• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

የካቲት 15፣2011/ የዝዋይ ሐይቅ እንደ ጣና ሀይቅ ሁሉ የእምቦጭ ወረራ እያጠላበት መሆኑ ተነገረ

ይህ የተነገረው በባህር ዳር እየተካሄደ ባለው የባህልና ቱሪዝም ሚኒስቴር የስድስት ወራት እቅድ አፈፃፀም ውይይት ላይ ነው፡፡የውይይቱ ተሳታፊዎች ሲናገሩ እንደሰማነው በኢትዮጵያ የሚገኙ የተፈጥሮ ቱሪስት መስህቦች ማለትም ፓርኮችና ሀይቆች ትኩረት እየተነፈጋቸው በመሆኑ የመጥፋት አደጋ ተደቅኖባቸዋል፡፡ከነዚህ ውስጥ አንዱ የሆነው የዝዋይ ሐይቅ አንዳንድ ቦታዎች የእምቦጭ አረም መታየት መጀመሩን እነዚሁ ተሳታፊዎች ተናግረዋል፡፡ከዚህ ቀደም ሰፊ የዓሣ ምርት ይሰጥ የነበረው ይኸው ሐይቅ በአሁኑ ሰዓት የሚሰጠው የአሳ ምርት በጣም እየቀነሰ መጥቷል ተብሏል፡፡

መከላከያ በአንዳንድ ፓርኮች ውስጥ የሚያደርገውን ልምምድም የዱር አራዊቶች አካባቢያቸውን ለቀው እንዲጠፉ እያደረጋቸው ነው ሲሉም እነዚሁ ተወያዮች ተናግረዋል፡፡የባህልና ቱሪዝም ሚኒስቴርም ድርጊቱ ትክክል እንዳልሆነ በመግለፅ ለሚመለከተው መስሪያ ቤት እንዲታረም መንገሩን አስታውቋል፡፡ከወሰን ማስከበር ጋር በተያያዘ እንደ ነጭ ሳር ፓርክ ያሉ የቱሪስት መዳረሻዎችም ከጊዜ ወደ ጊዜ በሰዎች የመወረር አደጋ እያጋጠመው እንደሆነ ሰምተናል፡፡

ቴዎድሮስ ብርሃኑ
አስተያየት ይፃፉ (0 አስተያየት)

ሚልኬሳ ሚደግሳ(ዶ/ር):- በለገጣፎ ለገዳዲ ከተማ አስተዳደር ሕገወጥ ናቸው ተብለው የፈረሱ ቤቶች ጉዳይ

በለገጣፎ ለገዳዲ ከተማ አስተዳደር ሕገወጥ ናቸው ተብለው የፈረሱ ቤቶች ጉዳይ የሰሞኑ መነጋገሪያ አጀንዳ መሆኑ ይታወቃል፡፡ ከኦሮሚያ ክልል የመሬት አስተዳደርና አጠቃቀም ቢሮ ያገኘነው መረጃ እንደሚያሳየው እስከ ትናንት ምሽት ድረስ 3 800 ቤቶች ፈርሰዋል፡፡የከተማ አስተዳደሩ ቤቶቹ በሕገወጥ መንገድ የተሰሩ በመሆናቸው የወሰድኩት እርምጃ ሕግን የማስከበር ሥራ ነው ብሏል፡፡ ነዋሪዎች በበኩላቸው ከ10 እስከ 19 ዓመት ቤት ገንብተው መኖራቸውን፣ የአፈር ግብር ለመንግሥት እንደሚከፍሉና ውሃና መብራትን ጨምሮ መሰረተ ልማት የከተማ አስተዳደሩ እንዳሟላላቸው ለተለያዩ መገናኛ ብዙሃን መናገራቸው ይታወቃል፡፡ ነዋሪዎች ቤታችን በመፍረሱ ጎዳና ላይ ወድቀናል የሚል እሮሮ እያሰሙ ነው፡፡የኦሮሚያ ክልል የመሬት አስተዳደርና አጠቃቀም ቢሮ ሃላፊውን ሚልኬሳ ሚደግሳ(ዶ/ር) ስለጉዳዩ ጠይቀናቸዋል…

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.



ትዕግስት ዘሪሁን
አስተያየት ይፃፉ (0 አስተያየት)

የካቲት 14፣2011/ ፌደራል ፖሊስ ኮሚሽን የውስጥ መሰረታዊ ለውጥ ጀምሬያለሁ አለ

አለም የደረሰበትን የፌደራል ፖሊስ አሰራርንም ለመከተል ጥናቱን እንደጀመረው ሰምተናል፡፡በለውጡ መሰረት የፌደራል ፖሊስ ሰራዊት አሰፋፈርና አደረጃጀት 4 ክላስተሮች ይኖሩታል ተብሏል፡፡ከዚህ ጋር ተያይዞ የከተማ ልዩ የፌደራል ፖሊስ ሀይልና የፌደራል ፖሊስ የአየር ሀይል ክንፍ እንደሚደራጅ ሰምተናል፡፡

ሕዝብ በተሰበሰበባቸው ቦታዎች የተለያዩ ቴክኖሎጂዎችንና ድሮኖችን በመጠቀም የቅድሚያ ወንጀል መከላከል ስራዬንም በለውጡ አካትቼዋለሁ ብሏል፡፡ሥነ-ምግባሩን የጠበቀ፣ ሀላፊነት የሚሰማው፣ ሕዝቡን የሚያስቀድም ሰራዊትም ለማደራጀት በለውጥ ስራው እመለከተዋለሁ ማለቱን የፌደራል ፖሊስ ለሸገር ተናግሯል፡፡ ወንጀሎችን ለመከላከል፣ ፀጥታውንም ለመጠበቅ በአየር የታገዘ አሰራር ለማቋቋም መታሰቡንም ሰምተናል፡፡

ተህቦ ንጉሴ
አስተያየት ይፃፉ (0 አስተያየት)

የካቲት 14፣ 2011/ ከአሁን በኋላ 12ኛ ክፍል ያላጠናቀቁ ለመምህርነት የማይመለመሉ መሆኑ ተነግሯል

ለመምህራን ትምህርት መሻሻልና ለመብቶቻቸው መከበር በትኩረት የሚሰራ መሆኑን ከትምህርት ሚኒስትሩ ዶ/ር ጥላዬ ጌጤ ሰምተናል፡፡ሚኒስትሩ ይህንን ያሉት የኢትዮጵያ መምህራን ማህበር የተመሰረተበትን 70ኛ አመት በራስ ሆቴል ሲያከብር ተገኝተው ነው፡፡ማህበሩ ከተመሰረተበት የካቲት 14 ቀን 1941 ዓ.ም ወዲህ በመምህራን መብቶችና የትምህርት ጉዳዮች ላይ ከመንግስት ጋር ሲደራደር እንደቆየ ተነግሯል፡፡ጥራት ያለው ትምህርት ተደራሽ እንዲሆንም የበኩሉን እየተወጣ መሆኑን የማህበሩ ፕሬዝዳንት አቶ ዮሐንስ በንቲ ተናግረዋል፡፡ለዚህም ሲባል በየአመቱ የትምህርት ጥራት ኮንፍረንስ ይዘጋጃል ተብሏል፡፡

በትምህርት ጥራት ላይ የሚያጠነጥኑ 7 የምርምር ፅሁፎችም በማህበሩ መዘጋጀታቸውን ሰምተናል፡፡በመምህራን ሥነ-ምግባር፣ በፈተና ኩረጃና የሁለተኛ ደረጃ ትምህርት ላይ ስላሉ ተፅዕኖዎች ጥናት ከተደረገባቸው ርዕሰ ጉዳዮች ውስጥ ናቸው ተብሏል፡፡የማህበሩ ፕሬዝዳንት አቶ ዮሀንስ በንቲ የኢትዮጵያ መምህራን ማህበር ለመምህራን መብት መከበርና ለትምህርት ጥራት መሻሻል ያለበትን ሀላፊነት አጠናክሮ ይቀጥላል ብለዋል፡፡

የዛሬ 70 አመት በ32 መምህራን የተመሰረተው ማህበሩ በአሁኑ ወቅት ከግማሽ ሚሊዮን በላይ መምህራንን በአባልነት አካቷል፡፡የምስረታ በዓሉን “እኔ የመምህሮቼ ውጤት ነኝ” በሚል መሪ ቃል እያከበረ ነው፡፡የ70ኛ አመት በዓሉ በተለያዩ መረሃ ግብሮች እየተከበረ እስከ ከሰኔ 30 ቀን 2011 ዓ.ም የሚቀጥል መሆኑን ሰምተናል፡፡ረጅም አመት በማስተማር የቆዩ መምህራን ይሸለማሉ ተብሏል፡፡

በየነ ወልዴ
አስተያየት ይፃፉ (0 አስተያየት)

የካቲት 13፣2011/ ተመላሽ ባልሆነ የተበላሸ ብድር ጫና ውስጥ ያለው የልማት ባንክ አፋጣኝ ማሻሻያ እንዲያደርግ መመሪያ እንደተሰጠውም የብሔራዊ ባንኩ ገዢ ተናግረዋል

ተመላሽ ባልሆነ የተበላሸ ብድር ጫና ውስጥ ያለው የልማት ባንክ አፋጣኝ ማሻሻያ እንዲያደርግ መመሪያ እንደተሰጠውም የብሔራዊ ባንኩ ገዢ ተናግረዋል፡፡

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.



ተህቦ ንጉሴን ዘገባ ያዳምጡ

አስተያየት ይፃፉ (0 አስተያየት)

የካቲት 13፣2011/ የአገሪቱን የውጭ ምንዛሪ እጅግ ለሚያስፈልጋቸው ብቻ ለማቅረብ የሚያስችል ዘዴ እየተቀየሰ መሆኑን የብሔራዊ ባንኩ ገዢ ተናገሩ

የአገሪቱን የውጭ ምንዛሪ እጅግ ለሚያስፈልጋቸው ብቻ ለማቅረብ የሚያስችል ዘዴ እየተቀየሰ መሆኑን የብሔራዊ ባንኩ ገዢ ተናገሩ፡፡

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.



ተህቦ ንጉሴን ዘገባ ያዳምጡ
አስተያየት ይፃፉ (0 አስተያየት)

የካቲት 13፣2011/ ትናንት በዋለው ችሎት በ50 ሺ ብር ዋስ ከእስር እንዲለቀቁ ተወስኖላቸው የነበሩት አቶ ኢሳያስ ዳኘው፣ ከ44.5 ሚሊዮን ዶላር በላይ በሚሆን ከባድ የሙስና ወንጀል ተጠርጥረው እንደገና ክስ ተመሰረተባቸው

ትናንት በዋለው ችሎት በ50 ሺ ብር ዋስ ከእስር እንዲለቀቁ ተወስኖላቸው የነበሩት አቶ ኢሳያስ ዳኘው፣ ከ44.5 ሚሊዮን ዶላር በላይ በሚሆን ከባድ የሙስና ወንጀል ተጠርጥረው እንደገና ክስ ተመሰረተባቸው፡፡

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.



ንጋቱ ሙሉን ዘገባ ያዳምጡ

አስተያየት ይፃፉ (0 አስተያየት)

የካቲት 13፣2011/ ባለፉት 6 ወራት በኦሮሚያ ክልል ባጋጠሙ ከ2 ሺ 300 በላይ የትራፊክ አደጋዎች የ660 ሰዎች ህይወት አልፏል ተባለ

ባለፉት 6 ወራት በኦሮሚያ ክልል ባጋጠሙ ከ2 ሺ 300 በላይ የትራፊክ አደጋዎች የ660 ሰዎች ህይወት አልፏል ተባለ፡፡

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.



ንጋቱ ሙሉን ዘገባ ያዳምጡ
አስተያየት ይፃፉ (0 አስተያየት)

የካቲት 13፣2011/ በሽብርተኝነት ከተፈረጁ ፓርቲዎች ጋር ግንኙነት አላችሁ በማለት በታራሚዎች ላይ ከፍተኛ የሰብአዊ መብት ጥሰት የፈፀሙ የመርማሪ ፖሊስ አባላት ክስ ተመሰረተባቸው

በሽብርተኝነት ከተፈረጁ ፓርቲዎች ጋር ግንኙነት አላችሁ በማለት በታራሚዎች ላይ ከፍተኛ የሰብአዊ መብት ጥሰት የፈፀሙ የመርማሪ ፖሊስ አባላት ክስ ተመሰረተባቸው፡፡

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.



ምህረት ስዩምን ዘገባ ያዳምጡ
አስተያየት ይፃፉ (0 አስተያየት)

የካቲት 13፣2011/ በቁጥር ከ80 በላይ እንደሆኑ ከሚነገርላቸው የኢትዮጵያ ቋንቋዎች መካከል ከ50 በላይ የሚሆኑት የትምህርትና የሚዲያ ቋንቋ መሆናቸው ተነገረ

የባህልና ቱሪዝም ሚኒስቴር ለሸገር እንደተናገረው በአሁኑ ወቅት 52 ያህል ቋንቋዎች በአፍ መፍቻ የማስተማሪያ ቋንቋ ሆነዋል፡፡በደቡብ ክልል 47 እና ሌሎችን አማርኛ፣ ኦሮምኛና ትግርኛን ጨምሮ ከ50 በላይ ቋንቋዎች በሃገርኛ በሚዲያዎች መጠቀሚያ ቋንቋ መሆናቸውን ለሸገር የተናገሩት በሚኒስቴር መስሪያ ቤቱ የቋንቋ ልማት ዳይሬክተሩ አቶ ዓለማየሁ ጌታቸው ናቸው፡፡

የአፍ መፍቻ ቋንቋ ቀን፣ “ሃገርኛ ቋንቋዎች ለልማት፣ ለሰላም ግንባታንና ለአብሮነታችን” በሚል መሪ ቃል ዛሬ እየተከበረ ይገኛል፡፡በአለም ላይ ለ20ኛ ጊዜ በኢትዮጵያ ለ9ኛ ጊዜ እየተከበረ ያለው የአፍ መፍቻ ቋንቋ ቀን፤ ኢትዮጵያ የብዙ ቋንቋዎች ባለቤት መሆኗ ለግጭት ሳይሆን ለሰላምና ለአንድነቷ ትልቅ ሚና ያለው መሆኑን በሚያሳይ ሁኔታ በአርሲ አሰላ ከተማ በፓናል ውይይትና በሌላም ዝግጅት እየተከበረ መሆኑን ከባህልና ቱሪዝም ሚኒስቴር ሰምተናል፡፡

ትዕግስት ዘሪሁን
አስተያየት ይፃፉ (0 አስተያየት)

የካቲት 13፣2011/ ኢትዮጵያ አሁን ባለው ሁኔታ ወርቆቿ የኮንትሮባንድ ሰለባ ሆነውባታል ተባለ

ይህን ያለው የኢትዮጵያ ብሔራዊ ባንክ ነው፡፡ይህ የወርቅ ኮንትሮባንድ ከቀጠለም የውጭ ምንዛሬ እጥረቱን ሊያባብሰው ይችላል ተብሏል፡፡በችግሩ ላይ በበቂ ጥናት አድርጌያሁ ያለው ብሔራዊ ባንኩ ጉዳዩ ላይ ከሚመለከታቸው አካላት ጋር ውይይት ያስፈልጋል ብሏል፡፡ወርቅ ሲያመርቱ ቆይተው የተዘጉ ኩባንያዎች የራሳቸው ምክንያት አላቸው ያሉት የባንኩ ገዢ ዶ/ር ይናገር ደሴ፣ አለ የተባለውን ችግር መፍታት ወይንም ሌላውን ወደ ስራ ማስገባት አስፈላጊ ነው ብለዋል፡፡

ይህንንም ለማድረግ ካልተቻለ ኢትዮጵያ ከወርቅ አገኘዋለሁ የምትለው የውጭ ምንዛሬ የማይታሰብ እንደሆነ መታወቅ አለበት ብለዋል፡፡የኢትዮጵያ ብሔራዊ ባንክ የብድር ጫና እስኪቃለል ድረስ ከዚህ በኋላ በአነስተኛ ወለድ እና በረጅም ክፍያ በቀር አልበደርም ብሏል፡፡ሀገሪቱ አሁን ከፍተኛ የዕዳ ጫና እንዳለባት የባንኩ ዋና ገዥ ዶ/ር ይናገር ተናግረዋል::መከፈል የነበረበትን ብድር ለማቃለል እና ለመክፈል ከወጭ ንግድ የሚገኘው የውጭ ምንዛሪ ቀንሷል ተብሏል፡፡

ሀገሪቱ ያለባትን የውጭ እዳ ለማቃለል ዋናው የውጭ ምንዛሪ ምንጭ ላይ መበርታት እንደሚያስፈልግ ዋና ገዥው ተናግረዋል፡፡የበጀት ጉድለቱም ወደ ከፋ ደረጃ እንዳይገሰግስ አማራጭ ስለሌለ በወጭ ምንዛሬ ፍላጎት ላይ ለተወሰነ ግዜ ገደብ መጣል ያስፈልጋል ተብሏል፡፡ ከጋዜጠኞችም በቂ የውጭ ምንዛሪ አለ ከተባለ የዶላር የጥቁር ገበያው ዋጋ ለምን ከፍተኛ ሆነ፣ እንዲሁም የውጭ ምንዛሬ ክምችቱ ምን ያህል ነው ተብሎ ብሔራዊ ባንኩ ተጠይቋል፡፡ የኢትዮጵያ ብሔራዊ ባንክ ዋና ገዥ ዶ/ር ይናገር ደሴ ለነዚህና ለሌሎች ጥያቄዎች መልስ ሰጥተዋል፡፡

ተህቦ ንጉሤ
አስተያየት ይፃፉ (0 አስተያየት)
Sheger 102.1 AudioNow Numbers