• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

በለጋ እድሜ ላይ ያሉ ህፃናት የአልኮል መጠጥን አለ ከልካይ በቀላሉ ከግሮሰሪዎች እያገኙ ነው ተባለ

በለጋ እድሜ ላይ ያሉ ህፃናት የአልኮል መጠጥን አለ ከልካይ በቀላሉ ከግሮሰሪዎች እያገኙ ነው ተባለ…በአዲስ አበባ በ15 ትምህርት ቤቶች ላይ በተደረገ የዳሰሳ ጥናት 64 በመቶ የሚሆኑ ተማሪዎች በቀላሉ የአልኮል መጠጦችን ከመደብሮች እንደሚገዙ ተነግሯል፡፡

መጠጥ ቸርቻሪዎቹ ከ18 ዓመት በታች ለሆኑ ህፃናት መሸጥ የተከለከለ መሆኑን ቢያውቁም ጥቅማቸውን በማስቀደም እየሸጡ ነው ተብሏል፡፡ይህን የሰማነው የአዲስ አበባ የምግብ የመድኃኒት የጤና ክብካቤ አስተዳደርና ቁጥጥር ባለሥልጣን ከሜታ አቦ ቢራ ፋብሪካ ጋር በመሆን ከተፈቀደው እድሜ በታች አልኮል መጠጥ መጠጣትን ለመቀነስ ባዘጋጀው ምክክር ላይ ነው፡፡ባለሥልጣኑ ይህንን ለመቆጣጠር ኃላፊነት የተሰጠው ቢሆንም ህጉን ለማስፈፀም ያስችላል የተባለው መመሪያ ገና እየተሰናዳ መሆኑን የባለሥልጣኑ ዋና ዳይሬክተር አቶ ጌታቸው ወረቴ ተናግረዋል፡፡

 

በ2008 የካቲት ወር ከሜታ አቦ ቢራ ፋብሪካ ጋር ባለሥልጣኑ የመግባቢያ ሰነድ ተፈራርሞ የአልኮል መጠጥ እንዳይሸጥ የሚከለክለውን ህግ አፈፃፀም ለማጠናከር እየሰራ ነው ተብሏል፡፡የሜታ አቦ ቢራ የዘመቻ አጋር የሆነው ጂ ኤስ አይ በአቃቂ ቃሊቲና በየካ ክ/ከተማ በሚገኙ የመንግሥትና የግል ትምህርት  ቤቶች አደረግኩት ባለው የዳሰሳ ጥናት ከግል ትምህርት ቤቶች በበለጠ የመንግሥት ትምህርት ቤት ተማሪዎች ለአልኮል መጠጥ ተጋላጭ መሆናቸውን ተናግሯል፡፡

በተለያዩ የአልኮል መጠጦች ማስታወቂያ ላይ ከ18 ዓመት በታች የተከለከለ ቢባልም በለጋነት እድሜያቸው ለአልኮል መጠጥ የተጋለጡ ህፃናት ቁጥር እየጨመረ መሆኑ ተነግሯል፡፡ከ15 ዓመት በታች ሆነው መጠጥ የጀመሩ ህፃናት በ20 ዓመት ከጀመሩት በአራት እጥፍ አካላዊና አዕምሮአዊ ችግሮች የተጋለጡ ናቸው መባሉን ሰምተናል፡፡

መሰረት በዙ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers