• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ታሪክን የኋሊት፣ጥር 10፣2009

ለ3 ዓመታት የዘለቀው የሌሊንግራዱ ከበባ

በዓለማችን የጦርነት ታሪክ የበረከቱ ከተሞች አሠቃቂ ከበባ ገጥሟቸዋል፡፡

በሁለተኛው የዓለም ጦርነት የሩሲያዋ የዛን ጊዜዋ ሌኒንግራድ የዛሬዋ ሴንትፒተርስበርግ የገጠማት ከበባ በአሠቃቂነቱ ከመጀመሪያው ረድፍ የሚሰለፍ ነው፡፡

ሌኒንግራድ ከአሠቃቂው የ3 ዓመታት ገደማ ከበባ መተንፈሻ ቀዳዳ ያገኘችው የዛሬ 73 ዓመት በዛሬዋ እለት ነበር፡፡

ሶቪየት ህብረትን የወረረው የናዚ ጀርመን ኃይል ሌኒንግራድ ለመድረስ ከሁለት ወር ተኩል በላይ ጊዜ አልጠየቀውም፡፡

ያም ሆኖ የሶቪየቱ ቀይ ጦርና የከተማዋ ነዋሪዎች ናዚዎች ወደ ሌኒንግራድ እንዳይዘልቁ የሞት የሽረት ትግልና ትንቅንቅ አደረጉ፡፡

ናዚዎቹ ከበባውን ከማጠናከራቸውም በተጨማሪ በከተማዋ ላይ የከባድ መሳሪያ ውርጅብኛቸውን ማውረዱን እንደ ዋነኛው የጦር ስልት ተከተሉ፡፡

የከተማዋ ተከላዮችም እጅ መስጠት የማይሞከር ነው አሉ፡፡ የግንባር ስጋ ሆኑ፡፡

ጦርነቱ ብቻ ሳይሆን ከበባው በከተማይቱ ላይ አሠቃቂ ሞት ደግሶ ሠፈረባት፡፡

ያኔ ሦስት ሚሊዮን ገደማ ነዋሪዎች የነበራት ሌኒንግራድ የምግብ ክምችቷ የተሟጠጠው ገና በከበባው የመጀመሪያ ወራት ነበር፡፡

 የቀረችዋን በነፍስ ወከፍ በቀን 250 ግራም ምግብ በራሸን ማከፋፈል ተጀመረ፡፡

የነፍስ ወከፍ የምግብ ድርሻው መጠን በቀን ወደ 150 ግራም አሽቆለቆለ፡፡

ሁኔታው እየከፋ ሲመጣ ይሄም ከነጭራሹ ቀረ፡፡ የቧንቧዎች ውሃ ነጠፈ፡፡

ጦርነቱ በራሱ ነፍስ ነጣቂ ነበር፡፡ ጦርነቱን ረሃብ አገዘው፡፡ የአቅም መዳከም የሕዝቡን ጤና ደቆሰው፡፡ ሞት አክሊሉን ደፋ፡፡

ከበባ፣ ጦርነት፣ ረሃብና ጤና ማጣት በተረባረቡበት ሕዝብ ላይ ጨካኙ የሩሲያ ክረምት የአሠቃቂው ትዕይንት አጋዥ ሆነ፡፡

ተጨማሪ ያንብቡ...

አስተያየት ይፃፉ (0 አስተያየት)

ታሪክን የኋሊት፣ጥር 9፣2009

የበረሃው መዓበል

በኢራቅ ተይዛ የነበረቸውን ኩዌትን ነፃ ለማውጣትና ሳውዲ አረቢያን ከጥቃት ለመከላከል አሜሪካ መራሹ የበረሃው ማዕበል ዘመቻ የተጀመረው የዛሬ 26 ዓመት በዛሬዋ ዕለት ነበር፡፡

ኢራቅ ኩዌትን ወርራ ለመያዝ እስከተቃረበችበት ጊዜ ለ10 ዓመታት ያህል ከኢራን ጋር ደምሳሽና ጥሪት አስጨራሽ ጦርነት ስታካሂድ ቆየች፡፡

በጦርነቱ ዘመን እንደ ሳውዲ አረቢያና ኩዌት ካሉ ሱኒ መንግስታት የተበደረችው በብዙ ቢሊዮን ዶላሮች ዕዳ ተጫናት፡፡

የዘመኑ የኢራቅ መሪ ሳዳም ሁሴን በዕዳ ጫናው በትከፍላለህ አልከፍልም ከጎረቤቶቻቸው ጋር አተካሮ ውስጥ ገቡ፡፡

ሳዳም ሁሴን ጎረቤቶቻቸውን አልከፍልም አፍንጫችሁን ላሱ አሏቸው፡፡

ድርድሮች ፍሬ አልባ ሆኑ፡፡

ቅራኔው እየተካረረ መጣ፡፡

በዚያ ላይ ሳዳም ኩዌት ከሩሜይላ የነዳጅ መገኛ ስር ለስር እየዘረፈችን ነው ሲሉ ውዝግቡን አካረሩ፡፡

ሳዳም ጦር አውርዳቸውን ተያያዙት፡፡

ከዛቻ አልፈው ትንሿን ጎረቤታቸውን ኩዌትን ወርረው ያዟት፡፡

ሳይዋረዱ ኩዌትን ለቀው እንዲወጡ በማስጠንቀቂያ ላይ ማስጠንቀቂያ ተነባበረባቸው፡፡

የፀጥታው ምክር ቤትም ብርቱ ትዕዛዝን ያዘለ ውሳኔ አሳለፈባቸው፡፡

ሳዳም ቁብም አልሰጣቸውም፡፡

ኩዌትን ለቀህ ውጣ የሚሉኝ የታሪክ መሐይሞች ናቸው ሲሉ ወረፏቸው፡፡

በኦቶማን ቱርኮች ዘመን የኢራቋን ባስራ ግዛት የሚያስተዳድረው ኢሚር ኩዌትን ጠቅልሎ ይገዛ እንደነበር ታሪክን መለስ ብሎው እንዲመለከቱ አስታወሱ፡፡

ተጨማሪ ያንብቡ...

አስተያየት ይፃፉ (0 አስተያየት)

ታሪክን የኋሊት፣ጥር 5፣2009

የቢያፍራው ጦርነት

ናይጄሪያ ከ50 ዓመታት በፊት ነፃነቷን ብትቀዳጅም ብሔራዊ አንድነቷ ስጋት የተደቀነበት ገና 10ኛ ዓመት የነፃነት በዓሏን ለማክበር ሳትበቃ ነበር፡፡

የቢያፍራው የመገንጠል ንቅናቄ የቢያፍራውን ጦርነት ወለደ፡፡

ከ3 ዓመታት ያህል ደም አፋሳሽና እልህ አስጨራሽ ውጊያ በኋላ የናይጄሪያ ፌዴራላዊ ኃይል ባለድል ሆነ፡፡

የቢያፍራ ተገንጣዮች እጅ ሰጡ፡፡

ይሄ ከሆነ ዛሬ ልክ 47ኛ ዓመቱን ደፈነ፡፡

የያኔዋ አዲስ አገር ናይጄሪያ በርካታ ተቃርኖዎች የሚፋተጉባት ነበረች፡፡

በዚህ ላይ በደቡብ ምስራቅ አካባቢዎቿ የነዳጅ ዘይት መገኘት የሐብት ክፍፍሉ ጉዳይ ቅራኔውን አጦዘው፡፡

የብሪታንያ፣ የኔዘርላንድስ፣ የፈረንሳይና የጣሊያን ኩባንያዎች የናይጀሪያን የነዳጅ ፀጋ ለመቀራመት የጀመሩት ግብግብ የቢያፍራን ግዛት የመገንጠል ፍላጐት አናረው፡፡

የቅኝ አገዛዙ ዘመን እርሾም ቅራኔውን አብላላው፡፡

የአገሪቱን ደቡብ ምስራቃዊ አውራጃዎች ከልለው የቢያፍራ ግዛት ያሉት የኢግቦ ጐሳዎች በኮሎኔል ኦደሚጐ ኦጁኩ መሪነት ግዛቲቱን ከተቀረችው ናይጄሪያ ነጥለናል፤ ራሳችንን የቻልን ነፃ አገር ነን አሉ፡፡

የራሳቸውን አካባቢያዊ ሠራዊት መሠረቱ፡፡

የናይጀሪያ ፌዴራላዊ መንግስት ቢያፍራዎች መገንጠሉን እንዲተዉ ቢያግባባ ቢማፀንም ሰሚ አላገኘም፡፡

ግንጠላውን ለማክሸፍ ጦሩን ወደ ቢያፍራ አዘመተ፡፡

ግጭቱ ስር እየሰደደ አድማሱ እየሰፋና እልቂቱን እያበዛው ሄደ፡፡

ዲፕሎማሲያዊ ጥረቶች ቦታቸውን ለወታደራዊ እልህ እየለቀቁ መጡ፡፡

ተጨማሪ ያንብቡ...

አስተያየት ይፃፉ (0 አስተያየት)

ታሪክን የኋሊት፣ጥር 5፣2009

የዛሬ 32 ዓመት በዛሬዋ ቀን የደረሰውና የ428 ሰዎችን ሕይወት የቀጠፈው የአዋሹ የባቡር አደጋ

ለኢትዮጵያም ሆነ ለአፍሪካ በዘግናኝነቱ ወደር የሌለው የአዋሽ ወንዙ የባቡር አደጋ የደረሰው የዛሬ 32 ዓመት በዛሬዋ ዕለት ነው፡፡

ለክፉ እጣ የተፃፈው የመንገደኞች ባቡር የዛሬ 32 ዓመት በዛሬዋ ዕለት ከድሬዳዋ 1 ሺህ ያህል ተሣፋሪዎችን ይዞ ሲነሳ ሁሉም ነገር አማን ነበር፡፡

ባቡሩ ከድሬዳዋ ሲነሳ መዳረሻውን አዲስ አበባ በማድረግ ነው፡፡

አዋሽ ድልድይ ጋ ሲደርስ መጥፎ እጣ ገጠመው፡፡

መጠምዘዣ ኩርባ ላይ አራት ፉርጐዎች ሐዲድ ስተው ወደ ገደል ተወረወሩ፡፡

የ428 መንገደኞችን ሕይወት ቀጠፈ፡፡

ሩቅ አላሚ ቅርብ አዳሪ አደረጋቸው፡፡

በአደጋው ሕይወታቸውን ካጡት በተጨማሪ 500 ያህሉ ደግሞ የተለያየ ደረጃ የአካል ጉዳት ገጠማቸው፡፡

አደጋው የደረሰው ባቡሩ በመጠምዘዣ ሥፍራ በከፍተኛ ፍጥነት ይምዘገዘግ የነበረ መሆኑ በምክንያትነት ይነሳል፡፡

የአዋሹ የባቡር አደጋ በኢትዮጵያም ሆነ በመላው አፍሪካ አቻ ያልተገኘለት መሆኑ በተለያዩ መረጃዎች ሰፍሮ ይገኛል፡፡

እስከዚያን ጊዜም ድረስ በመላ ዓለም ከደረሱት የባቡር አደጋዎች ሁሉ በ3ኛ አሰቃቂ አደጋነት ይጠቀሳል፡፡

የኔነህ ከበደ

አስተያየት ይፃፉ (0 አስተያየት)

ታሪክን የኋሊት፣ጥር 3፣2009

ፔሩን ያጋጠማት የሁአስካራኑ የበረዶና የቋጥኝ ናዳ

የላቲን አሜሪካዋ አገር ፔሩ በታሪኳ በርካታ የተፈጥሮ አደጋዎች አጋጥመዋታል፡፡

አገሪቱ ከ4 ሺህ ያላነሱ ሰዎች የጨረሰው ታላቁ የሁአስካራን የበረዶ ናዳና የመሬት መንሸራተት አደጋ የደረሰባት የዛሬ 55 ዓመት በዛሬዋ ዕለት ነበር፡፡

የበረዶና የድንጋይ ናዳው መነሻ የሁአስካራን ተራራ የአንድስ ሰንሰለታማ ተራሮች አካል ነው፡፡

ከባሕር ወለልም የ6 ሺህ 768 ሜትር ከፍታ አለው፡፡

አካባቢው ከታላቁ ናዳም በፊት መሰል አጋጣሚዎች ተስተውለውባት ያውቃሉ፡፡

ከ55 ዓመታት በፊት በዛሬዋ ዕለት የደረሰው ግን ከተራራው ግርጌ ላሉ ከተሞችና መንደሮች ነዋሪዎች የማሰቢያ ጊዜ አልተወላቸውም፡፡

አሰቃቂውና ያልተጠበቀው ነገር በአፍታ በመሆኑ ለብዙዎቹ የግርጌ ነዋሪዎች የመሸሻና ከለላ የመፈለጊያ ሽርፍራፊ ሴኮንድ አልቸራቸውም፡፡

በተራራው ላይ የደረሰ ስንጥቃት ሁአስካራንን የሸፈነውን ግግር በረዶ ብቻ ሳይሆን አለቱንም ፈነቃቀለው፡፡

ከተራራው የበረዶና የአለት ናዳ ቁልቁል ከመንደርደሩ አስቀድሞ ታላቅ የቁጣ ዓይነት አስፈሪ ድምፅ አሰማ፡፡

ተጨማሪ ያንብቡ...

አስተያየት ይፃፉ (1 Comment)
Leza Vote Banner
Sheger 102.1 AudioNow Numbers