• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ታሪክን የኋሊት፣መጋቢት 25፣2009

ማርቲን ሉተር ኪንግ ጁኒየር

የሰበዓዊ መብት ታጋዩ ማርቲን ሉተር ኪንግ ጁኒየር ከዛሬ 49 ዓመታት በፊት ልክ በዛሬዋ ቀን እስከዛሬም ዓለም የሚያስታውስላቸውን ‹‹ወደ ተራራው አናት ወጣሁ›› የሚለውን ንግግራቸውን አሰሙ፡፡

ከዚያች ታሪከኛ ንግግራቸው 24 ሰዓት በኋላም ተገደሉ፡፡

አፍሪካ አሜሪካውያን ለምርጫም ሆነ ለሁለንተናዊ መብትና እኩልነታቸው መስዋዕትነት የጠየቁ አታካች ትግሎችን አካሂደዋል፡፡

በቀደመው ዘመን የአፍሪካ አሜሪካውያኑን የመብት ትግል ከመሩ ተሟጋቶች መካከል ማርቲን ሉተር ኪንግ ጁኒየር በአረዓያነት ይጠቀሳሉ፡፡

እኚህ የመብት ታጋይ ከመብት ተሟጋችነታቸው በተጨማሪ በመሳጭ አነቃቂና ቀስቃሽ ንግግሮቻቸውም ይታወቀሉ፡፡

አፍሪካ አሜሪካውያን በምድረ አሜሪካ ሁለንተናዊ መብትና እኩልነታቸው የሚረጋገጥበት ጊዜ እንደሚመጣ በታሰባቸው ጊዜ ሕልም አለኝ የሚለውን ተደናቂ ንግግራቸውን አደረጉ፡፡

ኪንግ በሜንፊስ ባደረጉት መሳጭና ቀስቃሽ ንግግር ሞታቸው እንደቀረበ ጠቅሰውት ነበር፡፡ 

 

እንዳሉትም ተገደሉ፡፡

ኪንግ፣ በዓላማ ተፃራሪዎቻቸው ሴራ፣ ሕይወታቸውን ቢያጡም የመብት ትግላቸው መና አልቀረም፡፡

‹‹ሕልም አለኝ›› አሉ፡፡ ሕልማቸው፣ አፍሪካ አሜሪካዊውን፣ ባራክ ኦባማን ለዋይት ሐውስ በማብቃት ተምሳሌታዊ ፍቺ አገኘ፡፡

ከቅርብ፣ አስርት ዓመታት ወዲህ፣ በርካታ አፍሪካ አሜሪካዊያን፣ ለታላላቅ መንግስታዊ ኃላፊነትና የጦር ዕልቅና በቅተዋል፡፡

ጄኔራል ኮሊን ፓወል፣ ወይዘሮዎቹ ኮንዶሊዛ ራይስና፣ ሱዛን ራይስ ለታላላቅ ኃላፊነት ከበቁ አፍሪካ አሜሪካውያን ከብዙ በጥቂቱ ናቸው፡፡

የመብት ተሟጋቹ፣ በዘመናቸው፣ የዘር መድልኦ ከነገሠባት አሜሪካ፣ አሻግረው የተስፋይቱ ምድር፣ ሲሉ የጠሯትንና እኩልነት የነገሰባትን፣ አዲሲቱን አሜሪካ አለሙ፡፡

ሙግታቸው ፍሬ አፈራ፣ትግላቸው ሰመረ፡፡ ሐሰባቸውም ያዘ፡፡ ሕልማቸው ተፈታ፡፡

ኪንግ ከመቃብር ቢነሱ፣ አሜሪካ ያኔ እንዳሰቧትና እንዳለሟት ወደምትሆንበት የሁሉም የተስፋ አገርነት እያማረች ያለች ሆና እንደሚያገኟት ጥርጥር የለውም፡፡

የኔነህ ከበደ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers