• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ታሪክን የኋሊት፣የካቲት 20፣2009

የምዕራብ ሰሐራ ጉዳይ

በዓለማችን በአወዛጋቢ ግዛትነታቸው ከሚታወቁት መካከል ምዕራብ ሰሐራ አንዷ ነች፡፡

ለግዛቲቱ የተማላ ነፃነት የሚታገለውና የፖሊሳሪዮ ግንባር የተሰኘው የጦርና የፖለቲካ ድርጅት ግዛቲቱን ሳሐራዊ አረብ ዲሞክራቲክ ሪፖብሊክ በሚል ስያሜ ነፃ አገር ነች ሲል ያወጀው የዛሬ 41 ዓመት በዛሬዋ ዕለት ነው፡፡

የአውሮፓ አገሮች አፍሪካን እንደ ቅርጫ ለመካፈል ከ133 ዓመታት በፊት በዶለቱበት የበርሊኑ ሸንጓቸው በአፍሪካ ሰሜናዊ ምዕራብ ጫፍ የምትገኘው ምዕራብ ሰሐራ የስፔን ትሁን ተባለ፡፡

ስፔን ምዕራብ ሰሐራን ቅኝ ግዛቷ አደረገቻት፡፡

ጊዜው ደረሰና በአፍሪካ ቅኝ አገዛዝ ፍፁም እየተዳከመ ሲመጣ ስፔን ከ42 ዓመታት በፊት ምዕራብ ሰሐራን ለቅቃ ወጣች፡፡

ስፔን ለቅቃ እንደወጣች በግዛቲቱ ላይ የይገባናል ጥያቄ የሚያነሱት ሞሮኮና ሞሪታንያ በየፊናቸው ምዕራብ ሰሐራን ተቀራመቷት፡፡

ከ2 ሦስተኛው በላይ የምዕራብ ሰሐራ ክፍል በሞሮኮ ስር ገባ፡፡ የተቀረውን ሞሪታንያ ያዘችው፡፡

ሞሪታንያ በይዞታዋ ብዙ አልገፋችበትም፡፡

ለግዛቲቱ ነፃነት በተቋቋመውና የፖሊሳሪዮ ግንባር በተሰኘው የጦርና የፖለቲካ ድርጅት ግፊት በአጭር ጊዜ ለቅቃ ወጣች፡፡

 

ሞሮኮ ግን ከ40 ዓመታት በፊት በእጇ ያስገባቸውን የምዕራብ ሰሐራን ክፍል ደቡባዊ ግዛቴ ነው ብላ እንደያዘችው ነው፡፡

ይሁንና ምዕራብ ሰሐራ የሞሮኮ ግዛት ስለመሆኑ ዓለም አቀፋዊ ይሁንታም ሆነ ዕውቅና የለም፡፡

የምዕራብ ሰሐራ ጉዳይ በውሳኔ ሕዝብ ይፈታ የሚል አቋም ቢኖርም እነማን ድምፅ መስጠት አለባቸው በሚለው ጉዳይ ተወዛጋቢዎቹ አይስማሙም፡፡

ፖሊሳሪዮ ውሳኔ ህዝቡ ቅኝ ገዢዎቹ ከመውጣታቸው አስቀድሞ በተከናወነው የህዝብ ቆጠራ ላይ መመስረት አለበት ይላል፡፡

ሞሮኮ ደግሞ ከነ አካቴው ውሳኔ ህዝቡ አያስፈልገንም የሚል አቋም ይዛለች፡፡

የቀድሞው የአፍሪካ አንድነት ድርጅት የፖሊሳሪዮዋን ሰሐራዊ አረብ ዲሞክራቲክ ሪፓብሊክ በአባልነት በተቀበለ ጊዜ ሞሮኮ አኮረፈች፡፡ ከ30 ዓመታት በፊትም ድርጅቱን ለቅቃ ወጣች፡፡

ሞሮኮ ከዚህ ሁሉ ጊዜ በኋላ በቅርቡ በአዲስ አበባ በተካሄደው የአፍሪካ ህብረት የመሪዎች ጉባዔ ወደ አህጉራዊው ተቋም አባልነቷ ተመልሳለች፡፡

የምዕራብ ሰሐራ ጉዳይ ግን ያለ አንዳች ሁነኛ መፍትሄ እንዳለ ነው፡፡

የኔነህ ከበደ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers