• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ታሪክን የኋሊት፣ሚያዝያ 25፣2009

እስከ ሁለተኛው የዓለም ጦርነት ያሉ የጃፓን መንግስታት ደርሶ ጦረኝነት የሚያጠቃቸውና ወታደራዊነት የሚያመዝንባቸው ነበሩ፡፡

በሁለተኛው የዓለም ጦርነት ከጀርመን ናዚና ከጣሊያን ፋሺዝም ጋር አብረው ተሰላፉ፡፡ ኢስያን ለማስገበር ተነሱ፡፡

ታዲያ የኋላ ኃላ እንደ ጦር አጋሮቻቸው የነሱም መጨረሻ አላማረም፡፡

ጥቅም ላይ መዋሉ እምብዛም አሳማኝነት ቢጐደለውም አሜሪካ ሂሮሺማ እና ናጋሳኪ በተባሉ ከተሞቿ ላይ እስካሁን  አሻራቸው አልለቀቀም የተባላላቸውን የአቶሚክ ቦንቦች ብትጥልባቸው ሰበብ ምክንያቷ ጦርነኝነታቸው ነበር፡፡

ኃላም እንደ ሀገር ለአሸናፊዎቻቸው እጅ መስጠትን አስከተለባቸው፡፡

ከዛን ጊዜ ወዲህ ጃፓን በፍፁም ሰላማዊ አገርነትዋ ነው የምትታወቀው፡፡

ለዚህ ሰላማዊነቷ ዋስትና የሰጠውና ፈር የቀደደው አዲሱ ሕገ-መንግስቷ ስራ ላይ መዋል የጀመረው የዛሬ 70 ዓመት በዛሬዋ እለት ነበር፡፡

ሕገ መንግስቱ ጦረኝነት እርም ይሁንብን አለ፡፡ አነወረው፡፡

ከዚያ በፊት የጃፓኑ ንጉስ የፍፁም አዛዥ ናዛዥነት የአድራጊ ፈጣሪነት ስልጣን ነበራቸው፡፡ 

ሕገ-መንግስቱ ከመጣ በኋላ እርሶዎ የሀገር ተምሳሌት በመሆን ስልጣንዎ ይገደባል ተባሉ፡፡ እሳቸውም እሺ ብለው ተቀበሉ፡፡

 

ንጉሱ ለሕዝቡ እንደ ብሔራዊ ተምሳሌት ሆነው ተወደውና ተከብረው ይኖራሉ፡፡

ጃፓን እጅጉን ሰላማዊ ነው የተባለውን ሕገ-መንግስቷን ስራ ላይ ካዋለች ወዲህ ቀደም ሲል በጦር ስትፈላለጋቸው ከነበሩ 52 መንግስታት ጋር ስምምነት በመፈራረም እርቀ ሰላም አውርዳለች፡፡

ሀገሪቱ ከፍ ወዳለ ምጣኔ ሐብት፤ ሕዝቧም ወደ ተደላደለ ኑሮና ብልፅግና መወንጨፍ የጀመሩት ከዚያን ጊዜ አንስቶ ነው፡፡

ጃፓን በሳይንስና ቴክኖሎጂ ምጥቀትና ርቀት እንጂ እምብዛም ከጦርና ከጦር ወሬ ጋር ስሟ የማይነሳ ሐገር ለመሆን ያበቃተ ከ70 ዓመታት በፊት ሥራ ላይ ያዋለችው ሕገ-መንግሥት ድጋፍና ምርኩዝ ሆኗት ነው፡፡

የኔነህ ከበደ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Leza Vote Banner
Sheger 102.1 AudioNow Numbers