• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ታሪክን የኋሊት፣መጋቢት 2፣2009

የሱዳን የመሐዲስቶች ንቅናቄ

ሱዳናውያን ራሳቸውን ከብሪታንያና ከግብፅ ጥምር ቅኝ ገዢዎች ለማላቀቅ ታላቅ ተጋድሎ አድርገዋል፡፡ 

ከሱዳናውያኑ ተጋድልዎች፤ የመሐዲስቶች ንቅናቄ፤ በአገሪቱ ታሪክ ታላቅ ስፍራ የተሠጠው ነው፡፡

የመሐዲስቶቹ ጦር በካርቱም በነበሩት የግብፅና የብሪታንያ የቅኝ ገዢ ወታደሮችን መክበብ የጀመሩት የዛሬ 133 ዓመት በዛሬዋ እለት ነበር፡፡ 
ከዚህ ጊዜ ሁለት ዓመታት ቀደም ብሎ ግብፅ በብሪታንያ ሞግዚትነት ስር ብትውልም እሷም በተራዋ ሱዳንን በስሯ አሳዳሪ ነበረች፡፡

እናም የብሪታንያ ቅኝ ገዢዎችና ግብፃውያን ሱዳንን በጥምር ሲያስተዳድሯት ቆይተዋል፡፡ 
የኡምዱርማኑ ተወላጅ ሙሐመድ ሃማድ ሱዳንን ከባዕዳን ገዢዎቿ ለማላቀቅ ቁጥር ሃሳብ አድርጐ ተነሳ፡፡

ራሱንም ‹‹መሐዲ›› ወይም ‹‹አዳኙ›› ሲል ጠራ፡፡ 
ሱዳንን ከባዕዳን ለማላቀቅ የመሠረተው የአገሬው አርበኞች ስብስብ የማሐዲስቶች ንቅናቄ ተባለ፡፡

ማሐዲ ብዙ ተከታዮችን አፈራ፡፡

ጦሩን አደረጀ፡፡

የማሐዲስቶቹ ንቅናቄ በተመሠረተ በጥቂት ዓመታት ውስጥ በባዕዳኑ ላይ የበረከቱ ድሎችን ጨበጠ፡፡ 
በጥቂት ዓመታት ጊዜ፤ በካርቱም ከተማ የሠፈሩትን የብሪታንያና የግብፅ ወታደሮች ከበባቸው፡፡

 

የማሐዲስቶቹ የካርቱም ከበባና ማጥቃት የተጀመረው የዛሬ 133 ዓመት በዛሬዋ እለት ነበር፡፡

ብሪታንያ ከፍተኛ የጦር መኮንኗን ጄኔራል ቻርልስ ጆርጅ ጐርደንን የሱዳን ገዢ አድርጋ በመሾም ስትልክ ሁኔታውን በመላና በዘዴ እንዲይዙላት ነበር፡፡

የጦር መኮንኑ የብሪታንያና የግብፅ ኃይሎች ከካርቱም እንዲያፈገፍጉ የአገሩን መንግስት የነበረውን ፍላጐት ወደጐን አለው፡፡

በጐርደን ድርጊት የተበሳጨው የብሪታንያ መንግስትም የጦር መኮንኑን እንደፍጥርጥሩ ብሎ ድጋፍ ነሳው፡፡

የማሐዲስቶቹ 10 ወራት ገደማ የዘለቀ ከበባ የባዕዳኑን ወታደሮች የውጊያ መንፈስ አዳከመው፡፡

በከተማዋ የሚበላ የሚጠጣው ሁሉ ተሟጠጠ፡፡

የብሪታንያና የግብፅ ወታደሮች በረሃብ ተጠበሱ፡፡

ከተማይቱም በጠኔ ተፈታች፡፡

ማሐዲስቶቹ ካርቱምን ከየአቅጣጫው ወረው ተቆጣጠሯት፡፡

ካለቁት የባዕዳን ወታደሮች የተረፉት ጄኔራል ጐርደን ጭምር ተማረኩ፡፡

ድል አድራጊው የመሐዲስቶቹ ጦር፤ ጄኔራል ጐርደንንና ሌሎቹን ባዕዳን ምርኮች ፈጇቸው፡፡

አጋጣሚው በዘመኑ በብሪታንያ መንግስት ላይ የዜጐቹን ተቃውሞ ቀስቅሶበት እንደነበር በታሪክ ሠፍሮ ይገኛል፡፡

የኔነህ ከበደ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers