• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

ጥቅምት 7፣ 2012/ መስማማት ያልታየበት የሰሞኑ የኢህአዴግ አባል ድርጅቶች መግለጫዎችን በተመለከተ

ሰሞኑን ከአዴፓ በስተቀር የኢሕአዴግ ድርጅት አባላት የማዕከላዊ ስብሰባዎቻቸውን እያደረጉ ነው፡፡ ከስብሰባቸው በኋላ የሚያወጧቸው መግለጫዎች በጋራ ተነጋግሮ ለመፍታት የማይችሉ መሆናቸውን የሚጠቁም ነው፡፡ ሕወሓት ባወጣው መግለጫ የሚቀነቀነውን የኢሕአዴግን ውህደት አገር የሚያፈርስ ብሎታል፡፡ ለተለያዩ የማህበረሰብ ክፍሎች እንዲታገሉትም ጥሪ አቅርቧል፡፡ ኦዴፓ ከስብሰባው በኋላ ባወጣው መግለጫ በችግሮች የተከበበው የኢህአዴግ አደረጃጀት የህዝቦችን ጥያቄ መመለስ የሚችል አይደለምና የዘመናዊ አደረጃጀት እንዲኖረው ማድረግ ዋና ጉዳይ ነው ሲል ከሕወሓት የተራራቀ መግለጫ ሰጥቷል፡፡ አጋር ድርጅቶች የኢሕአዴግን ውህደት በደስታ እንደሚቀበሉት ተናግረዋል፡፡ የድርጅቶች መግለጫዎች አለመስማማታቸው ብቻ ሳይሆን የከረረ ስሜታቸው ይታይበታል ተብሏል፡፡ የኔነህ ሲሳይ በዚህ ጉዳይ አስተያየታቸውን እንዲሰጡት የፖለቲካ ተሳታፊዎችን ጠይቋል፡፡

አስተያየት ይፃፉ (0 አስተያየት)

ጥቅምት 7፣ 2012/ ከቅርብ አመታት ወዲህ ገንዘብ ቆጥቡ የሚሉ ንግግሮች ቢበዙም አሁንም ድረስ ግን በበቂ ሁኔታ እንዳልተቆጠበ ይነገራል

ከቅርብ አመታት ወዲህ ገንዘብ ቆጥቡ የሚሉ ንግግሮች ቢበዙም አሁንም ድረስ ግን በበቂ ሁኔታ እንዳልተቆጠበ ይነገራል፡፡ ምኑን ይዤ ነው የምቆጥበው የሚሉ ሰዎችም ቁጥራቸው ቀላል አይደለም፡፡ ለመሆኑ ብሪቱን እንዴት እንቆጥባት ? እንዳትቆጠብ የሚያደርጋት ፈተናስ ምንድነው? ቴዎድሮስ ብርሃኑ ባለሙያ አነጋግሯል፡፡

አስተያየት ይፃፉ (0 አስተያየት)

ጥቅምት 7፣ 2012/ ማንን ምን እንጠይቅልዎ-የትግራይ ክልል፣ በአማራ ክልል በሚገኙ ዩኒቨርሲቲዎች ውስጥ የተመደቡ የትግራይ ክልል ተማሪዎች ሂደው እንዲማሩ አልፈቅድም ብሏል

የትግራይ ክልል፣ በአማራ ክልል በሚገኙ ዩኒቨርሲቲዎች ውስጥ የተመደቡ የትግራይ ክልል ተማሪዎች ሂደው እንዲማሩ አልፈቅድም ብሏል፡፡ በዚህ ጉዳይ ዙሪያ ግርማ ፍሰሐ ከትግራይ ክልል የኮምንኬሽን ዳይሬክተር ሊያ ካሳ ጋር ቆይታ አድርጓል

አስተያየት ይፃፉ (0 አስተያየት)

ጥቅምት 6፣ 2012/ ከወለድ ነፃ የባንክ አገልግሎት ለመስጠት ያለሙ የተለያዩ ባንኮች በምስረታ ላይ መሆናቸው ይታወቃል...

ከወለድ ነፃ የባንክ አገልግሎት ለመስጠት ያለሙ የተለያዩ ባንኮች በምስረታ ላይ መሆናቸው ይታወቃል፡፡ በኢትዮጵያ እንዲህ ዓይነቱን የባንክ አገልግሎት ለመስጠት የሰለጠነ የሰው ሀይል አለ ወይ? ሲል ቴዎድሮስ ብርሃኑ ባለሙያ ጠይቋል፡፡

አስተያየት ይፃፉ (0 አስተያየት)

ጥቅምት 6፣ 2012/ በቂሊንጦ፣ በቃሊቲ፣ በሸዋሮቢት በቀደመው ጊዜ ሲባል እንደነበረ አሁንም በብሔር፣ በፖለቲካ አቋም ምክንያት የታሰሩ አሉን?

የፌደራል ማረሚያ ቤቶች በሚያስተዳድራቸው በቂሊንጦ፣ በቃሊቲ፣ በሸዋሮቢት በቀደመው ጊዜ ሲባል እንደነበረ አሁንም በብሔር፣ በፖለቲካ አቋም ምክንያት የታሰሩ አሉን ? በማረሚያ ቤቶች ይፈፅሙ የነበሩ የሰብአዊ መብት ጥሰቶችስ አሁን ምን ያህል ተሻሽለዋል? ንጋቱ ሙሉ የፌደራል ማረሚያ ቤቶች አስተዳደር ዳይሬክተርን ጠይቋቸዋል…

አስተያየት ይፃፉ (0 አስተያየት)

ጥቅምት 6፣ 2012/ ባለፈው ዓመት የ12ኛ ክፍል ብሄራዊ ፈተና ውጤት ላይ ያጋጠመውን ችግር ለማጣራት የተቋቋመው ኮሚቴ መረጃ አሰባስቤ አጠናቅቄያለሁ አለ

ባለፈው ዓመት የ12ኛ ክፍል ብሄራዊ ፈተና ውጤት ላይ ያጋጠመውን ችግር ለማጣራት የተቋቋመው ኮሚቴ መረጃ አሰባስቤ አጠናቅቄያለሁ አለ፡፡



በየነ ወልዴ
አስተያየት ይፃፉ (0 አስተያየት)

ጥቅምት 5፣ 2012/ ብዙዎቹ የሐገራችን የጨርቃ ጨርቅ እና አልባሳት ፋብሪካዎች በግብዐትነት የሚጠቀሙትን ኬሚካል ደረጃ የሚያስፈትሹት በውጭ ሐገር ነው ተባለ

ብዙዎቹ የሐገራችን የጨርቃ ጨርቅ እና አልባሳት ፋብሪካዎች በግብዐትነት የሚጠቀሙትን ኬሚካል ደረጃ የሚያስፈትሹት በውጭ ሐገር ነው ተባለ፡፡


ንጋቱ ረጋሳ

አስተያየት ይፃፉ (0 አስተያየት)

ጥቅምት 6፣ 2012/ ችግር ፈቺ የፈጠራ ሀሳብ ለሚያቀርቡ ወጣቶች እድል ነው የተባለ ጉባኤ በአዲስ አበባ ሊዘጋጅ ነው ተባለ

ችግር ፈቺ የፈጠራ ሀሳብ ለሚያቀርቡ ወጣቶች እድል ነው የተባለ ጉባኤ በአዲስ አበባ ሊዘጋጅ ነው ተባለ፡፡



የኔነህ ሲሳይ
አስተያየት ይፃፉ (0 አስተያየት)

ጥቅምት 6፣ 2012/ መደበኛ ባልሆነ መንገድ፣ በተለያዩ አካባቢዎች በራሳቸው የፖሊስን ስራ በመከወን የሚንቀሳቀሱ ወጣቶች...

መደበኛ ባልሆነ መንገድ፣ በተለያዩ አካባቢዎች በራሳቸው የፖሊስን ስራ በመከወን የሚንቀሳቀሱ ወጣቶችን ከዚህ በኋላ እንደማይታገስ የፌደራል ፖሊስ ኮሚሽን ተናገረ፡፡የፖለቲካ አመራሩም ለግጭት ምክንያት የሚሆኑ ንግግሮችን አቁሞ ህዝቡን ካረጋጋ ፖሊስ የዜጋውን ደህንነት ለመጠበቅ አይቸገረም ብሏል፡፡



ትዕግስት ዘሪሁን
አስተያየት ይፃፉ (0 አስተያየት)

ጥቅምት 6፣2012/ ኢትዮ ቴሌኮም በፕራይቬታይዜሽን ጉዳይ ያልተገባ ማብራሪያ የሚሰጡትን ተቋሞች ይህንን ተግባራቸውን እንዲያቆሙ በምሬት ተናግሯል

ተቋሞቹ፣ በኢትዮ ቴሌኮም፣ በፕራይቬታይዜሽን ጉዳይ የማይመለከታቸውን መግለጫ እንዲያቆሙ እና እንዲያስተካክሉ ተነግሯቸዋል ተብሏል፡፡አሁን በኢትዮ ቴሌኮም ከፕራይቬታይዜሽን ጋር በተገናኘ ከማንም ጋር ድርድር አልተጀመረም ፍቃድም አልተሰጠም ብለዋል፡፡

ኢትዮ ቴሌኮም በሩብ አመቱ የስራ አፈፃፀምም በውጪ ምንዛሬ ከሚሰጡ አገልግሎቶች ውስጥ 41.15 ሚሊየን የአሜሪካ ዶላር አግኝቷል ብለዋል፡፡በዚህ አመት አፈፃፀም 10.1 ቢሊየን ብር አጠቃላይ ገቢ ሆኖ አግኝቼዋለሁ ብሏል፡፡ሸገር ወሬውን የሰማው የኢትዮ ቴሌኮም ዋና ስራ አስፈፃሚ ፍሬሕይወት ታምሩ የሶስት ወራቱን የስራ አፈፃፀም በተመለከተ ለጋዜጠኞች መግለጫ በሰጡበት ወቅት ነው፡፡

የኢትዮ ቴሌኮም ደንበኞች ብዛትም 44.45 ሚሊየን ደርሷል ተብሏል፡፡በአገልግሎትም አንፃር የሞባይል ደንበኞች ብዛት 42.9 ሚሊየን፣ የዳታና የኢንተርኔት ተጠቃሚዎች 21.63 ሚሊዮን መድረሱን ተናግሯል፡፡በሩብ አመቱ ኢትዮ ቴሌኮም 141.5 ሚሊየን የአሜሪካ ዶላር እዳ መክፈሉን ሰምተናል፡፡የኢትዮ ቴሌኮም ዋና ስራ አስፈፃሚ ፍሬህይወት ታምሩ ከፕራይቬታይዜሽን ጋር አዲስ የሚቀላቀሉ ኦፕሬሽኖችን በተመለከተ ለውጡ ምንድነው ስራቸውስ ምን መሳይ ነው የሚለው መረጃ በጥንቃቄ መተላለፍ እንዳለበት ተናግረዋል፡፡

ተህቦ ንጉሤ
አስተያየት ይፃፉ (0 አስተያየት)

ጥቅምት 6፣2012/ በኢትዮጵያ በሚደረገው ምርጫ በቂ የሴት እጩ ተወዳዳሪዎች እንዲኖሩ በምርጫው የሚሳተፉ የፖለቲካ ፓርቲዎች ሀላፊነት ወስደው መስራት አለባቸው ተባለ

የኢትዮጵያ የሴቶች ማህበራት ቅንጅት ከዴሞ ፊንላንድ ጋር በመተባበር በኢትዮጵያ የሚደረጉ ምርጫዎች የሴቶችን ተሳትፎ የጠበቁ እንዲሆኑ ሴት የፖለቲካ ፓርቲ አባላት እንዲኖሩ በሚል ዛሬ ባዘጋጀው የምክክር መድረክ ላይ ነው እንዲህ የተባለው፡፡ማህበሩ በአገሪቱ ቀደም ሲል የተካሄዱ ምርጫዎች የሴቶችን ፖለቲካዊ ተሳትፎ ያረጋገጡ እንዲሆኑ ለሴት እጩ ተመራጮች የተለያዩ የአቅም ግንባታ ስልጠናዎች ሲሰጥ መቆየቱንና አሁንም በሚደረገው ምርጫ የሴቶች ተሳትፎ ይበልጥ የተሻለ እንዲሆን ለማድረግ ፊንላንድ አገር ከሚገኘውና ስራውን በገንዘብ ከሚደግፈው ከዴሞ ፊንላንድ ጋር ስልጠናዎችን ማሰናዳቱን የኢትዮጵያ ሴቶች ማህበራት ቅንጅት ዋና ዳይሬክተሯ ወ/ሮ ሳባ ገብረመድህን ተናግረዋል፡፡

ሁሉንም ወክለው በምርጫው የሚወዳደሩት የፖለቲካ ፓርቲ አባላት የተለያዩ የህብረተሰብ ክፍሎች እኩል ድምፃቸውን እንዲሰጡ የሴቶች በምርጫ እጩነት መካተት ያስፈልጋል ተብሏል፡፡ማህበሩ በመጪው የኢትዮጵያ ምርጫ የሴቶች ተሳትፎ እንዲረጋገጥ ፕሮጀክት ቀርጾ በአዲስ አበባና በቤንሻንጉል ጉሙዝ ክልል ስራ ጀምሯል ያሉት ወ/ሮ ሳባ፣ የሴቶች የፖለቲካ ተሳትፎ እንዲጨምርና በፓርቲዎች ውስጥም የሴቶችን አቅም ለማሳደግ መራጩ የሴቶችን ተሳትፎ እንዲያበረታታ ማድረግ ያስፈልጋል ብለዋል፡፡

አዲስ በሚወጣው የምርጫ ህግም በተለይ የሴቶች ተሳትፎ ላይ ጠበቅ ያለ መመሪያ ይኖረዋል ተብሎ እንደሚጠበቅና ከፖለቲካ ፓርቲ አባላት ጀምሮ የምርጫ አስፈፃሚዎች ላይ ያሉ ሀላፊነቶች ሴት አመራሮች እንዲኖራቸው ትኩተት ይደረጋል ሲሉ በምክክሩ ላይ የተገኙት የምርጫ ቦርድ አባሏ ወ/ሮ ብዙወርቅ ከተተ ተናግረዋል፡፡


ምህረት ሥዩም
አስተያየት ይፃፉ (0 አስተያየት)
Sheger 102.1 AudioNow Numbers