• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ታሪክን የኋሊት፣መጋቢት 19፣2009

ጄሲ ኦዌንስ

በመልካም ምግባራቸው፣ ባከናወኑት ታላቅ ተግባር፣ በጀግንነት ውሏቸው፣ ታላቅ አሻራን ያኖሩ ከዚህ ዓለም በሞት ቢለዩም ስማቸው ከመቃብር በላይ ነው፤ ይባልላቸዋል፡፡

ጄምስ ክሌቭላንድ ወይም ጄሲ ኦዌንስ፣ የተባለው አፍሪካ አሜሪካዊ አትሌት፣ ስማቸው ከመቃብር በላይ፣ ከዋለው ሰዎች አንዱ ነው፡፡

የቀድሞው የአሜሪካው ፕሬዝዳንት፤ ጆርጅ ቡሽ ትልቁ፤ ለጄሲ ኦዌንስ ለሲቪሎች ከሚሰጡት እጅግ የላቀውን የኮንግረሱን የወርቅ ሜዳልያ ያበረከቱለት፤ አትሌቱ ከዚህ ዓለም በሞት ከተለየ ከ10 ዓመት በኋላ የዛሬ 27 ዓመት በዛሬዋ እለት ነበር፡፡

ኦዌንስ፣ የአጭር ርቀትና የአግድመት ዝላይ፣ ባለተሠጥኦ ነበር፡፡

በተለይ፣ ከ81 ዓመት በፊት፣ የተካሄደው፣ የበርሊን ኦሊምፒክ፣ ድንቅ ችሎታውን ያስመሠከረበት የስፖርት አውድማ ሆነ፡፡

በዘመኑ፣ የጀርመን ናዚዎች መሪ፣ አዶልፍ ሂትለርና ተከታዮቹ፣ በከፍተኛ ዕብሪትና ትምክህት ውስጥ ነበሩ፡፡

በዚህም ቀቢፀ ተስፋ በኦሎምፒኩ ፉክክር የጀርመን ተወዳዳሪዎች ሜዳሊያዎቹን እንደሚያግበሰብሱትና ለዓለም ማንነታቸውን የሚያሳዩበት መድረክ እንደሚሆን ታሰባቸው፡፡

ዓለምን በእጄ አስገባለሁ፤ ብሎ ክፉ ኃሳብ ያደረበት ሂትለር ኦሎምፒኩን ለፕሮፓጋንዳው ማራመጃነት፣ እንደ መልካም አጋጣሚ ቆጠረው፡፡

ናዚዎቹ፣ የሁሉም የበላይና የምርጥ የአርያን ዝርያዎች ነን፤ የሚለውን መርዘኛ ኃሳባቸውን አሠራጩ፡፡

 

ጥቁር አሜሪካዊው ጄሲ ኦዌንስ፣ በአጭር ርቀት፣ በመቶና ሁለት መቶ ሜትር ሩጫ እንዲሁም በ4 አራት በመቶ የዱላ ቅብብልና በአግድመት ዝላይ በዘመኑ ዓለምን ጉድ አሠኘ፡፡ 

በአራት የተለያዩ ውድድሮች፣ 4 የወርቅ ሜዳሊያዎችን ማጥለቅ ቻለ፡፡

የኦዌንስ ድል፣ የጀርመኖችን የአርያን የምርጥ ዝርያ ስብከት፣ አፈር ድሜ አስጋጠው፡፡

ሂትለር የኦዌንስ ድል፣ አናዶት፤ እንዲያከናውን የታቀደውን የሜዳሊያ ሸልማት የመስጠት     ስነ-ስርዓት አቋርጦ፣ ስቴዲዮሙን ጥሎ ወጣ፡፡

ኦዌንስ፣ በደማቅ ስኬቶቹ መነሻ፣ የአገሩ መንግስት፣ የበጐ ፈቃድ አምባሳደር ሆኖ አገልግሏል፡፡

እንደ ፎርድ መኪና አምራች ኩባንያ፣ ያሉትን ተቋማት፣ በዓለም ዙሪያ በማስተዋወቅም ሠርቷል፡፡

ይሄ፣ የሁለተኛው ጦርነት ዋዜማ፣ የኦሎምፒክ የስፖርት ጀግና፣ ከ37 ዓመት በፊት ከዚህ ዓለም በሞት ተለየ፡፡

ከሞቱ 10 ዓመት በኋላ የቀድሞው የአሜሪካ ፕሬዝዳንት ጆርጅ ቡሽ ትልቁ፣ ለኦዌንስ፣ በአገሪቱ የላቀ ተግባር ላከናወኑ ሲቪሎች የሚሰጠውን የኮንግረሱን የወርቅ ሜዳይ አበረከቱለት፡፡

ሸልማቱ ስሙ ከመቃብር በላይ ለመዋሉ አንድ ምሥክር ሆኗል፡፡

የኔነህ ከበደ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers