• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ታሪክን የኋሊት፣የካቲት 21፣2009

አር-ኪው አራት ግሎባል ሃውክ

ዓለማችን በአቪየሽን ታሪክ አይነታቸው አገልግሎታቸውና ስሪታቸው የበዛ አውሮፕላኖችን ታውቃለች፡፡

ዛሬ አብራሪ ለምኔ የሆኑ ሰው አልባ አውሮፕላኖች ሰማዩን የሚቀዝፉበት ዘመን ላይ ተደርሷል፡፡

በሰው አልባ አውሮፕላኖች ታሪክ አር-ኪው አራት ግሎባል ሃውክ የተሠኘው ሰው አልባ አውሮፕላን ቅድምናውን ይወስዳል፡፡

አውሮፕላኑ በአሜሪካ ሰማይ እንዲበር ፈቃድ የተሠጠው የዛሬ 19 ዓመት በዛሬዋ እለት ነበር፡፡

አውሮፕላኑ የተለያዩ መረጃዎችን የመሠብሰብና የማጠናቀር ተልዕኮ ያለው ቀልጣፋ የስለላና የቅኝት አገልግሎት ይሰጣል፡፡ 

አር-ኪው ግሎባል ሐውክ እጅግ በከፍተኛ የአየር ክልል መብረሩ አንዱ መለያው ነው፡፡

በስለላና በቅኝት አገልግሎቱም የልብ አድርስ ነው ይሉታል፡፡

አውሮፕላኑ እጅግ ከራቀው ሰማይ ምድር ላይ ያሉ መረጃዎችን ልቅም ምንጥር አድርጐ በመለየት በአንጀት አርስነቱ ይሞካሻል፡፡

ከራቀው ከፍታ ከዳመና በላይ ሆኖ በ100 ኪሎ ሜትር መጠነ ዙሪያ ሆኖ የጠላትን የመሳሪያ አቀማመጥ ምንጥር አድርጐ የመለየት ችሎታ አለው፡፡

አስገራሚው ነገር የመሳሪያዎቹ ከቦታ ቦታ ዝውውር እንኳ ቢያጋጥም ከዚህ ባለ ንስር ዓይን አውሮፕላን መሠወር የማይሞከር ነው፡፡

 

እድሜ ለታጠቀቸው ዘመን አፈራሽ ቴክኖሎጂዎች ይበልና በባሕር አካላት ቅኝትም የተዋጣለት ነው፡፡

ከጦር ቃኚነቱ በተጨማሪ የተፈጥሮና ድንገተኛ አደጋ ምልክቶችን በማነፍነፍ ሁነኛነት አለው፡፡

ከሰባት ዓመታት በፊት በካሊፎርኒያ ሰፊ አካባቢን የሸፈነ የሰደድ እሳት በተቀሰቀሰበት ወቅት ዋነኞቹን የቋያ ነጥቦች በመለየት ቃጠሎውን ለማጥፋት ለተደረገው ጥረት ስሙ በታላቅ ባለውለታነት ተነስቷል፡፡

ግሎባል ሐውክ ከመጀመሪያ ስሪቱ የሙከራ በረራ ወዲህ የተለያዩ ማሻሻያዎች እየተደረጉለት ባለማቋረጥ እየዘመነ ነው፡፡

የአሜሪካ የአየርና የባህር ኃይሎች የግሎባል ሐውክ ዋነኞቹ ተገልጋዮች ናቸው፡፡

የሰሜን አትላንቲክ የጦር ቃል ኪዳን ድርጅት /ኔቶ/ የአር ኪው አራት ግሎባል ሐውክ ትሩፋት ተቋዳሸ ነው፡፡ በኢራቅና በአፍጋኒስታን ዘመቻ ወቅት አብይ የቃፊርነት ሚና ነበረው፡፡

እንደ አንጀት አርስ አገልግሎቱ ዋጋውም የአገሮችን ካዝና የሚፈታተን ነው፡፡

አንዱ አውሮፕላን እስከ 218 ሚሊዮን ዶላር ያወጣልና፡፡

የኔነህ ከበደ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers