• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ታሪክን የኋሊት፣ጥቅምት 18፣2009

በዘመናዊቱ አሜሪካ አፍሪካ አሜሪካዊው ባራክ ኦባማ በምርጫው 2 ጊዜ አሸንፈው ወደ ሥልጣን ዘመናቸው ማብቂያ ተቃርበዋል፡፡

የባራክ ኦባማ ስኬት፣ ከአራት አስርት ዓመታት በፊት የማይሞከርም የማይታስብም ነበር፡፡

የቅርብ እስከሚባሉ ጊዜዎች ድረስ፣ አፍሪካ አሜሪካውያን በዘር መድልኦ ሲጨቆኑና ሲበደሉ የቆዩባቸው ጊዜያት እንደነበሩ ታሪክ ያስታውሳል፡፡

በራቀው ዘመን ደግሞ የአፍሪካ አሜሪካውያኑ ህይወት ከአሠቃቂ ባርነት ጋር የተቆራኘ ነበር፡፡

በአሜሪካ ቨርጂንያ፣ ናት ተርነር የተሰኘው ባሪያ የመራው አመፅ ከባሮች እምቢታዎች አንዱ ሆኖ በታሪክ ተመዝግቦ ይገኛል፡፡

በተርነር የተመራው አመፅ ከሽፎ ሰውየው በባሪያ አሳዳሪዎቹ የተያዘው የዛሬ 184 ዓመት በዛሬዋ እለት ነበር፡፡

ባሮች፣ ከአስቃቂው የባርነት ሕይወት ለመውጣት የተሻለ ነው ብለው ባሰቡት መንገድ በጌቶቻቸው፤ በአሳዳሪዎቻቸውና በስርዓቱ ላይ አምፀውና እምቢ ብለው የተነሱባቸው አጋጣሚዎች የበዙ ናቸው፡፡

ናት ተርነር፣ ነፃነት ናፈቀው፡፡ ነፍሱ ነፃነትን ተጠማች፡፡ የነፃነት ሕልሙን ለማሳካት 70 ያህል የኃሳቡ ተጋሪ የሆኑ ባሮችን ከጐኑ አሠለፈ፡፡

ሌሎች ከባርነት ነፃ የሆኑ የቀድሞ ባሮችም የዓላማው ተጋሪ ሆኑ፡፡

ቢላ ያለው ቢላውን፣ መጠረቢያ ያለው መጥረቢያውን፣ ዱላ ያለው ዱላውን እጃቸው የገባውን በጦር መሳሪያነት ጨብጠው ተነሱ፡፡

እምቢ አሉ፡፡

ተጨማሪ ያንብቡ...

አስተያየት ይፃፉ (0 አስተያየት)

ታሪክን የኋሊት፣ጥቅምት 16፣2009

የአሜሪካና የሶቭየት ፍጥጫ

በአሜሪካና በቀድሞዋ ሶቪየት ኅብረት መካከል የነበረው ግንኙነት በአብዛኛው በጠላትነት ስሜት፤ በእርስ በርስ መረጠራጠር፤ መሰላለልና መጠላለፍ የተሞላ ነበር፡፡

የቀድሞው የአሜሪካ ፕሮዝዳንት ሮናልድ ሬገን በመሰለል ፍራቻ በሞስኮ የአገራቸው ኤምባሲ ሕንፃ እንዲፈርስ ያዘዙት የዛሬ 28 ዓመት በዛሬዋ ዕለት ነበር፡፡

ሕንፃው እንዲፈርስ ከመታዘዙ አምስት ዓመታት በፊት ግንባታው ሲቀለጣጠፍ ቆየ፡፡

በስተመጨረሻ ግን የኤምሳቢው ባልደረቦች ወደ አዲሱ ሕንፃ ከመዛወራቸው በፊት አንዳች እንግዳ ነገር አጋጠመ፡፡

የሕንፃው ግድግዳ፣ ወለሉ፤ ጣራው ሁሉ በሶቪየቶች ሚስጥራዊ የስለላ ጥቃቅን የኤሌክትሮኒክስ መሣሪያዎች የተሞላ መሆኑ ተደረሰበት፡፡

ግድግዳው አሳባቂ፤ ወለሉ ሹክ ባይ፤ ጣራው ሁሉ የሶቪየቶች ጆሮ ሆነው ቢያገኙት አሜሪካውያን በምን እናድርግ ኃሳብ ገባቸው፡፡                                    

ጥቃቅኖቹን የኤሌክትሮኒክስ ማዳመጫና የመልዕክት ማስተላለፊያ መሣሪያዎችን ከየኮንክሪቱ መለቃቀሙ አታካችም ከባድም ሆኖ ታያቸው፡፡

ፕሬዝዳንት ሮናልድ ሬገንም በጉዳዩ ላይ አወጡ አወረዱ፡፡ የአሜሪካ እንደራሴዎችን ኧረ መላ ምቱ አሉ፡፡

የሕንፃና የደህንነት ጠበብትን ሁሉ አማከሩ፡፡ አማራጭ ያሉትን ሁሉ አማተሩ፡፡

በመጨረሻም የገንዘብ ኪሣራው ከደህንነት ኪሣራ አይበልጥብንምና በሶቪየቶች ጥቃቅን የስለላ መሣሪያዎች የተሞላውን ሕንፃ አፈራርሱልኝ አሉ፡፡

ተጨማሪ ያንብቡ...

አስተያየት ይፃፉ (0 አስተያየት)

ታሪክን የኋሊት፣ጥቅምት 15፣2009

የቻይና ነገር

ከ67 ዓመታት በፊት በሊቀ መንበር ማኦ ዜዱንግ የሚመሩት የቻይና ኮሚኒስት ሽምቅ ተዋጊዎች የብሔረተኛውን የሻንጋይ ሼይክ አስተዳደር መነገሉት፡፡ በኦፊሴላዊ መጠሪያዋ  የቻይና ሕዝባዊ ሪፖብሊክ የምትባለዋን አገር መሠረቱ፡፡

በኮሜንታንግ የፖለቲካ ማህበር የሚመሩት ብሔረተኞች መንግስት ከነ ጓዙ ወደ ታይዋን ደሴት ተሰደደ፡፡

በዚያም የቻይና ሪፖብሊክ የሚል መጠሪያ ያላትን አገር ፈጠረ፡፡

እንደተባበሩት መንግስታት ባሉ ዓለም አቀፍ ድርጅቶች ቻይና የምትወከለው መቀመጫውን ታይዋን ባደረገው የቻንጋይ ሼይክ መንግስት ሆነ፡፡

የቻይና ሕዝባዊት ሪፖብሊክ የተሠኘችው የዛሬይቱ ታላቋ ቻይና ይፋዊ እውቅና ተነፍጓት ቆየች፡፡

ጊዜ ሄዶ ጊዜ ሲመጣ ሁኔታው ተቀየረ፡፡

በፀጥታው ምክር ቤትም ሆነ በተለያዩ ዓለም አቀፍ ድርጅቶች የታይዋን ወንበር ተነጥቆ ለቻይና ተሰጣት፡፡

ይሄ ከሆነ ዛሬ ልክ 45ኛ ዓመቱን ደፈነ፡፡

አሜሪካ ከቻይና ጋር ግንኙነቷን ብታለዝብ የምታገኝና የምታጣውን አሰላች፡፡

ከማኦ መንግስት ጋር ቢያንስ ግንኙነቷን ማለዘብ ጠቃሚዋ እንደሆነ አመነች፡፡

በፀጥታው ምክር ቤት የታይዋን መቀመጫ ተነጥቆ ለቻይና የተሰጠው በዚሁ ስሌት ሆነ፡፡

ተጨማሪ ያንብቡ...

አስተያየት ይፃፉ (0 አስተያየት)

ታሪክን የኋሊት፣ጥቅምት 11፣2009

የቶማስ ኤዲሰን የአምፖል ፈጠራ

የእያንዳንዱ ነገር መነሻ፣ መጀመሪያ አለው፡፡

የዛሬዋም ዕለት የምሽትና የሌሊቱን ጨለማ በብርሐን በመግፈፍ የራሷን ትውስታ ይዛለች፡፡

ታላቁ አሜሪካዊ ተመራማሪና የንግድ ሰው ቶማስ ኤዲሰን የኤሌክትሪክ አምፑል ፈልስፎ እነሆ ብርሃን ያለው የዛሬ 137 ዓመት በዛሬዋ ዕለት ነው፡፡

ኤዲሰን ውልደቱ በአሜሪካ ኦሃዮ ግዛት ነው፡፡

በሁለቱም ጆሮዎች የመስማት ችግር ነበረበት፡፡

ዕድሜው ለአቅመ ፊደል ቆጠራ እንደደረሰ ወላጆቹ ቶማስ ኤዲሰንን ወደ ትምህር ቤት መላካቸው አልቀረም፡፡

ይሁንና መምህሩ የኤዲሰንን ብልህነትና የዕውቀት አቅም አልተረዱለትም፡፡

እንደውም ኤዲሰንን ከማይገባውና ከሰነፍ ቆጠረው፡፡

ለወላጆቹም “ቶሚ፣ በፍፁም የማይገባው ነው” የሚል ማስታወሻ ላከባቸው፡፡

የዚያን ጊዜው ሕፃን ቶሚ ለዓለም ከጨለማ መገላገያዋን መላ ያበጀው ታላቁ ተመራማሪ ቶማስ ኤዲሰን ነበር፡፡

መምህሩ የቶማስ ኤዲሰንን የትምህርት አቀባበል አስመልክቶ ለወላጆቹ በላከው ማስታወሻ ላይ ያሰፈረውን ኃሣብ የቶሚ እናት አልተቀበለችውም፡፡

አላመነችበትም፡፡

ተጨማሪ ያንብቡ...

አስተያየት ይፃፉ (1 Comment)

ታሪክን የኋሊት፣ጥቅምት 10፣2009

የሶማሊያው ሲያድ ባሬ መጨረሻ

የዛሬዋ ዕለት በሶማሊያ ታሪክ ልዩ ሥፍራ ካላቸው ቀኖች አንዷ ነች፡፡

በሜጄር ጄኔራል ሲያድ ባሬ የተመሩ ወታደሮች ሥልጣን የጨበጡት የዛሬ 46 ዓመት በዛሬዋ ዕለት ነበር፡፡

ከመፈንቅለ መንግሥቱ ቀደም ብሎ በአገሪቱ ታሪክ 2ኛው ፕሬዝዳንት በነበሩበት አብድረሺድ ዓሊ ሸርመርኬ ላይ ፖለቲካዊ ግድያ ተፈፀመባቸው፡፡

በሜጄር ጄኔራል ሲያድ ባሬ የተመራው ወታደራዊ ስብስብ ላዕላይ አብዮታዊ ምክር ቤት ያለውን አካል ሰየመ፡፡

ሲያድ ባሬ የአድራጊ ፈጣሪው ምክር ቤት የበላይና የአገሪቱ ፕሬዝዳንት ሆኑ፡፡

ራሳቸውን “ጓድ” ያሰኙት ሲያድ ባሬ የምንከተለው ፖለቲካዊና የአስተዳደር ዘይቤ ሳይንሳዊ ሶሻሊዝም ነው አሉ፡፡

ኢንዱስትሪዎች፣ ባንኮችና ታላላቅ አገልግሎት ሰጭ ተቋማት ተወርሰው ወደ መንግስት ይዞታነት ተዛወሩ፡፡

ሲያድ ባሬ ከኢትዮጵያ የኦጋዴን ግዛት፣ ከኬንያ ሰሜን ምሥራቅ ክፍሏንና ጂቡቲን እንዳለ ወደ ሶማሊያ የማጠቃለል “የታላቋ ሶማሊያ” ክፉ ኃሳብ አደረባቸው፡፡         

በኢትዮጵያ ከአፄ ኃይለ ስላሴ ሥርዓት መወገድ በኋላ በአገሪቱ የተፈጠረው ፖለቲካዊ ግርግርና የእርስ በርስ ጦርነት ሲያድ ባሬ ለክፉ ውጥናቸው ዳር መድረስ የምቹ ምቹ ሆኖ አገኙት፡፡

የታላቋ ሶማሊያ ቅዠታቸውን ሥራ ላይ ለማዋል በኢትዮጵያ ላይ መጠነ ሰፊ ወረራ ፈፀሙ፡፡

ወረራው እንደ ጅምራቸውም እንደ ኃሳባቸውም አልሆነም፡፡

ተጨማሪ ያንብቡ...

አስተያየት ይፃፉ (0 አስተያየት)