• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ነሐሴ 22, 2005:ታሪክን የኋሊት

ነሐሴ 22, 2005

የአቶሚክ ነክ የጦር መሳሪያን በእጇ በማስገባት አሜሪካ ቅድምናውን የወሰደች አገር ነች፡፡የቀድሞዋ ሶቪየት ህብረትም፣ ከአራት ዓመት በኋላ፣ የተሳካ የአቶሚክ ቦምብ ሙከራ በማድረግ በሚስጥራዊው ስያሜው ቀዳሚው መብረቅ የተሠኘውን ቦምብ፣ በተሳካ ሁኔታ የሞከረችው የዛሬ 64 ዓመት በዛሬዋ እለት ነበር፡፡በ1930ዎቹ የኒኩሊየር ቅንጣቶችን በመከፋፈልና ለተፈለገው ዓላማ ለማዋል በታላላቆቹ አገሮች አማካይነት ምርምሮች ተጧጧፉ፡፡ ጀርመን እንግሊዝና አሜሪካ በዚህ ረገድ ቀዳሚዎቹ ነበሩ፡፡ ምርምሩ ጥልቀት ሲያገኝ በሳይንስ ጆርናሎች ላይ የሚወጡ ፅሁፎች ደብዛቸው ጠፋ፡፡
ምርምሮቹ በሚስጥር ይያዙ ጀመር፡፡ የድብብቆሹ መበርታት፣ የሩሲያው የፊዚክስ ተመራማሪ ጊዮርጊ ፍሌየሮቭ፣ አንዳች ነገር እንዲገነግኑ አደረገ፡፡ ፍለየሮቭ ነገሩ፣ ወደ አቶሚክ ጦር መሳሪያ ሊያመራ እንደሚችል ገመቱ፡፡ በ2ኛው የዓለም ጦርነት ሂደት፣ ለዘመኑ የሶቪየት ህብረት

መሪ ጆሴፍ ስታሊን በመስኩ ምርምር እንዲካሄድ የሚጠይቅ ደብዳቤ ፃፉ፡፡

የሶቪየት ህብረት ሲቪልና ወታደራዊ የስለላ ተቋማት በዚህ በኩል በየአገሩ ሚስጥሮችን ማነፍነፍና የአቶሚክ መሳሪያዎችን ምርምር ዱካ እግር በእግር ተከታተሉ፡፡

አሜሪካ፣ በማንሐተኑ ፕሮጄክት፣ በሎስ አላሞስ በርሃማ ስፍራ፣ የተሳካ የአቶሚክ ቦምብ ሙከራ አደረገች፡፡

ከዚህ በኋላ፣ ጥያቄው ቦምቡ እማን ላይ ይጣል? የሚል ሆነ፡፡

በአውሮፓ ግንባር የጀርመን ናዚዎች የአሜሪካ የአቶሚክ ቦምቦች ከመሞከራቸው ጥቂት ወራት በፊት እጅ መስጠታቸው በጃቸው፡፡

በእስያ ግንባር ግን ጦርነቱ ገና አልተቋጨም ነበር፡፡

የጃፓን ከተሞች ሂሮሺማና ናጋሳኪ የቦምቡ ጥፋት ገፈት ቀማሽ ሆኑ፡፡ አሠቃቂ እልቂትም ደረሰባቸው፡፡

አሜሪካ በየግንባሩ ሸንፈት በሸንፈት እየተደራረበባት በመጣው ጃፓን ላይ ይሄን አደገኛ የጦር መሳሪያ መጠቀም አልነበረባትም፤ የሚሉ አስተያየቶች ይበዛሉ፡፡

በቀዳሚዎቹም ጊዜያት፣ በዚህ ጉዳይ ያላንቀላፋችው ሶቪየት ህብረት በአንድ በኩል ስለላውን በማቀለጣጠፍ በሌላ በኩል ለአቶሚክ ምርምርና ለጦር መሳሪያው ግንባታ  ፍጥነቷን ጨመረች፡፡

ልክ የዛሬ 64 ዓመት፣ በዛሬው እለት በሚስጥራዊ ስሙ ቀዳሚው መብረቅ የተሰኘውን የአቶሚክ ቦምብ፣ ሴሚፓላቲንስክ በተባለው ስፍራ በተሳካ ሁኔታ ሞከረች፡፡

ከዚያን ጊዜ አንስቶ፣ በቀድሞዋ ሶቪየት ህብረት ኃላም በሩሲያና በአሜሪካ መካከል፣ የኒኩሊየር የጦር መሳሪያ እሸቅድምድሙ አላባራም፡፡
አስተያየት ይፃፉ (0 አስተያየት)

ነሐሴ 20, 2005:ታሪክን የኋሊት

ነሐሴ 20, 2005

ቅኝ ገዢዎች የአፍሪካን አገሮች በተቃረጡበት ዘመን የምዕራብ አፍሪካዋ ቶጐ ላንድ በጀርመን የአገዛዝ ሥር ወደቀች፡፡የአንጀናው የዓለም ጦርነት ሲቀሰቀስ የቅኝ አገሮችንም ማዳረሱን ያዘ፡፡የጀርመን ተቀናቃኞች የሆኑት ፈረንሳይና እንግሊዝ በጀርመን ሞግዚትነት ሥር የነበረችውን ቶጐ ላንድን ወረው የያዙት የዛሬ 99 ዓመት በዛሬዋ ዕለት ነበር፡፡የ1ኛው የዓለም ጦርነት ጀርመንና ኦስትሮ ሃንጋሪ በአንድ በኩል ፤ ከነሱ በተፃራሪ ደግሞ እንግሊዝ ፣ ፈረንሳይና ሩሲያ በሌላው ወገን በመሆን ጭፍራ ተከታዮቻቸውን አሰልፈው ተፋለሙ፡፡
በጦርነቱ የነጀርመን ወገን ተሸነፈ፡፡ የኅብረቱ ሃይሎች ድል አደረጉ፡፡ታዲያ ጦርነቱ ከአውሮፖ በተጨማሪ በሩቁ የዓለም ክፍል የቅኝ አገሮችን ጭምር ያዳረሰ ነበር፡፡

ተጨማሪ ያንብቡ...

አስተያየት ይፃፉ (0 አስተያየት)

ነሐሴ 16, 2005:ታሪክን የኋሊት

 ነሐሴ 16, 2005

በምድረ አሜሪካ ጥቁሮች ከቀደመው ዘመን  አንስቶ፣ በቆዳ ቀለማቸው መነሻ በባርነት፣ በዘር መድልኦና መገለል  የከፉ በደሎች እንደተፈፀሙባቸው የታሪክ ድርሳናት ያስረዳሉ፡፡ ያ ሁሉ አልፎ በአሁኑ ወቅት አሜሪካ በአፍሪካ አሜሪካዊው ባራክ ኦባማ ፕሬዝዳንትነት ለመመራት በቅታለች፡፡ በቀደመው ዘመን ጥቁሮች በቆዳ ቀለማቸው የተነሳ የዘር መድልኦ ሰለባዎች በነበሩባቸው ዓመታት ይሄን የዘር ግድግዳ ጥሰው አንቱ ያሠኛቸውን የክብር አክሊል የደፉት የበዙ ናቸው፡፡ ከነዚህ የበዙ አፍሪካ አሜሪካውያን ባለክብሮች፣ ዝነኛዋ የሜዳ ቴኒስ ተጨዋች አልቲያ ጊብሰን አንዷ ሆና ትነሳለች፡፡

ጊብሰን፣ በዓለም አቀፍ የሜዳ ቴኒስ ፉክክር የመጀመሪያዋ ጥቁር ተወዳዳሪ የሆነችው የዛሬ 63 ዓመት በዛሬዋ እለት ነበር፡፡  

አሊሲያ፣ በደቡብ ካሊፎርኒያ ብትወለድም እድገቷ በኒውዮርክ ከተማ ነው፡፡
ገና አዳጊ ልጃገረድ ሳለች ወደ ሜዳ ቴኒስ ስፖርት አዘነበለች፡፡

በ15 ዓመቷ በአሜሪካ ቴኒስ ማህበር የበላይ ጠባቂነት በተካሄደው የሴቶች ነጠላ የሜዳ ቴኒስ ውድድር ማሸነፏ የድል አንድራጊነቷን ጥርጊያ ያቀናችበት ነበር፡፡

የዛሬ 63 ዓመት፣ በኒውዮርክ ፎረስት ቢል በተካሄደው ዓለም አቀፍ ውድድር ተሳትፋ የመጀመሪያዋ ጥቁር የሜዳ ቴኒስ ተጫዋጭ ለመሆን በቃች፡፡
ከዚያ በኋላ፣ በተለያዩ ዓለም አቀፋዊነት በተላበሱ የሜዳ ቴኒስ ውድድሮች፣ የድል አዝመራዋን ሰብስባለች፡፡

ተጨማሪ ያንብቡ...

አስተያየት ይፃፉ (0 አስተያየት)

ነሐሴ 12, 2005:ታሪክን የኋሊት

ነሐሴ 12, 2005

ላቲቪያ ለበርካታ ምዕተ ዓመት በሩሲያ ኃላም በሶቪየት ህብረት ተፅዕኖ ስር ቆይታ ነፃነቷን ያወጀችው የዛሬ 22 ዓመት በዛሬዋ እለት ነው፡፡ላቲቪያ እንደ ጐረቤቶቿ ኢስቶኒያና ሊትዌንያ ከ200 ዓመታት በላይ በሩሲያ የተፅዕኖ ክልልነትና ቅኝነት ቆይታለች፡፡ በ1ኛው የዓለም ጦርነት ወቅት ሩሲያ ከጀርመን ጋር ውጊያ ላይ በነበረችበት ክፍተት ባጋጠማት ምቹ ሁኔታ ከ94 ዓመታት በፊት ነፃነቷን አወጀች፡፡ ይሁንና የዚያን ጊዜ የላቲቪያ ነፃነት ሩቅ ሊጓዝ አልቻለም፡፡ የ2ኛው የዓለም ጦርነት መፈንዳት በላቲቪያ ነፃነት ላይ ፈተና ጋረጠባት፡፡ ናዚዎች ፖላንድን በመውረር የ2ኛው የዓለም ጦርነት ጅማሬ ከመሆኑ 1 ሳምንት አስቀድሞ በጀርመንና የሶቪየት ህብረት መካከል ሚስጥራዊ ስምምነት ተደረሰ፡፡

ነሐሴ 10, 2005:ታሪክን የኋሊት

ነሐሴ 10, 2005

አውሮፕላን የተፈለሰፈው በ20ኛ ክፍል ዘመን መጀመሪያ ነው፡፡ አውሮፕላን ከመፈልሰፉ ብዙም ሳይዘገይ ቴክኖሎጂውን ለውድድር ዓላማ የማዋል ሙከራዎች ነበሩ፡፡ የውድድር ዓላማ ኖሯቸው ከተዘጋጁት የአውሮፕላን በረራ ውድድሮች የዶል ውድድር የሚባለው አንዱ ነው፡፡ከተወዳዳሪዎቹ አብዛኞቹ ክፉ እጣ የገጠማቸው የዛሬ 86 ዓመት በዛሬዋ እለት ነበር፡፡ ውድድሩ ከሰሜናዊ ካሊፎርኒያ እስከ ሃዋይ የሚዘልቀውን 3 ሺ 870 ኪሎ ሜትር የሚሸፍን ነበር፡፡ የአትላንቲክ ውቅያኖስን ስለሚያቋርጥም የትራስ አትላንቲክ ውድድር በመባልም ይታወቃል፡፡ከኦክላንድ ካሊፎርኒያ እስከ ሃዋይ ሆኖሉሉ ለተደረገው ለዚህ አትላንቲክ አቋራጭ የበረራ ውድድር እስከ 18 አውሮፕላኖች በተፎካከሪነት ተመዘገቡ፡፡ ከመካከላቸውም አስራ አንዱ  መወዳደር የሚያስችላቸውን ማረጋገጫ አገኙ፡፡
ከዚህ ውድድር ከጥቂት ወሮች አስቀድሞ ቻርልስ ሊንድበርግ በተሳካ ሁኔታ ይሄን ርቀት መሸፈኑ ለውድድሩ መነቃቂያ ነበር፡፡
ጀምስ ዶል የተባለው የሐዋይ ከበርቴ ለውድድሩ የማበረታቻ ሽልማት የሚውል  35 ሺህ ዶላር  መደበ፡፡ 1ኛ ለሚወጣ 25 ሺህ ዶላር፤ 2ኛ ሆኖ ለሚያጠናቅቅ 10 ሺህ ዶላር ሽልማቱ አብራሪዎቹን ሳባቸው፡፡
Leza Vote Banner
Sheger 102.1 AudioNow Numbers