• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ታሪክን የኋሊት፣የካቲት 21፣2009

አር-ኪው አራት ግሎባል ሃውክ

ዓለማችን በአቪየሽን ታሪክ አይነታቸው አገልግሎታቸውና ስሪታቸው የበዛ አውሮፕላኖችን ታውቃለች፡፡

ዛሬ አብራሪ ለምኔ የሆኑ ሰው አልባ አውሮፕላኖች ሰማዩን የሚቀዝፉበት ዘመን ላይ ተደርሷል፡፡

በሰው አልባ አውሮፕላኖች ታሪክ አር-ኪው አራት ግሎባል ሃውክ የተሠኘው ሰው አልባ አውሮፕላን ቅድምናውን ይወስዳል፡፡

አውሮፕላኑ በአሜሪካ ሰማይ እንዲበር ፈቃድ የተሠጠው የዛሬ 19 ዓመት በዛሬዋ እለት ነበር፡፡

አውሮፕላኑ የተለያዩ መረጃዎችን የመሠብሰብና የማጠናቀር ተልዕኮ ያለው ቀልጣፋ የስለላና የቅኝት አገልግሎት ይሰጣል፡፡ 

አር-ኪው ግሎባል ሐውክ እጅግ በከፍተኛ የአየር ክልል መብረሩ አንዱ መለያው ነው፡፡

በስለላና በቅኝት አገልግሎቱም የልብ አድርስ ነው ይሉታል፡፡

አውሮፕላኑ እጅግ ከራቀው ሰማይ ምድር ላይ ያሉ መረጃዎችን ልቅም ምንጥር አድርጐ በመለየት በአንጀት አርስነቱ ይሞካሻል፡፡

ከራቀው ከፍታ ከዳመና በላይ ሆኖ በ100 ኪሎ ሜትር መጠነ ዙሪያ ሆኖ የጠላትን የመሳሪያ አቀማመጥ ምንጥር አድርጐ የመለየት ችሎታ አለው፡፡

አስገራሚው ነገር የመሳሪያዎቹ ከቦታ ቦታ ዝውውር እንኳ ቢያጋጥም ከዚህ ባለ ንስር ዓይን አውሮፕላን መሠወር የማይሞከር ነው፡፡

ተጨማሪ ያንብቡ...

አስተያየት ይፃፉ (2 Comments)

ታሪክን የኋሊት፣የካቲት 17፣2009

በረራ 811

በዓለማችን ለቁጥር የበዙ የአውሮፕላን አደጋዎች ሲደርሱ ቆይተዋል፡፡

ንብረትነቱ የዩናይትድ አየር መንገድ የበረራ ቁጥር 811 የሆነው ቦይንግ 747 የመንገደኞች አውሮኘላን ለየት ያለ አደጋ የገጠመው የዛሬ 28 ዓመት በዛሬዋ ዕለት ነበር፡፡

አውሮፕላኑ ከአሜሪካዋ ሐዋይ ሆነሉሉ ወደ ኒውዚላንድ ኦክላንድ ለማምራት 337 መንገደኞችንና 15 ሠራተኞችን አሣፍሮ ከመነሳቱ አስቀድሞ ሁሉም አማን ነበር፡፡

አውሮፕላኑ አኮብኩቦ ወደ ሰማይ ከፍታውን ሲያያዘው አንዳች ነጐድጓዳማ ድምፅ መሰማቱ ለአውሮኘላኑ አብራሪዎች፣ ለኢንጂነሩም ሆነ መላ መንገደኞቹን አስደነገጠ፡፡

አውሮፕላኑ ለ16 ደቂቃዎች ከበረረ በኋላ ወደ 23 ሺህ ጫማ ከፍታ ተጠጋ፡፡

ከዚህ ከፍታ ሲደርስ ቢዝነስ ክላስ ተብሎ በተከለለው የአውሮኘላኑ ክፍል አንዳች ድንገተኛ ንቅናቄና የፍንዳታ ድምፅ ተሰማ፡፡

በዚያ ቅፅበት የአውሮፕላኑ የእቃ መጫኛ ክፍል በር እንደ ወረቀት ተበጭቆ በረረ፡፡

የአውሮፕላኑ ቢዝነስ ክላስ ተሽነቋቆረ፣ ተቦተራረፈ፡፡ ትልቅ ቀዳዳም አበጀ፡፡

በዚያ የነበሩ ዘጠኝ ሰዎች በሽንቁሩ በተፈጠረው ከፍተኛ የአየር ግፊት ተስበው ወደ ውጭ ተምዘገዘጉ፡፡ ዕጣቸውም ሞት ሆነ፡፡

ተጨማሪ ያንብቡ...

አስተያየት ይፃፉ (0 አስተያየት)

ታሪክን የኋሊት፣የካቲት 20፣2009

የምዕራብ ሰሐራ ጉዳይ

በዓለማችን በአወዛጋቢ ግዛትነታቸው ከሚታወቁት መካከል ምዕራብ ሰሐራ አንዷ ነች፡፡

ለግዛቲቱ የተማላ ነፃነት የሚታገለውና የፖሊሳሪዮ ግንባር የተሰኘው የጦርና የፖለቲካ ድርጅት ግዛቲቱን ሳሐራዊ አረብ ዲሞክራቲክ ሪፖብሊክ በሚል ስያሜ ነፃ አገር ነች ሲል ያወጀው የዛሬ 41 ዓመት በዛሬዋ ዕለት ነው፡፡

የአውሮፓ አገሮች አፍሪካን እንደ ቅርጫ ለመካፈል ከ133 ዓመታት በፊት በዶለቱበት የበርሊኑ ሸንጓቸው በአፍሪካ ሰሜናዊ ምዕራብ ጫፍ የምትገኘው ምዕራብ ሰሐራ የስፔን ትሁን ተባለ፡፡

ስፔን ምዕራብ ሰሐራን ቅኝ ግዛቷ አደረገቻት፡፡

ጊዜው ደረሰና በአፍሪካ ቅኝ አገዛዝ ፍፁም እየተዳከመ ሲመጣ ስፔን ከ42 ዓመታት በፊት ምዕራብ ሰሐራን ለቅቃ ወጣች፡፡

ስፔን ለቅቃ እንደወጣች በግዛቲቱ ላይ የይገባናል ጥያቄ የሚያነሱት ሞሮኮና ሞሪታንያ በየፊናቸው ምዕራብ ሰሐራን ተቀራመቷት፡፡

ከ2 ሦስተኛው በላይ የምዕራብ ሰሐራ ክፍል በሞሮኮ ስር ገባ፡፡ የተቀረውን ሞሪታንያ ያዘችው፡፡

ሞሪታንያ በይዞታዋ ብዙ አልገፋችበትም፡፡

ለግዛቲቱ ነፃነት በተቋቋመውና የፖሊሳሪዮ ግንባር በተሰኘው የጦርና የፖለቲካ ድርጅት ግፊት በአጭር ጊዜ ለቅቃ ወጣች፡፡

ተጨማሪ ያንብቡ...

አስተያየት ይፃፉ (0 አስተያየት)

ታሪክን የኋሊት፣የካቲት 16፣2009

የጓንታናሞ ነገር

የኩባው የጓንታናሞ ቤይ የአሜሪካ የባሕር ኃይል ሰፈር ከቅርብ ዓመታት ወዲህ በሸብር ተጠርጣሪዎች እሥር ቤትነቱ ዓለም ያውቀዋል፡፡

ቁም ስቅል ማሳያም ነው ተብሎ ስሙ በክፉ ይነሳል፡፡

አሜሪካ የጓንታናሞ ቤይን ለባሕር ኃይሏ ጦር ሰፈርነት ከኩባ በሊዝ የተከራየቻት የዛሬ 114 ዓመት በዛሬዋ ዕለት ነበር፡፡

ጓንታናሞ ቤይ በኩባ ደሴት ደቡባዊ ምሥራቅ ጫፍ ይገኛል፡፡

የ120 ካሬ ኪሎ ሜትር ሥፋት አለው፡፡

ለአሜሪካም ከግዛቷ ውጭ ካሉ የጦር ሰፈሮቿ በእድሜ አንጋፋው ተደርጐ ይቆጠራል፡፡

አሜሪካ ከስምምነቱ አንስቶ ለ31 ዓመታት ለጓንታናሞ ቤይ የሊዝ ኪራይ በየዓመቱ ለኩባ 2 ሺህ ዶላር ስትከፍላት ቆይታለች፡፡

ከዚያ በኋላ ዓመታዊ የሊዝ ክፍያውን ወደ 4 ሺህ ዶላር እንዳሳደገችላት በተለያዩ መረጃዎች ሰፍሮ ይገኛል፡፡

ተጨማሪ ያንብቡ...

አስተያየት ይፃፉ (0 አስተያየት)

ታሪክን የኋሊት፣የካቲት 15፣2009

ዛሬ ላይ ታሪክ የሆነው የአንጎላው የእርስ በርስ ጦርነት

አንጐላ ከ40 ዓመታት በፊት በከፍተኛ ተጋድሎና ትንቅንቅ ከፖርቱጋል ነፃነቷን ብትቀዳጅም ለረጅም ጊዜ የነፃነቷን ትሩፋት ሳታጣጥም ቆይታለች፡፡

ለአንጐላ ነፃነት ድርሻ የነበራቸው ኤም.ፒ.ኤል.ኤ ና ዩኒታ የተሠኙት የጦርና የፖለቲካ ድርጅቶች ወደ እርስ በርስ ቁርቋሶ የገቡት ከነፃነቱ ጊዜ አስቀድሞ ነበር፡፡

ከነፃነት በኋላ ኤም.ፒ.ኤል.ኤ በአንጐላ ፈላጭ ቆራጭ ዩኒታ ደግሞ አማፂ ቡድን ሆኖ ለ30 ዓመታት ገድማ ሲተጋተጉ ኖረዋል፡፡

አንጐላ ከአታካቹ የእርስ በርስ ጦርነት የተገላገለችው የዩኒታ አማፂ ቡድን መሪ የነበሩት ጆናስ ሳቪምቢ የዛሬ 15 ዓመት በዛሬዋ እለት ከተገደሉ በኋላ ነው፡፡

ሳቪምቢ በወጣትነት ዕድሜቸው ወደ ቻይና አቀኑ፡፡ በዚያ የቻይናን ቀይ ጦር የሽምቅ ውጊያ ስልቶች ቀስሙ፡፡

አንቱ የተሰኙ የጦር መላ አዋቂ ሆኑ፡፡ የቻይኖቹን የኮሚኒስታዊ ፍልስፍና ዝንባሌ እርግፍ አድርገው ትተው የውጊያ ስልታቸውን ብቻ ወሰዱላቸው፡፡

ሳቪምቢ የሶቪየቶች ተቀጥላ ነበር የሚባለውን የኤም. ፒ. አል. ኤን መንግስት ለመውጋት ሁነኛው ሰው ሆነው ስላገኟቸው ምዕራባዊያን አይዞዎ ከጐንዎ ነን እንደግፎታለን አሏቸው፡፡

እጃቸው ከገቡ ግዛቶች የሚያፍሱትን አልማዝ በኮንትሮባንድ እየቸበቸቡ የሽምቅ ውጊያ ቡድናቸውን ዩኒታን እስከ አፍንጫው አስታጠቁት፡፡ በአንጐላ መንግስት ወታደሮች ላይ ታላላቅ ድሎችን ጨበጡ፡፡ በአንድ ወቅት ርዕሠ ከተማዋን ሉዋንዳን እስከመክበብ ደረሱ፡፡

ጦርነቱ አሸናፊና ተሸናፊ ቢጠፋው ተፋላሚ ወገኖቹ ተኩስ አቁመን ወደ ምርጫ እንግባ ተባባሉ፡፡

ተጨማሪ ያንብቡ...

አስተያየት ይፃፉ (0 አስተያየት)
Sheger 102.1 AudioNow Numbers