• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ታሪክን የኋሊት፣የካቲት 16፣2009

የጓንታናሞ ነገር

የኩባው የጓንታናሞ ቤይ የአሜሪካ የባሕር ኃይል ሰፈር ከቅርብ ዓመታት ወዲህ በሸብር ተጠርጣሪዎች እሥር ቤትነቱ ዓለም ያውቀዋል፡፡

ቁም ስቅል ማሳያም ነው ተብሎ ስሙ በክፉ ይነሳል፡፡

አሜሪካ የጓንታናሞ ቤይን ለባሕር ኃይሏ ጦር ሰፈርነት ከኩባ በሊዝ የተከራየቻት የዛሬ 114 ዓመት በዛሬዋ ዕለት ነበር፡፡

ጓንታናሞ ቤይ በኩባ ደሴት ደቡባዊ ምሥራቅ ጫፍ ይገኛል፡፡

የ120 ካሬ ኪሎ ሜትር ሥፋት አለው፡፡

ለአሜሪካም ከግዛቷ ውጭ ካሉ የጦር ሰፈሮቿ በእድሜ አንጋፋው ተደርጐ ይቆጠራል፡፡

አሜሪካ ከስምምነቱ አንስቶ ለ31 ዓመታት ለጓንታናሞ ቤይ የሊዝ ኪራይ በየዓመቱ ለኩባ 2 ሺህ ዶላር ስትከፍላት ቆይታለች፡፡

ከዚያ በኋላ ዓመታዊ የሊዝ ክፍያውን ወደ 4 ሺህ ዶላር እንዳሳደገችላት በተለያዩ መረጃዎች ሰፍሮ ይገኛል፡፡

 

በቀድሞው መሪ ፊደል ካስትሮ የተመሩ ግራ ክንፈኞች አብዮት ከ58 ዓመታት በፊት ድል ካደረገ አንስቶ አሜሪካ ጓንታናሞ ቤይን እንድትመልስላት ደሴታማዋ ኩባ ከመጠየቅ ወደ ኋላ ያለችበት ጊዜ የለም፡፡

በዓለም አቀፍ መድረኮችም የጓንታናሞ ይመለስልኝ አቤቱታዋን አላቋረጠችም፡፡

ጓንታናሞ ቤይ ለኩባ የሉዓላዊ ግዛቷ አካል መሆኑ ቢታወቅም ለትንሽዬዋ ደሴታማ አገር ከታላቋ አሜሪካ ጋር የያዘችው ሙግት ከማትችለው ጉልበተኛ ጋር የገጠመችው ትግል ዓይነት ሆኖባታል፡፡

ነገሩ ሊዝ ይባል እንጂ ኩባ የጓንታናሞ ቤይ በሊዝ ለአሜሪካ ከመስጠቷ 5 ዓመታት በፊት በተካሄደው የስፔንና አሜሪካ ጦርነት ወቅት በወረራ ተይዛብኛለች ባይ ነች፡፡

አሜሪካ ከ15 ዓመታት በፊት የኒዮርክን የዓለም የንግድ ማዕከል መንትያ ሕንፃዎች ወደ ትቢያነት በመቀየር 3 ሺ ያህል ሰዎች ያለቁበት የሽብር ጥቃት ከተፈፀመባት በኋላ በተጠርጣሪ አሸባሪዎች ማጐሪያነት እየተገላገለችበት ነው፡፡

በዚያ በሚገኙ እሥረኞች ላይ ዘግናኝና አሰቃቂ ቁም ስቅል ይፈፀማል መባሉ ለሰብዓዊ መብት ከበሬታ ታላቅ ቦታ እሰጣለሁ በምትለው አሜሪካ ላይ ዓለም አቀፋዊ ውግዘት እስከማስከተል ደርሷል፡፡

የቀድሞ ፕሬዝዳንት ባራክ ኦባማ ከ8 ዓመታት በፊት ወደ ዋይት ሐውስ ሲገቡ የጓንታናሞ ቤይን እሥር ቤት እዘጋዋለሁ አሉ፡፡

ኦባማ ከሁለት ወራት በፊት 2ኛውን የሥራ ዘመናቸውን አጠናቀው ተሸኙ፡፡

የጓንታናሞው እሥር ቤት መዘጋት ጉዳይ በኦባማ የ8 ዓመታት የዋይት ሐውስ ቆይታ ዕልባት ሳያገኝ ወደ አዲሱ ፕሬዝዳንት ዶናልድ ትራምፕም ተሻግሯል፡፡

የኔነህ ከበደ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers