረኛውን መንገድ ከፊልም ይሁን በሙሉ ይዘጉታል፡፡

አንዳንዶች ደግሞ በስርዓት ተደርድረው የመጠጡ ብዛት እና አይነት ወደሚገኝበት የመጠጡ ድግስ ወደ ተደገሰበት ቤት ጐራ ይላሉ፡፡ የተቀሩት ደግሞ በውጪ መስተንግዶ ወይም Out door Service በሚል መስተንግዶ የፈለጉት አይነት እና የመረጡት የመጠጥ አይነት መኪናቸውን ወዳቆሙበት ቦታ ከመጠጥ ቤቱ ፊት ለፊት ወይም አካባቢ ከመኪናቸው ሳይወርዱ ይመጣላቸዋል፤ ጐሽ እየተባሉም ይስተናገዳሉ፤ መጠጥ ከመጐንጮታቸው በፊት የእግረኛውን መንገድ ዘግተው እግረኛውን ያጉላላሉ እግረኛው ከቻለ ባለመኪናዎቹ ጠጪዎች ይቻላል ብለው የእግረኛው መንገድ ላይ ገባ ብለው በመቆም ባስቀሯት መረማመጃ ላይ እየተጣበበ እና ከመኪናው የፊት አካል ጋር እየተሻሸ አያጉረመረመ ያልፋል፡፡ የተዘጋበት ደግሞ በዋናው መንገድ ለመሄድ ይገደዳል አስቡት ክፉቱን ዝርዝር አያስፈልገውም፤ በተመሳሳዩ አይነስውሮችን አስቧቸው መንገዱ የተዘጋባቸው መንገድ ተዘግቶባቸው ከቆሙ መኪና ጋር ሲጋጩ እና ሲላተሙ ... ሃሎ በዛ ሂዱ በዚ ሂዱ ተብለው በተወናበደ ሃሳቦች ይተራመሳሉ ይሄ እንግዳ መኪናቸውን አስነስተው ጉዞ ከመጀመራቸው በፊት ያለው ችግር ነው አስቡት እስካሁን እየጠጡ ነው፡፡

መጠጥ ጠጥተው ምን ሊሆኑ ይችላሉ የሚለው በማሰብ ጊዜ ማባከን አያስፈልግም በተመሳሳዩ ከቢራ ቤቱ ወይም ከውስኪ ቤቶቹ ፊት ለፊት ህጉ በሚፈቅድላቸው መንገድ የተኮለኮሉ መኪኖች ምን እየሰሩ ነው? አመታዊ ምርመራ?ነዳጅ ሊቀዱ? ምን ሊሰሩ እየጠጡ ወይስ እያስጠጡ ትኩረትስ መደረግ ያለበት የቱ ጋ ነው?

ሁሉንም ባይባልም አንዳንድ ትራፊኮች ትኩረታቸው የእግረኛ መንገድ ዘጋክ፣ ደርበህ ቆምክ፣ ዜብራ ላይ አቁመካል ብሎ ታርጋ ከመፍታት እና ከመክሰስ ባሻገር ለምን መኪና ውስጥ ትጠጣለህ ብሎ ሲያነጋግር አይስተዋልም ባለመኪናውም እየተንገዳገደ መጥቶ መኪናውን ለመንዳት ሲኮረኩር ከአስከባሪው ጋር ሲነጋገር አይታይም ትኩረት መደረግ ያለበት መቼ ነው? ጠጥቶ ማሽከርከር የተከለከለ ነው፡፡

አዎ የተከለከለሰ ነው.... ጠጪዎችም መኪናችሁ ውስጥ እንደፋሽን እና ዘመናዊነት ተረድታችሁ ሃይ ባይ ሳትሹ ክፋቱን ብታስቡት ቤተሰብ አስተዳደሪነታችሁን ልብ ብትሉት ከሁሉ ደግሞ ከፈቃዳችሁ አልፋችሁ የሌላውን ህይወት ጥያቄ ውስጥ እንዳታስገቡት አካሉን እንዳትጐዱት ንብረት እንዳታወድሙ ብትባንኑ መልካም ነው፤ አንዳንዶች ደግሞ እኔ ስጠጣ ጠንቃቃ እሆናለው የመንዳት ብቃቴም ይጨምራል የምትሉ ከ365 ቀን ውስጥ አንዱን ብትስቱ መልሳችሁ የምታስቡበት ጊዜ የላችሁም እና እናንተም ብትባንኑ፤ ጠጥቶ የሚያሽከረክሩ ሰዎችን የሚያጋልጥ መሳሪያ አልኮል ቴስተር ትራፊኮቻችን ከሚናፍቁ መኪናቸው ውስጥ ቦትል አውርደው ሲገባበዙ ቢራ እየቀዱ ጠጪ ጠጣ ጠጡ ሲባባሉ ከመመልከት እና ችርስ እየተባባሉ የሚያጋጩትን የብርጭቆ ድምፅ ከመስማት የተሻለ መፈተሻ ባይናፍቁ እነሱም ቢባንኑ እየደረሰ ያለውን አደጋ ለመቀነስ ይረዳል፡፡

