• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ታሪክን የኋሊት፣ሚያዝያ 16፣2009

እስራኤል እንደ አገር ከቆመች ወዲህ እንደ ግብፅና ሶሪያ ካሉ የአረብ አገሮች ጋር የተለያዩ ጦርነቶችና ቁርቋሶዎችን ስታደርግ ኖራለች፡፡

በተለይም ከ50 ዓመታት ገደማ በፊት የተካሄውና የስድስቱ ቀን ጦርነት ተብሎ የሚታወቀው ውጊያ በታላቅነቱ ይነሣል፡፡

እስራኤል በዚህ ጦርነት የግብፅን የሲናይ ልሳነ ምድር ጨምሮ ሰፊ የአረብ ይዞታዎችን በእጇ ያስገባችበት ነበር፡፡

አይሁዳዊቱ አገር ከዚያ ወዲህ የሲናይ ልሳነ ምድርን ለግብፅ የመለሰችላት የዛሬ 35 ዓመት በዛሬዋ  ዕለት ነበር፡፡

እስራኤል ከፍልስጤማውያንና አባሪ ተባባሪ ሆነው ከተነሱባት የአረብ አገሮች ጋር ወደ ጦርነት የገባችው ከ69 ዓመታት በፊት የነፃ አገርነትዋ ከመታወጁ አስቀድሞ ነው፡፡

ነፃ አገርነትዋ ከታወጀ በኋላ ከአረቦቹ ጋር ድብልቅልቅ ያለ ጦርነት ውስጥ ገባች፡፡ በጦርነቱ በለስ ቀናት፡፡

ከ50 ዓመታት ገደማ በፊት በተፋላሚዎቹ መካከል ከባድ ጦርነት ተቀሰቀሰ፡፡

በታሪክም የስድስቱ ቀን ጦርነት በሚል ይታወቃል፡፡

በዚህ ጦርነት እስራኤል ፍልስጤማውኑን ጋዛ ሰርጥና ዌስት ባንክን፣ እንዲሁም ምስራቅ እየሩሳሌምን በእጇ አስገባች፡፡

የጎላንን ኮረብታ ከሶሪያ ነጠቀቻት፡፡

የግብፅን የሲናይ ልሳነ ምድር ተቆጣጠረችው፡፡

 

የቀድሞው የግብፅ ፕሬዝዳንት አንዋር ሳዳት ከ44 ዓመታት በፊት የሲናይ ልሳነ ምድር ከእስራኤል ለማስመለስ ዘመቻ ከፈቱባት፡፡

ሶሪያም ከወዲያ የጎላን ኮረብታን መልሳ በእጇ ለማስገባት በእስራኤል ላይ 2ኛውን ግንባር ከፈተች፡፡

የግብፅ ሲናይን የማስመለስ ጦርነት ጅምሩ መልካም ቢሆንም አፈፃፀሙ እንደ አጀማመሩ አልሆንልሽ አላት፡፡

በጎላንም ሶሪያ እስራኤልን መቋቋም ተሳናት፡፡

በጦርነት ሞክረው ያልተሳካላቸው ሳዳት ከእስራኤል ጋር ሰላም ለማውረድ አላቅማሙም፡፡

ክኔሴት ተብሎ በሚታወቀው የእስራኤል ፓርላማ ፊት ቀርበው ስለ ሰላም ተናገሩ፡፡

ከ39 ዓመታት በፊት በአሜሪካ ካምፕ ዴቪድ በተከናወነ ስነ-ስርዓት ከዘመኑ የእስራኤል ጠቅላይ ሚኒስትር ሜኒያሂም ቤጊን ጋር የሰላም ስምምነት ተፈራረሙ፡፡

አብዛኛው አለም እንዲያ ነው እንጂ ሲል አወደሳቸው፡፡ አሞገሳቸው፡፡

አረቦች ደግሞ በከሃዲነት አሰሷቸው፡፡ አንቀረው ተፏቸው፡፡

ስምምነቱ ኋላ በካይሮ ወታደራዊ ክብረ በዓል ላይ እንደተገኙ ለመገደላቸው አብዩ ምክንያት እንደሆነ ይነገራል፡፡

እስራኤል በካምፕ ዴቪዱ ስምምነት መሰረት በ6ቱ ቀን ጦርነት ወቅት ከያዘችው የሲናይ ልሳነ ምድር ጠቅልላ ወጣች፡፡

እስራኤል ከሲናይ ለቃ ከወጣች በኋላ ግብፅ በልሳነ ምድሩ ሉዓላዊነቷን መልሣ “ካፀናች ዛሬ 35ኛ ዓመት ሆነው፡፡

የኔነህ ከበደ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers