• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ታሪክን የኋሊት መስከረም 23፣2010

የጀርመን ነገር

በ19ኛው ክፍለ ዘመን 2ኛ አጋማሽ ኦቶ ቮን ቢስማርክ የተበጣጠቁ ግዛቶችን በመሠብሰብ የተዋሐደችና የጠነከረች ጀርመንን ፈጠረ፡፡

ጀርመን ከ2ኛው የዓለም ጦርነት በኋላ ከደረሰባት የምስራቅ ምዕራብ መከፋፈል ተገላግላ መልሳ የተዋሐደችው ደግሞ ዛሬ 27 በዛሬዋ እለት ነው፡፡

በ20ኛው ክፍል ዘመን የመጀመሪያ ሩብ ወደ ስልጣን የመጣው ኦዶልፍ ሂትለርና የናዚዎች የፖለቲካ ማህበሩ ዓለምን በጦር ኃይል የማንበርከክና የማስገበር ክፉ ኃሳብ አደረባቸው፡፡ 
የኋላ ኋላ የጫሩት የጦርነት እሳት እነሱንም አቃጠለቸው፡፡

መራራ ሸንፈትን ተጐነጩ፡፡ የእነሱ መዘዝ ለአገራቸውም ተረፋት፡፡

ጀርመን በአሸናፊዎቹ የህብረቱ ኃይሎች ተፅዕኖ ስር ወደቀች፡፡ አሸናፊዎቹ በምዕራብና በምስራቅ ሸነሽኗት፡፡ አንዷ አገር ለሁለት ተከፈለች፡፡

በአሜሪካ፣ ብሪታንያና ፈረንሳይ የተፅዕኖ ክልልነት የቆየው የአገሪቱ ምዕራባዊ ክፍል ምዕራብ ጀርመን ወይም የጀርመን ፌዴራላዊ ሪፖብሊክ ተባለ፡፡

በሶቪየቶች ይዞታነት የቆየው ምስራቃዊ ክፍል ምስራቅ ጀርመን ወይም የጀርመን ዲሞክራሲያዊ ሪፖብሊክ ተሰኘ፡፡ በሞስኮ ሳምባም ሲተነፍስ ቆየ፡፡

ከ32 ዓመታት በፊት ሚሐየል ጐርባቾቭ በቀድሞዋ ሶቪየት ኅብረት መሪነት ወደ ክሬምሊን መምጣታቸው ለቀዝቃዛው ጦርነት ማብቃት መንገድ ጠረገ፡፡

“ግላስኖስት” ግልፅነት፤ “ፔሬስትሮይካ” ተሐድሶ አሉ፡፡

 

ይሄ ደግሞ በሶቪየት ህብረት ተፅዕኖ ስር የቆዩ አገሮች በየግዛቶቻቸው እንደምርጫቸውና እንደፈቃዳቸው እንዲኖሩ ጥርጊያውን አቀና፡፡

በምስራቅ አውሮፓ የነበሩ የሶቪየቶች ተቀጥላ ኮሚኒስት መንግስታት አንዱ ከሌላው እየተከተለ ተገረሰሰ፡፡

ተራው የምስራቅ ጀርመን ሆነ፡፡

ሕዝቡ ከጫፍ ጫፍ ለሰላማዊ ተቃውሞ ተነሳ፡፡

በብዙ ሺህዎች የሚቆጠሩትም ድንበር እየጣሱ ወደ ምዕራብ ጀርመን ተሻገሩ፡፡ የበርሊን ግምብ ፈረሰ፡፡

የምስራቅ ጀርመን የኮሚኒስት መንግስት ተቃውሞውን መቋቋም ተሳነው፡፡ 
አጋጣሚው ከ27 ዓመታት በፊት ወደተካሄደው ነፃ ምርጫ አመራ፡፡

ይህም በሁለቱ ጀርመኖች ውህደት ጉዳይ አራቱ ኃያላን ተጨምረውበት ሁለቱ ጀርመኖች ምስራቅ ምዕራብ የተሰኘ የአቅጣጫ ቅፅሎቻቸውን እርግፍ አድርገው በመተው ከተዋሐዱ ዛሬ 27ኛ ዓመቱ ሆነ፡፡

ጀርመኖች በየዓመቱ እለቱን የአንድነት ቀን ብለው እያከበሩት ነው፡፡

የኔነህ ከበደ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Leza Vote Banner
Sheger 102.1 AudioNow Numbers