• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ነሐሴ 01, 2005:ታሪክን የኋሊት

ነሐሴ 01, 2005

በ1960ዎቹ መጀመሪያ የአሜሪካ ፕሬዝዳንት የነበሩት ሪቻርድ ኒክሰን መልካም መልካሙን ለሕዝባቸው ለመናገር ብዙ ጊዜ በቴሌቪዥን መስኮት ብቅ ብለዋል፡፡ የዛሬ 39 ዓመት በዛሬዋ እለት በቴሌቪዥን መስኮት ብቅ አሉ፡፡ በዚያች እለት በቴሌቪዥን መስኮት ብቅ ያሉበት ምክንያት እንደቀዳሚዎቹ ጊዜዎች አልነበረም፡፡ ኒክሰን ያን ዕለት በቴሌቪዥን መስኮት ብቅ ያሉት የሀገሬ ሰዎች ሆይ ከእንግዲህ “በኃላፊነቴ አልቀጥልም” “በቃኝ” “እለቃለሁ” ለማለት ነበር፡፡ እንደዚያም አሉ፡፡ ኒክሰን እንዲህ ለማለት የተገደዱት ወደው አልነበረም፡፡ በ2ኛው የምርጫ ዘመናቸው አስቀድሞ የምርጫው ዘመቻ እንደተጧጧፈ በዋሸንግተን ዋተርጌት ወደነበረው የዴሞክራቶቹ የፖለቲካ ማህበር ብሔራዊ ኮሚቴ ጽህፈት ቤት ለፖለቲካ ማህበሩ ባዕድ የሆኑ አምስት ሰዎች ይዘልቃሉ፡፡

ለመረጃ መመንተፊያ የጽምፅ መቅረጫ ገመዳቸውን ይዘረጋጋሉ፡፡የፅህፈት ቤቱ የደህንነት ጉዳዮች ኃላፊ እጅጉን ጠንቃቃና ሲበዛ ተጠራጣሪ መሆን ወደ ዴሞክራቶቹ ቢሮ የዘለቁት ባዕድ ሰዎች ያሻቸውን አድርገው እንዲወጡ አላስቻላቸውም፡፡ ሰዎቹ ከዚያው ሳይወጡ ፖሊስ እጅ ከፍንጅ አፈፍ አደረጋቸው፡፡ ነገሩን እንደቀላል ወንጀል ለማቃለል ተሞከረ፡፡ እንደዚያ ግን አልሆነም፡፡ ጉዳዩ ሲውል ሲያድር ወደ ዋይት ሐውስ ደጃፍ ተጠጋ፡፡

ተጨማሪ ያንብቡ...

አስተያየት ይፃፉ (0 አስተያየት)

ነሐሴ 07, 2005:ታሪክን የኋሊት

ነሐሴ 07, 2005

የበርሊን ግምብ  የዚያን ጊዜዎቹን ምስራቅና ምዕራብ በርሊን መለያ ብቻ ሳይሆን  የቀዝቃዛው ጦርነትም የርዕዮት ዓለማዊ ክፍፍል ተምሳሌት ሆኖ ይታሰባል፡፡ ግንቡ ከታጠረ ዛሬ ልክ 52ኛ ዓመቱን ደፈነ፡፡  በአውሮፓ 2ኛው የዓለም ጦርነት በጀርመን ሽንፈት እንደተደመደመ ሀገሪቱ በአሸናፊዎቹ የህብረቱ ኃይሎች መዳፍ ውስጥ ገባች፡፡ የጀርመንን ግዛት አሸናፊዎች ሶቪየት ህብረት አሜሪካ፣ ብሪታንያና ፈረንሳይ በየድርሻቸው ተቃረጡት፡፡

ከጦርነቱ ማብቃት ጥቂት አመታት በኋላ ምዕራባውያኑ በይዞታቸው ስር የቆየው ክልል ተደባልቆ ምዕራብ ጀርመን እንድትመሠረት ፈቀዱ፡፡ ጥቂት ቆይቶም በሶቪየቶች ይዞታ ስር የነበረው ግዛት ምስራቅ ጀርመን ተባለ፡፡ ርዕሠ ከተማዋ በርሊንም እንደ መላዋ ጀርመን በኃያላኑ የመከፋፈል እጣ ገጠማት  ምዕራቡ  በምዕራባዊያን ምስራቁ ደግሞ በሶቪየት የተፅዕኖ ክልልነት ተሸነሸነ፡፡ ከምስራቅ በርሊን ወደ ምዕራቡ የሚኮበልሉ ጀርመናዊያን ቁጥር ከእለት ወደ እለት፤ ከጊዜ ወደ ጊዜ እየጨመረ መጣ፡፡ የምስራቅ ጀርመኖቹን  ዜጎች ኩብለላ የዚያን ጊዜው የሶቪየት ህብረት መሪ ኒኪታን ኩርቼየቭ አልወደዱትም፡፡

ተጨማሪ ያንብቡ...

አስተያየት ይፃፉ (0 አስተያየት)

ነሐሴ 08, 2005:ታሪክን የኋሊት

ነሐሴ 08, 2005

ምዕራባዊያን እንደ ቀንደኛ አሸባሪ፤ ግራ ክንፈኞችና ፍልስጤማውያን ደግሞ እንደ ዓለም አቀፍ ተዋጊ የሚቆጥሩት ካርሎስ ቀበሮ በፈረንሳይ የደህንነት ኃይሎች  የተያዘው የዛሬ 19 ዓመት በዛሬዋ ዕለት ነበር፡፡ ሰውየው ሲወለድ እናት አባቱ ያወጡለት ስም ኤሊች ራሚሬዝ ሳንቼዝ ይባላል፡፡ ይህን ቬንዙዌላዊ ግራ ክንፈኛ በአብዛኛው ዓለም የሚያውቀው ካርሎስ ቀበሮ በተሰኘው ቅፅል ስሙ ነው፡፡

ካርሎስ ቀበሮ የሚል ቅፅል ያወጡለት በብረት ትግል የተጐዳኛቸው የፍልስጤም ፖፑላር ፍሮንት የደፈጣ ተዋጊዎች ናቸው፡፡ የምዕራቡ ዓለም እስከ አልቃይዳው መስራች ኦሳማ ቢን ላዴን ዘመን ካርሎስ ቀበሮን በቀንደኛ አሸባሪነት ሲያየው ቆይቷል፡፡ የሕግ ባለሙያው የካርሎስ አባት ግራ ክንፈኛ ዝንባሌ የነበራቸውና የቮልሼቪክ  ፓርቲ መሪውና የሶቪየት ህብረት መስራች የቭላድሚር ኤሊች ሌኒን አድናቂም የፍልስፍና ዘይቤም ተከታይ ነበሩ፡፡ ከሌኒን ስም ተወሰውም ልጃቸውን ኤሊች የሚል ስም ያወጡለት በዚሁ መነሻ ነው ይባላል፡፡ ኤሊች ራሚሬዝ ሳንቼዝም የአባቱን የፍልስፍና መንገድ ወረሰ፡፡ በኩባም በሩሲያም እየተዘዋወረ ተማረ፡፡

ተጨማሪ ያንብቡ...

አስተያየት ይፃፉ (2 Comments)
Leza Vote Banner
Sheger 102.1 AudioNow Numbers