• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ታሪክን የኋሊት፣መጋቢት 6፣2009

ኢትዮጵያ እና ሶማሊያ የተኩስ አቁም ስምምነት የተፈራረሙት የዛሬ 39 ዓመት በዛሬዋ ዕለት ነበር

በሶማሊያ የግዛት ይገባኛል መነሻ ኢትዮጵያ ከ4 አስርት ዓመታት በፊት የተፈፀመባትን ወረራ መክታ መልሳለች፡፡ወራሪው ኃይል ከኢትዮጵያ ወሰን ተጠራርጐ ከወጣ በኋላ በሁለቱ አገሮች መካከል የተኩስ አቁም ስምምነት የተፈረመው የዛሬ 39 ዓመት በዛሬዋ እለት ነበር፡፡

የአፄ ኃይል ስላሴ ስርዓት ከወደቀ በኋላ ወታደራዊ መንግስት አስተዳደርና በፍልስፍና ዘይቤ ልዩነት ከውስጥ ተቃዋሚዎቹ ጋር መተጋተግ መያዙን ሶማሊያ እንደ ምቹ አጋጣሚ ቆጠረችው፡፡በዛ በላይ የዘመኑ የኢትዮጵያ ጦር በቁጥሩ ውስን በትጥቁም በተነፃፃሪነት ደካማ ሆኖ መገኘቱን የሶማሊያ ጦር ሊያጣው የማይገባ እድል ሆኖ ታየው፡፡

በፕሬዝዳንት ሲያድ ባሬ ትመራ የነበረችው ሶማሊያ ጡንቻዋ እንደፈረጠመ  በተሠማት ጊዜ ሐምሌ 5 ቀን 1969 እስከ አፍጢሙ በታጠቀ ሠራዊቷ የኢትዮጵያን ግዛት ወረረች፡፡

90 በመቶ ያህሉን የኦጋዴን እንዲሁም አብዛኛውን የባሌና የሲዳሞ አካባቢዎች ያዘች፡፡

በጦርነቱ መጀመሪያ የሶማሊያ ጦር በታጠቀው ሶቪየት ሠራሽ ዘመናዊ ትጥቅ በመደገፍ ሰፊ የኢትዮጵያ ግዛት በእጁ ማስገባት ቻለ፡፡

የኢትዮጵያ ጦር በደካማ ትጥቅና ቁመናው በውጊያው ማለዳ በመከላከል ተወሰነ፡፡

ድሬዳዋ በጠላት እጅ እንዳትገባና ጠላት ከጂጂጋ ወደ ሐረር እንዳይዘልቅ የተደረገው የሞት የሸረት ተጋድሎ በመከላከሉ ውጊያ ሞስኮ ለሶማሊያ ስትሰጥ የቆየችውን ወታደራዊ እርዳታ ወደ ኢትዮጵያ አዞረች፡፡

ኩባ በሺህዎች የሚቆጠሩ ወታደሮቿን ከኢትዮጵያ ጐን አሠለፈች፡፡

ደቡብ የመናውያንም ለጦር እርዳታ መጡ፡፡

 

በመቶ ሺህዎች የሚቆጠሩ የሕዝባዊ ሠራዊት አባላት የኢትዮጵያን መደበኛ ሠራዊት ተቀላቀሉ፡፡

በየካቲት ወር 1970 የኢትዮጵያ ጦር በኩባ ወታደሮች ድጋር ወደ መጠነ ሰፊ መልሶ ማጥቃት ገባ፡፡

በጂጂጋና በካራማራ ተራራ የተገኘውና ፋይዳው የጐላ ድል ለኢትዮጵያ ጦር ከፍተኛ የመንገስ ብርታት ሆነው፡፡

ከዚህ በኋላ የሶማሊያ ሠራዊት ከእለት እለት እግሩን መንቀልና መፍረክረክ ያዘ፡፡

ሶማሊያ ከመላ ሠራዊቷ አንድ ሦስተኛውን፤ ከብረት ለበስ ክፍሏ ከስምንቱ ሦስቱን ከአየር ሃይሏ ግማሽ ያህሉን አጣች፡፡

በመጨረሻም የሶማሊያ ጦር የኢትዮጵያን ድንበር ተሻግሮ ለመሸሽ ተገደደ፡፡

የሲያድ ባሬ የታላቋ ሶማሊያ ሕልም ጨነገፈ፡፡

ጦሩ የደረሰበት ሽንፈት ሶማሊያ አሁን ድረስ መውጫ ላጣችለት የእርስ በርስ ጦርነት መነሻ እርሾ ሆነ፡፡

በኢትዮ ሶማሊያ ጦርነት የማታ ማታ ኢትዮጵያ ወስኗን በማስከበር በተኩስ አቁም ተደመደመ፡፡

የኔነህ ከበደ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers