• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ታሪክን የኋሊት፣ ጥር 15፣2009

በጥፋት ተወዳዳሪ የሌለው የመሬት ነውጥ

በዓለም ላይ ለቁጥር የበዙ ርዕደ መሬቶች ደርሰዋል፡፡

በታሪክ ተመዝግበው ከሚገኙት በቻይና የደረሰውና የሻንዚው ርዕደ መሬት የሚባለው በአጥፊነታቸውና አውዳሚኒታቸው ከሚጠቀሱ የመሬት ነውጦች አንዱ ነው፡፡

የሻንዚ ርዕደ መሬት የደረሰው የዛሬ 461 ዓመት በዛሬዋ እለት ነበር፡፡

የርዕደ መሬቱ መነሻ ስፍራ የሻንዚ ግዛት ቢሆንም ሄናን፣ ጋንሱ፣ ሻንዶንግ፣ ሁቤይ፣ ሁናን፣ ጂያንግሱና ሌሎችንም ግዛቶች መትቷል፡፡

በዘመኑ የርዕደ መሬት መለኪያ ባይኖርም ነውጡ የከባድ ከባድ እንደነበረ ይገመታል፡፡

የመስኩ ጠበብት ከአንዳንድ ቅሬት መረጃዎች በመነሳት ነውጡን በርዕደ መሬት መለኪያ 7 ነጥብ 9 እንደሚደርስ አስልተውታል፡፡

ርዕደ መሬቱ በአገሪቱ በ800 ኪሎ ሜትር መጠነ ዙሪያ ያለን ስፍራ አካሏል፡፡

ከንዝረት ማዕከሉ እስከ 500 ኪሎ ሜትር ርቀት ያሉ አካባቢዎች ክፉኛ ተርገፍግፈዋል፡፡

በአንዳንድ አካባቢዎችም ርዕደ መሬቱ ያስከተላቸው የመሬት መሰንጠቆች እስከ 20 ሜትር ጥልቀት ያላቸውን ገደሎች ፈጥረዋል፡፡

 

በብዙ ቦታዎችም የመሬት መንሸራተቶችን አስከትሏል፡፡

በሰብዓዊ ፍጡር ላይ ያስከተለው እልቂት የገዘፈ ነው፡፡

ከአንዳንድ አውራጃዎች ነዋሪዎች ከ60 በመቶ የማያንሱትን ሕይወት ቀጥፏል፡፡

የቆሰሉና የአካል ጉዳት የገጠማቸው ሳይቆጠሩ ርዕደ መሬቱ እስከ 830 ሺህ የሚደርሱ ሰዎችን ገድሏል፡፡

በተለይ በዘመኑ በአካባቢው የበረከቱ ቻይናውያን ለስለስ ያሉ የአፈር አይነቶች ያሉበትን በመፈልፈል በዋሻ መኖሪያነት ይገለገሉ ስለነበር የሞት መጠኑ ከፍተኛ እንዲሆን አድርጐታል ይባላል፡፡

ነውጡ በመቶ ሺህዎች የሚቆጠሩትን ሕይወት ከመቅጠፉም በተጨማሪ ሚሊዮኖችን መጠጊያ አልባ አድርጓቸዋል፡፡

ያደረሰው የቁሳዊ ሃብትና የንብረት ውድመት ለአሃዝ እንደሚያዳግት በተለያዩ ሰነዶች ሠፍሯል፡፡

ዘግናኙ፣ አጥፊውና ደምሳሹ የሻንዚ ርዕደ መሬት የዓለማችን የመሬት ነውጦች ቁንጮ ተደርጐ ሲጠቀስ ከፍተኛ ጥፋት በማድረስ ከሚነሱት የተፈጥሮ አደጋዎች ሁሉ በሦስተኛነት ተመዝግቦ ይገኛል፡፡

የኔነህ ከበደ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers