• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ታሪክን የኋሊት፣መጋቢት 18፣2009

የካናሪ ደሴቱ የአውሮፕላን አደጋ

በስፔን ካናሪ ደሴት በዓለማችን እጅግ አሰቃቂ ነው የተባለው የአውሮፕላን አደጋ ከደረሰ ዛሬ ልክ 40ኛ ዓመቱን ደፈነ፡፡

በዕለቱ በግራን ካናሪያ ኤርፖርት የመንገደኞች ማስተናገጃ ውስጥ ቦምብ ፈንድቶ 1 ሰው ገደለ፡፡

በዚህ ብቻ ሳያበቃ 2ኛው ቦምብ እንደተጠመደ የሚያስጠነቅቅ የስልክ መልዕክት መድረሱ የኤርፖርቱን ሹሞች ማስደንገጥ ማሳሰቡ አልቀረም፡፡

ግራን ካናሪያ ኤርፖርት የቦንቡ ጉዳይ እስኪጣራ ለጊዜው ተዘጋ፡፡

ወደ ካናሪ ደሴት የሚመጡ ገቢ አውሮፕላኖች ማረፊያቸውን በደሴቲቱ ወደ ሚገኘው ሌላኛው ኤርፖርት ሎስ ሮዴዮስ እንዲቀይሩ ታዘዙ፡፡

በእለቱ የክፉ እጣ ሰለባ የሆኑ የአሜሪካው የፓን አምና የኔዘርላዱ KLM አየር መንገድ ንብረት የሆኑ ቦይንግ 747 ጃምቦ ጄቶች በሎስ ሮዲዮስ ኤርፖርት በተለዋጭነት አረፉ፡፡

በግራን ካናሪያ ኤርፖርት ተጠምዷል የተባለው ቦምብ ስጋት ከተወገደ በኋላ በሎስ ሮዲዮስ ያረፉት ሁለቱ የመንገደኞች አውሮፕላኖች በየፊናቸው ወደ ግራን ካናሪያ ለመብረር ተዘጋጁ፡፡

ሁለቱ አውሮፕላኖች ለበረራ በተሰናዱበት ወቅት ጭጋጋማው የአየር ክስተት ዕይታን ማወኩ አልቀረም፡፡

ሁለቱም አብራሪዎች ከአየር ትራፊክ ተቆጣጣሪዎች ጋር የሬዲዮ ግንኙነት ነበራቸው፡፡

ከዕይታ መጋረድ በተጨማሪ ከአየር ትራፊክ ተቆጣጣሪዎቹ ጋር የመልዕክት መለዋወጫው ሬዲዮ የሞገድ መምታታት አስከተለ፡፡

በዚያ ላይ ኤርፖርቱ በምድር ያሉ አውሮፕላኖችን መከታተያ ራዳር አልነበረውም፡፡

 

ከአየር ተቆጣጣሪዎች ጋር በነበረው የመልዕክት ልውውጥ መምታታት የኔዘርላንዱ አውሮፕላን አብራሪ የይለፍ ፈቃድ ያገኘ ያህል ቆጠረው፡፡

የፓን አም አውሮፕላን ደግሞ በማኮብኮቢያ መስመሩ በዝግታ እንቅስቃሴ ላይ ነበር፡፡

የኔዘርላንዱ አውሮፕላን ከፓን አም ጃምቦ ጄት ጋር ተላተመ፡፡

የሁለቱ የመንገደኞች አውሮፕላኖች ግጭት የሚያናውጥ ፍንዳታ ፈጠረ፡፡

ፍንዳታው በመላዋ ካናሪ ደሴት መሰማቱ ተፅፎ ይገኛል፡፡

ዋይታ፣ ቃጠሎ ውድመት ሁሉም በቅፅበት ሆነ፡፡

የዶቹ KLM የመንገደኞች አውሮፕላን ከነሰራተኞቹ ከያዛቸው 249 ሰዎች ለወሬ ነጋሪ የተረፈ የለም፡፡

394 ሰዎችን ከያዘው የፓን አም አየር መንገድ ጃምቦ ጄት 60 ሰዎች በሕይወት ቢተርፉም አብዛኞቹ ከባድ አካላዊ ጉዳት የገጠማቸው ነበሩ፡፡

በአደጋው በአጠቃላይ 583 ሰዎች አለቁ፡፤

በዓለማችን የአውሮፕላን አደጋ እጅግ አሰቃቂው ሆኖ ይነሳል፡፡

አደጋው ሌላ መሰል አደጋ እንዳያጋጥም የአቪየሽን ዘርፍ ማስተማሪያ እንደወጣው በታሪክ ሰፍሮ ይገኛል፡፡

የኔነህ ከበደ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers