• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ታሪክን የኋሊት፣የካቲት 17፣2009

በረራ 811

በዓለማችን ለቁጥር የበዙ የአውሮፕላን አደጋዎች ሲደርሱ ቆይተዋል፡፡

ንብረትነቱ የዩናይትድ አየር መንገድ የበረራ ቁጥር 811 የሆነው ቦይንግ 747 የመንገደኞች አውሮኘላን ለየት ያለ አደጋ የገጠመው የዛሬ 28 ዓመት በዛሬዋ ዕለት ነበር፡፡

አውሮፕላኑ ከአሜሪካዋ ሐዋይ ሆነሉሉ ወደ ኒውዚላንድ ኦክላንድ ለማምራት 337 መንገደኞችንና 15 ሠራተኞችን አሣፍሮ ከመነሳቱ አስቀድሞ ሁሉም አማን ነበር፡፡

አውሮፕላኑ አኮብኩቦ ወደ ሰማይ ከፍታውን ሲያያዘው አንዳች ነጐድጓዳማ ድምፅ መሰማቱ ለአውሮኘላኑ አብራሪዎች፣ ለኢንጂነሩም ሆነ መላ መንገደኞቹን አስደነገጠ፡፡

አውሮፕላኑ ለ16 ደቂቃዎች ከበረረ በኋላ ወደ 23 ሺህ ጫማ ከፍታ ተጠጋ፡፡

ከዚህ ከፍታ ሲደርስ ቢዝነስ ክላስ ተብሎ በተከለለው የአውሮኘላኑ ክፍል አንዳች ድንገተኛ ንቅናቄና የፍንዳታ ድምፅ ተሰማ፡፡

በዚያ ቅፅበት የአውሮፕላኑ የእቃ መጫኛ ክፍል በር እንደ ወረቀት ተበጭቆ በረረ፡፡

የአውሮፕላኑ ቢዝነስ ክላስ ተሽነቋቆረ፣ ተቦተራረፈ፡፡ ትልቅ ቀዳዳም አበጀ፡፡

በዚያ የነበሩ ዘጠኝ ሰዎች በሽንቁሩ በተፈጠረው ከፍተኛ የአየር ግፊት ተስበው ወደ ውጭ ተምዘገዘጉ፡፡ ዕጣቸውም ሞት ሆነ፡፡

 

ከዚህ አደጋ ቀደም ብሎ በስኮትላንድ ሎከርቢ ሰማይ የፖን-አም አየር መንገድ አውሮፕላን በቦምብ መጋየት አጋጥሞት ስለነበር አብራሪው የገጠመው አደጋ የዚያ ዓይነት መስሎ ታሰበው፡፡

ግን የበረራ ቁጥር 811 የገጠመው አደጋ ከአውሮኘላኑ የዕቃ መጫኛ ክፍል በር አዘጋግ ዕክል መሆኑ ይነገራል፡፡

በዚህ አደጋ በተፈጠረው የአየር ግፊት ተስበው ከሞቱት ሌላ 38 ሰዎች መጠነኛ የአካል ጉዳት ደርሶባቸዋል፡፡

በአጠቃላይ 346 ሰዎች ከዚህ አደጋ በሕይወት የመትረፋቸው ነገር የተአምር ያህል ተቆጥሯል፡፡

አብራሪዎቹ በአስቸጋሪ ሁኔታና ጉዳት ላይ የነበረውን አውሮፕላን ችግሩ ከማጋጠሙ በፊት በተነሳበት ሆኖሉሉ ዓለም አቀፍ አየር ማረፊያ አሣረፉት፡፡

የአውሮፕላኑ አብራሪዎች፣ ኢንጂኒየሩና መላ ሠራተኞቹ በዚያ አስቸጋሪ ወቅት ላከናወኑት የላቀ ሙያዊ ተግባር ዕውቅና የሴክሬታሪ አዋርድ የተሰኘው ሽልማት የተበረከተላቸው መሆኑ በታሪክ መዝገብ ሰፍሮ ይገኛል፡፡ 

የኔነህ ከበደ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers