• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ታሪክን የኋሊት፣መጋቢት 7፣2009

የቀድሞው የኢራቅ መሪ ሳዳም ሁሴንና ሥርዓታቸው ፈፅመዋቸዋል ከሚባሉ ግፎች የሐላብጃው ፍጅት አንዱ ነው፡፡

የሐላብጃው የመርዝ ጋዝና የኬሚካል ጥቃት ከተፈፀመ ዛሬ 29ኛ ዓመቱን ደፈነ፡፡

በሰሜናዊ ኢራቅ የሚኖሩ የኩርድ ፔሽመርጋ ታጣቂዎች የሳዳም ሁሴንን አስተዳደር በመቃወም በተለያየ ጊዜ ብረት አንስተዋል፡፡

ፔሽመርጋዎች በሐላብጃ የመርዝ ጋዝና የኬሚካል የጦር መሣሪያ ጥቃት መቃረቢያም የሳዳም ሁሴንን አስተዳደር እምብዛም አደጋ ላይ የማይጥል ዓይነት አመፅ ቀስቅሰው ነበር፡፡

በአመፁ የተቆጡት ሳዳም ሁሴን የኩርድ አማፂያንን ዳግም እንዳይለምዳቸው ለመቅጣት ባሰቡ ጊዜ ሞት የተጫኑ የጦር አውሮኘላኖችን ወደ ሐላብጃ ከተማ ላኩ፡፡

ሚግና ሚራዥ ሥሪት የኢራቅ አየር ኃይል የጦር አውሮኘላኖች ከጦር ሜዳው ራቅ ብላ በምትገኘውና የኩርዶች መኖሪያ በሆነችው ሐላብጃ ከተማ ታጣቂ ከሰላማዊ ነዋሪ ባልለየ ሁኔታ የመርዝ ጋዝና አደገኛ ኬሚካሎችን የታጨቁ ቦምቦችን ያራግፉባት ያዙ፡፡

ሰው “ጋዝ” ኬሚካል እያለ መዳኛ መሸሸጊያ ፍለጋ ተሯሯጠ፡፡

 

ስምንት ያህል አውሮኘላኖች በዚያ ዓይነት ሁኔታ የ14 ጊዜ ምልልስ በማድረግ በከተማዋ ላይ ሞትና ጥፋታቸውን አዘነቡባት፡፡ መአቱን አወረዱባት፡፡

ወፎች ከየዛፉ ከአየር ላይ ወደ ምድር ረገፉ፡፡ ሰው በነፍሴ አውጭኝ ቢሮጥም መሸሻ ማምለጫ አልነበረውም፡፡

የጣዕር ድምፅ በዛ፡፡ የጣዕር ድምፅና ጩኸቱ ተበራከተ፡፡ አየሩ በመጥፎ ጠረን ታወደ፡፡ ብዙዎቹም እያስመለሱ  ያስነጠሱና አይናቸው እየተጨናበሰና እየተቃጠለ በየቦታው ተፈነቸሩ፡፡ ተረፈረፉ፡፡

ወዲያውኑም የአይን ብርሃናቸውን ያጡ አሉባቸው አየሩ በመጥፎ ጠረን ታወደ፡፡

በጥቃቱ በአደጋው ወቀትና ተከትሎ ባለው ጊዜ የ5 ሺህ ያህል ሰዎች ሕይወት ተቀጠፈ፡፡

እስከ 10 ሺህ ያህሉ ደግሞ የተለያየ ዓይነት ኬሚካልና የመርዝ ጋዝ ወለድ ጉዳት ገጠማቸው፡፡ ለተለያዩ ዘላቂ ጉዳቶች ተዳረጉ፡፡

የዛሬ 29 ዓመት በዛሬዋ ዕለት የተፈፀመው የሐላብጃው የመርዝ ጋዝና የኬሚካል ጥቃት የተፈፀመው በእለተ ዓርብ ስለነበረ በታሪክም የአርቡ ፍጅት ተብሎ ይታወቃል፡፡

በዓለማችን የቅርብ ጊዜ ታሪክ ከተፈፀሙ የመርዝ ጋዝና የኬሚካል ፍጅቶች የከፋው ነው ይባልለታል፡፡

የፍጅቱ አዛዥና በዚሁ ጥቃት ጠንሳሽና አቀናባሪ ኬሚካል ዓሊ የተሰኘውን ቅፅል ያፈሩት የሳዳም ሁሴን የቅርብ ዘመድ ዓሊ ሃሰን አል መጂድ በሐላብጃው ወንጀላቸው ከ7 ዓመታት በፊት በፍርድ ቤት በስቅላት እንዲቀጡ ተፈረደባቸው፡፡ ቅጣቱም ተፈፀመባቸው፡፡

የኔነህ ከበደ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers