• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ታሪክን የኋሊት፣መጋቢት 27፣2009

የአሜሪካን የአቶሚክ ቦምብ ሚስጥር ሲያፈተልክ

መቼም አገሮች ዜጐቻቸውን አሳድገው አስተምረው ለወግ ለማእረግ ቢያበቁም አልፎ አልፎ “ባጐረስኩ እጄን ተነከስኩ” ዓይነቱ ሁኔታ የሚያጋጥማቸው ጊዜ አለ፡፡

ታላቋ አገር አሜሪካ ከዜጐቿ ወጭት ስባሪ ሆነው ጥብቅ ሚስጥሯን ለሌሎች አገሮች ሲዘከዝኩ የተደረሰባቸው ቁጥር ቀላል አይደለም፡፡

ኤቴልና ጁሊየስ ሮዘንበርግ ከወጭት ስባሪዎቹ መካከል የሚጠቀሱ ናቸው

ባልና ሚስቱ ለቀድሞዋ ሶቪየት ህብረት በሰላይነት ተሰልፈው የአሜሪካንን የአቶሚክ ጦር መሳሪያ የተመለከቱ የበረከቱ ሚስጥራዊ ሰነዶችን ለሞስኮ በማስተላለፍ አገራቸውን በእጅጉ በደሏት፡፡

ጉዳያቸውን የተመለከተው ፍርድ ቤት ድርጊታቸው አሜሪካንን ብቻ ሳይሆን የአሜሪካ ወዳጆችን ጭምር የጐዳ ብሎ በሞት እንዲቀጡ የወሰነው የዛሬ 66 ዓመት በዛሬዋ እለት ነው፡፡

በሁለተኛው የዓለም ጦርነት ሂደት የጀርመን ናዚዎች የአቶሚክ የጦር መሳሪያ ለመታጠቅ  እየተጣደፉ ነው መባሉ ዋሽንግተንም ለዚሁ እንድትተጋ ምክንያት ሆነ፡፡

ዝነኛውን የፊዚክስና የሂሳብ ሊቅ አልበርት አንስታይንን ጨምሮ ሌሎችንም ሳይንቲስቶች ያቀፈውን የማሐተንን ፕሮጄክት ስራ ላይ ለማዋል ጥድፊያ ውስጥ ገባች፡፡

አሜሪካ የአቶሚክ ቦምብን ያህል ነገር ለመስራት ታላቅ ፍላጎት ሲያድርባት ውጥኗን ከዘመኑም ሆነ ከመጪ ተቀናቃኞቿ ዓይን ለመሰወር ጥብቅ ሚስጥራዊ እንዲሆን የተቻላትን ሁሉ ክለላ አድርጋለች፡፡

የኒኩሊየር የጦር መሳሪያ ከፍተኛ ጉልበት ክብርና ተሰሚነት ተፈሪነትንም የሚያጐናፅፋት በመሆኑ አንዳች ሚስጥር አፈትልኮ ተቀናቃኞቿ ዘንድ እንዳይደርስ ብዙ ጥራለች፡፡   

የአሜሪካ የአቶሚክ ቦምብ ሚስጥር ከውጥኑ አንስቶ በዘመኑ የአሜሪካ ዋነኛ ባላንጣና ተቀናቃኝ ለነበረችዋ ሶቪየት ህብረት ሚስጥር አልነበሩም፡፡

ተጨማሪ ያንብቡ...

አስተያየት ይፃፉ (0 አስተያየት)

ታሪክን የኋሊት፣መጋቢት 26፣2009

የኔቶ ነገር…

በዘመናዊዋ ዓለም ካሉ ወታደራዊ ሕብረቶች በሁለንተናዊ አቅሙና ግዝፈቱ የሰሜን አትላንቲክ የጦር ቃል ኪዳን ድርጅት /ኔቶ/ን የሚስተካከለው የለም፡፡

የቃል ኪዳን ድርጅቱ ማቋቋሚያ ሰነድ ሲመከር ሲዘከርበት ቆይቶ በአሜሪካ ዋሸንግተን ዲ.ሲ የተፈረመው የዛሬ 68 ዓመት በዛሬዋ እለት ነበር፡፡

የጀርመን ናዚዎችና የጦር ተባባሪዎቻቸው እነ ጣሊያንና ጃፓን ያቀጣጠሉት የ2ኛው የዓለም ጦርነት በሕብረቱ ኃይሎች አሽናፊነት ተደመደመ፡፡

ይሁንና እነ አሜሪካና እንግሊዝ በጦርነቱ ዘመን አጋራቸው ከነበረችው ሶቪየት ህብረት ጋር ወዲያውኑ ወደ መቃቃሩ አመሩ፡፡

የአስተዳደራዊ ዘይቤና የፍልስፍና ፈሊጥ ልዩነታቸው ከእለት እለት  እየከረረ መጣ፡፡

የጀርመንን ምስራቃዊ ክፍል የያዙት ሶቪየቶች የምስራቅ በርሊንን መተላለፊያ መንገዶችን ማገዳቸው የእኔ እበልጥ እኔ እበልጥ ቅራኔውን አካረረው፡፡

ምዕራባዊያኑ ግዙፉ የሶቪየት ቀይ ጦር የምዕራብ አውሮፓ አገሮችን ባሻው ሰዓት በእጁ አስገብቶ የኮሚኒስት ፍልስፍናው ተከታይ እንዳያደርጋቸው ሲሉ ስጋት ገባቸው፡፡

የሁለቱ ወገኖች ግዙፍ ፉክክርና በታሪክም ቀዝቃዛው ጦርነት የሚል ስያሜ የተሰጠው ክስተት ምዕራባዊያኑ ራሳቸውን በታላቅ ወታደራዊ ህብረት ስር እንዲያስባስቡ ምክንያት ሆናቸው፡፡

የዛሬ 68 ዓመት በዛሬዋ ዕለት በአሜሪካ ዋሽንግተን ዲሲ በተከናወነ ስነ-ስርዓት የሰሜን አትላንቲክ የጦር ቃል ኪዳን ድርጅት /ኔቶ/ን ማቋቋሚያ ሰነድ ፈረሙ፡፡

ተጨማሪ ያንብቡ...

አስተያየት ይፃፉ (0 አስተያየት)

ታሪክን የኋሊት፣መጋቢት 25፣2009

ማርቲን ሉተር ኪንግ ጁኒየር

የሰበዓዊ መብት ታጋዩ ማርቲን ሉተር ኪንግ ጁኒየር ከዛሬ 49 ዓመታት በፊት ልክ በዛሬዋ ቀን እስከዛሬም ዓለም የሚያስታውስላቸውን ‹‹ወደ ተራራው አናት ወጣሁ›› የሚለውን ንግግራቸውን አሰሙ፡፡

ከዚያች ታሪከኛ ንግግራቸው 24 ሰዓት በኋላም ተገደሉ፡፡

አፍሪካ አሜሪካውያን ለምርጫም ሆነ ለሁለንተናዊ መብትና እኩልነታቸው መስዋዕትነት የጠየቁ አታካች ትግሎችን አካሂደዋል፡፡

በቀደመው ዘመን የአፍሪካ አሜሪካውያኑን የመብት ትግል ከመሩ ተሟጋቶች መካከል ማርቲን ሉተር ኪንግ ጁኒየር በአረዓያነት ይጠቀሳሉ፡፡

እኚህ የመብት ታጋይ ከመብት ተሟጋችነታቸው በተጨማሪ በመሳጭ አነቃቂና ቀስቃሽ ንግግሮቻቸውም ይታወቀሉ፡፡

አፍሪካ አሜሪካውያን በምድረ አሜሪካ ሁለንተናዊ መብትና እኩልነታቸው የሚረጋገጥበት ጊዜ እንደሚመጣ በታሰባቸው ጊዜ ሕልም አለኝ የሚለውን ተደናቂ ንግግራቸውን አደረጉ፡፡

ኪንግ በሜንፊስ ባደረጉት መሳጭና ቀስቃሽ ንግግር ሞታቸው እንደቀረበ ጠቅሰውት ነበር፡፡ 

ተጨማሪ ያንብቡ...

አስተያየት ይፃፉ (0 አስተያየት)

ታሪክን የኋሊት፣መጋቢት 22፣2009

የዛሬ 81 ዓመት በዛሬው እለት በኢትዮጵያና በኢጣሊያ መካከል ትግራይ በሚገኘው በማይጨው ጦርነት ሆነ፡፡

ኢጣሊያ በአፍሪካ፣ በሊቢያና በሱማሊያ ከኢትዮጵያ ክፍል ኤርትራን በቅኝ ግዛትነት እÍ ካደረገች በኋላ፣ ጠቅላላ ኢትዮጵያን በሃይል ለመያዝ ጦርነት ከፈተች፡፡

ከ40 ዓመታት በፊት ኢትዮጵያን በቅኝ ግዛትነት የመያዝ አላማዋ በአድዋ ጦርነት ድል ሆና ተመልሳ ነበር፡፡ ግን አላማዋን ለማስፈፀም ቀን ጠበቀች፡፡

በምፅዋ ባህር ወደብ በኤርትራ በኩል ወደወሰን ዘመናዊ የጦር ሃይሏን አደራጀች፡፡

የወልወን ግጭት ሆን ብላ ከቀሰቀሰች በኋላ ተበዳይ ሆና ለመቅረብ ሞከረች፡፡

አከታትላም ዋናው የጦር ሃይሏን ባደራጀችባት ኤርትራ በኩል፣ ወሰን ጥሳ፣ በጥቅምት ወር መቐሌን ያዘች፡፡

ከወራሪው የኢጣሊያ ሃይል ጋር ሲወዳዳር፣ ኋላ ቀርና አነስተኛ መሣሪያ ያለው አብዛኛው፣ የኢትዮጵያ ሰራዊት፣ የክተት አዋጁን ተከትሎ፣ ጭብጦ ስንቁን ይዞ፣ ጦርና ጋሻውን አንግቦ ወደዘመቻው ተሰማራ፡፡

ኢጣሊያ፣ በሶማሊያ በኩል ባደራጀችው ዘመናዊ የጦር ሃይል፣ በምሥራቅ በዑጋዴንና በደቡብ በዶሎ በኩል፣ ጦርነት ጀመረች፡፡

ኢትዮጵያም ባላት ሃይል ለመከላከል ሰራዊቷን ወደ ሁለቱም የጦር ግንባር በእግር አጓጓዘች፡፡

ከማይጨው ጦርነት በፊት፣ በርካታ ውጊያዎች ተደርገው ብዙው ሰራዊትና አዛዞች ሞተዋል፡፡

የጎጃምና የጎንደር ጦር፣ በምዕራብ ትግራይ ተዋግቶ፣ እያሸነፈም፣ እየተሸነፈም በመጨረሻ በአይሮýላን መርዝ ተጠቅቶ ተበትኗል፡፡

ተጨማሪ ያንብቡ...

አስተያየት ይፃፉ (0 አስተያየት)

ታሪክን የኋሊት፣መጋቢት 21፣2009

ሩሲያ ለአሜሪካ በ7.2 ሚሊየን ዶላር የሸጠቻት አላስካ አሁን ለአሜሪካ በዓመት ከ40 ቢሊየን ዶላር ታሳፍሳለች…

አላስካ ከአሜሪካ ግዛቶች አንዷና እጅግ ሰፊዋ ነች፡፡

አሜሪካ አላስካን ከሩሲያ በ7 ነጥብ 2 ሚሊዮን ዶላር የገዛቻት የዛሬ 150 ዓመት በዛሬዋ ዕለት ነበር፡፡

አላስካ እንደ ኤስኪሞ ያሉ ነባር ማህበረሰቦች መኖሪያ ብትሆንም በ18ኛው ክፍለ ዘመን በሩሲያ ንጉሳዊ ስርዓት ስር አዳሪ ነበረች፡፡

አላስካ የአሜሪካ 2ኛዋ ሰፊ ግዛት ከሆነችው ቴክሳስ ከሁለት እጥፍ በላይ ነች፡፡

ቴክሳስ ካሊፎርኒያና ሞንታና ቢጣመሩ እንኳ በስፋት አላስካን አያህሏትም፡፡

22 የአሜሪካ ትናንሽ ግዛቶችም በአንድ ላይ ቢጠቃለሉ እንኳ አላስካ ትበልጣቸዋለች፡፡

በተፈጥሮ ጋዝና በነዳጅ ዘይት የበለፀገች ነች፡፡ የአሣ ሐብቷም ተዝቆ አያልቅም፡፡ ከ3 ሚሊዮን በላይ ሐይቆችን ታድላለች፡፡

ሩሲያ አላስካን ለአሜሪካ በሸጠችበት ወቅት ከዛሬው ሐብቷና ጠቀሜታዋ ይልቅ የዚያን ጊዜ ዱርነቷ ብቻ ነበር የታያት፡፡

የዘመኑ የአሜሪካ የውጭ ጉዳይ ሚኒስትር ዊሊያም ሲዋርድ ሩሲያውያን አላስካ በአስተዳደራቸው ስር ብትሆንም ነገሬ እንዳላሏት ተገነዘቡ፡፡

ተጨማሪ ያንብቡ...

አስተያየት ይፃፉ (0 አስተያየት)
Sheger 102.1 AudioNow Numbers