ትራፊኮችስ ምነው ጠጥተው የሚያሸከረክሩ ሰዎች ባደረሱት አደጋ አጥፍተሀል አጥፍተሻል ብሎ ጐዳናውን ከመለካት እና አስፋልቱን ከማስመር በፊት ዜብራ ላይ ቆመሀል ደርበህ አቁመሀል ከማለት ውጪ ልጠጣ ገብተሀል ባይሉ እንኳን እየጠጣህ ነው ብለው ቢሟገቱ መኪናቸውን አቁመው ሊጠጡ እንደሚገቡ እየታወቀ አሽከርካሪዎችንስ ልብ ቢሉ አደጋው ፋታ የሚያገኝ ይመስላል ከጠጡ አይንዱ ግዴታ ወይስ ምክር?
 
አስተያየት ይፃፉ (1 Comment)

የሳቅ ያለህ

“የኔ ሳቅ”
ሁሉም ለየብቻው እንደተለያየ
የኔም ሳቅ ለብቻው ከኔ ጋራ ቆየ
አየሁት ሰማሁት ሁሉን ተረዳሁት
ሳቄን ለማርከሻ ቢቸግር ጠጣሁት
ቢቸግር በላሁት
እንደ ጉሹ ጠላ እንደባር ማሽላ
ሳቄን ለማርከሻ ለነገው መድረሻ
መረጥኩት ጠራሁት
ይስቃል እንዲሉኝ ጥርሴን ተነቀስኩት
ጋዜጠኛና ገጣሚ አበራ ለማ (መቆያ)
ይህችን ወግ መፃፍ ሳስብ ትዝ ያለችኝ አጭር ግን ሀሳቤን ገላጭ ግጥም ነች፡፡ በቀጥታ ወደ ጉዳዬ ልግባ ሰሞኑን የስራ ጉዳይ ሆኖ ሳቅ ፍለጋ ‹‹የእውነት ሳቅ ፍለጋ›› የአዲስ አበባ አንዳንድ አካባቢዎች ዞር ዞር ብዬ ነበር፡፡ መዝናኛ ቦታ ጓደኛ ከጓደኛ ወዳጅ ከወዳጅ ሰብሰብ ብሎ የሚጫወትባቸው ቦታዎች ቦታዋቹ አሉ ያውም በደረጃና ቁጥር በዝተው፡፡ ሰብሰብ ብለው የሚጫወቱት ወዳጆችም እንደዛው፡፡
ግን እግራችሁ እስኪቀጥን ትዞራላችሁ እንጂ እውነተኛ ሳቅ አታገኙም፡፡ እንዲያው እንደግጥሟ ሰው ምን ይለኛል በሚል ፈገግ የሚል እንጂ እንደበፊቱ ሆዴን አመመኝ እስኪባል፣ የደስታ እንባ በጉንጭ ላይ እስኪወርድ የሚስቅ አታገኙም፡፡ ወይ እኔ ቦታውን አላወኩት ይሆናል፡፡
እናም ይህንን ሳይ ሰው ለምን መሳቅ አቆመ ብዬ አሠብኩኝ፡፡ ይህ ሁሉ ህዝብ ትንሽ ፈገግ እያለ ብዙውን ጊዜውን በመኮሳተር የሚወያየው ስለምን ይሆን የሚል ጥያቄ ፈጠረብኝ፡፡ እናም ላንዱ ጓደኛዬ አንተ! ሳቅ ፍለጋ ወጥቼ እውነተኛ ሳቅ አጣሁ አልኩት ትቀልዳለህ ስንት የህይወት ጥያቄ እያለብን እንዴት የእውነት እንስቃለን አለኝ፡፡
ሌላው ቀርቶ ሺህ አመት አይኖር መሳቅ ነው እንጂ ብለህ ለመሳቅ ስትነሳ እንኳን የምታውቀው ሰው ከጐንህ ያስፈልጋል፡፡ ይሄ እንደበፊቱ ታክሲ ውስጥ ወይንም በመዝናኛ ቦታ ከጐንህ የተቀመጠን ሰው ነካ አድርገህ፡፡
እኔ የምልህ ብለህ ጨዋታ መጀመር አይታሠብም፡፡

ተጨማሪ ያንብቡ: የሳቅ ያለህ

አስተያየት ይፃፉ (6 አስተያየት)
Sheger 102.1 AudioNow Numbers