• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ታሪክን የኋሊት፣ጥር 12፣2009

የአሜሪካው በዓለ ሲመት

አሜሪካ ከመጀመሪያው ፕሬዝዳቷ ከጆርጅ ዋሽንግተን አንስቶ ፕሬዝዳንታዊ በዓለ ሲመት ስታከናውን ቆይታለች፡፡

ጥር 12ን መደበኛ የፕሬዝዳታዊ በዓለ ሲመት ቀን በማድረግ ስራ ላይ ካዋለችው 84 ዓመታት አስቆጥራለች፡፡

በአሜሪካ ህገ-መንግስት መሰረት ማንኛውም ተመራጭ ፕሬዝዳንት ቃለ መሐላ መፈፀም አለበት፡፡

በዳግም ምርጫ ቢቀናው እንኳ ይሄን ስርዓት አያስተጓጉልም፡፡

የበዓለ ሲመቱ ስነ-ስርዓትም የዚሁ ተያያዥ አካል ነው፡፡

ከ228 ዓመታት በፊት የመጀመሪያው የአሜሪካ ፕሬዝዳት ጆርጅ ዋሽንግተን ቃለ መሐላ በመፈፀም በዓለ ሲመታቸውን ያከናውኑት በመጋቢት ወር 3ኛ ሳምንት መጨረሻ ነበር፡፤

ከዚያ በኋላ በነበሩት ዓመታት እስከ ፕሬዝዳት ፍራንኪሊን ዴላኖ ሩዝቬልት የአስተዳደር ዘመን መጀመር ድረስ የካቲት 25 ቀን ቋሚ የበዓለ ሲመት ዕለት ሆኖ ቆየ፡፡

በነዚህ ጊዜያት የካቲት 25 ቀን እሁድ ዕለት ከዋለ በዓለ ሲመቱ በማግስቱ የካቲት 26 የሆነባቸውም አጋጠሚዎች ነበሩ፡፡

አራት ጊዜያትም በዓለ ሲመቶች በየካቲት 26 ቀን ተከናውነዋል፡፡

 

ከ84 ዓመታት በፊት ፍራንክሊን ዴላኖ ሩዝቬልት 32ኛው የአሜሪካ ፕሬዝዳንት ሆነው ከተመረጡ አንስቶ የተመራጭ ፕሬዝዳቶች በዓለ ሲመት ዕለት ጥር 12 ቀን የተቆረጠ ዕለት ሆኖ እየተሰራበት ነው፡፡

ይህም የህገ-መንግስታዊ ማሻሻያ መሰረት ያለው ነው፡፡

እንደ ቀዳሚዎቹ ጊዜያት ጥር 12 ቀን ዕሁድ ዕለት በዋለባቸው ቀናት በዓለ ሲመቱ ወደ ሰኞ ጥር 13 ቀን የተሸጋገረባቸው 3 አጋጣሚዎች እንደነበሩ በታሪክ ሰፍሮ ይገኛል፡፡

በቀደመው ጊዜ የተመራጭ ፕሬዝዳንቶች በዓለ ሲመት ህዝባዊ ስነ-ስርዓቶች በአብዛኛው በአሜሪካ ኮንግረስ መቀመጫ ካፒቶል ሂል ምስራቃዊ ክፍል ሲከናወኑ ቆይተዋል፡፡

ላለፉት 37 ዓመታት ግን የበዓለ ሲመቱ አብዛኞቹ ስነ-ስርዓቶች የሚከናወኑት በካፒቶል ሂል ምዕራባዊ ክፍል ነው፡፡

በኮንግረሱ መቀመጫ ምዕራባዊ ክፍል በዓለ ሲመታቸውን በማከናወን 40ኛ የአሜሪካ ፕሬዝዳት ሮናልድ ሬጋን ቀዳሚው ናቸው፡፡

በአሜሪካ ፕሬዝዳንቶች በዓለ ሲመት ከሚከናወኑ በርካታ ህዝባዊ ስነ-ስርዓቶች በተጨማሪ ፕሬዝዳቶቹ የአገሪቱ ጦር ኃይሎች ጠቅላይ አዛዥም እንደ መሆናቸው መጠን በወታደራዊ ሰልፍ ጭምር የሚታጀብ ተላቅ ስነ-ስርዓት ነው፡፡

በስነ-ስርዓቱ ላይ ተሰናባች ፕሬዝዳንቶችም ይታደሙበታል፡፡

በ228 ዓመታት ታሪክ አምስት ተሰናባች የአሜሪካ ፕሬዝዳቶች ብቻ በተኳቸው ፕሬዝዳንቶች በዓለ ሲመት ላይ ለመካፈል አለመፍቀዳቸው በታሪክ ሰፍሮ ይገኛል፡፡

የኔነህ ከበደ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers