• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ታሪክን የኋሊት፣ግንቦት 7፣2009

የአረቦችና እስራኤል ነገር

እስራኤልና አረቦች አነስተኛዎቹን ሣይጨምር ከአንዴም አምስት ጊዜ ታላላቅ ጦርነቶችን አድርገዋል፡፡

ሁለቱ ተፋላሚ ወገኖች ቀዳሚውን ታላቅ ጦርነት ማካሄድ የጀመሩት የዛሬ 69 ዓመት በዛሬዋ ዕለት ነበር፡፡

የታላቁ ጦርነት መጀመሪያ የዛሬ 69 ዓመት የዛሬዋ ዕለት ብትሆንም በፍልስጤም ምድር እሥራኤልና ፍልስጤማውያን ቁርቋሷቸው የጀመረው ከዚህ ጦርነት በፊት ነው፡፡

ከ70 ዓመታት በፊት ብሪታንያ የፍልስጤም ግዛት ሞግዚታዊ አስተዳዳሪነቷን ስትተወው የተባበሩት መንግስታት ድርጅት ጠቅላላ ጉባኤ ፍልስጤም በአይሁዳውንና በፍልስጤም አረቦች ይዞታነት እንድትከፈል ወሰነ፡፡

ከ69 ዓመታት በፊት የእስራኤል ነፃ አገርነት መታወጁን በፀጋ አልተቀበሉትም፡፡

የእስራኤል ነፃ አገርነት በታወጀ ማግስት ግብፅ ሶሪያና ዮርዳኖስ በእስራኤል ላይ ጦርነት ከፈቱባት፡፡

የኢራቅ ወታደሮችም በግብፅ፣ ሶሪያና ዮርዳኖስ ደጋፊነት በውጊያው ተሰለፉ፡፡

ይሄ ከሆነ ዛሬ 69 ዓመት ሆነው፡፡

ጦርነቱ ሞቅ ቀዝቀዝ እያለ ለ10 ወራት ተካሄደ፡፡

 

ለ10 ወራት የተካሄደው የመጀመሪያው የእስራኤልና የአረቦች ጦርነት በተኩስ አቁም ሲገታ የተባበሩት መንግስታት ፍልስጤም በአይሁዳውያንና በፍልስጤም አረቦች እንድትከፈል ባሰፈረው ካርታ ላይ ለውጥ አስከተለ፡፡

እስራኤል በድርጅቱ የተቀመጠላትን ወሰን ከማስጠበቋም በተጨማሪ ለፍልስጤም አረቦች ከተከለለው 60 በመቶውን መሬት ያዘችው፡፡

የመጀመሪያው የእስራኤልና አረቦች ጦርነት በተኩስ አቁም ቢገታም ማገርሸቱ አልቀረም፡፡

ከ50 ዓመታት በፊት የተካሄደውና በታሪክም የስድስቱ ቀን ጦርነት የሚል ስያሜ ያገኘው ጦርነት ድብልቅልቅ ያለው ነበር፡፡

በዚህ ጦርነት እስራኤል ምስራቅ ኢየሩሳሌምን፣ የጋዛ ሰርፅንና ዌስት ባንክን የሶሪያውን የጎላን ኮረብታ የግብፅን የሲናይ ልሳነ ምድር ጭምር በእጇ ያስገባችበት ነው፡፡

የሲናይን ልሳነ ምድር በኋላ በአሜሪካ ካምፕ ዴቪድ በተደረሰ የተናጠል ስምምነት በመመለስና የጋዛን ሰርጥ በፈቃዷ ለቃ ከመውጣቷ ውጭ በ6 ቀን ጦርነት ከአረቦች የቀማቻቸው መሬቶች አሁንም በእጇ ናቸው፡፡

የፍልስጤም ነፃ አገርነት ጉዳይ ያለ አንዳች እልባት የቸገረ ነገር የጠፋ ለመላ እንደሆነ ዘልቋል፡፡

የኔነህ ከበደ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers