• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

ከኢትዮጵያ ህገ-መንግሥት ጋር አጣጥመው የቤተሰብ ህጐቻቸውን ያላሻሻሉ ክልሎች የሴቶችንና የህፃናትን መብት ለማስጠበቅ ሲባል ህጐቻቸን እንዲያሻሽሉ ይደረጋል ተባለ

ከኢትዮጵያ ህገ-መንግሥት ጋር አጣጥመው የቤተሰብ ህጐቻቸውን ያላሻሻሉ ክልሎች የሴቶችንና የህፃናትን መብት ለማስጠበቅ ሲባል ህጐቻቸን እንዲያሻሽሉ ይደረጋል ተባለ፡፡በግለሰቦች ቤት ተቀጥረው የሚሰሩ ሴቶችን መብትና ጥቅም ለማስጠበቅም ደንብ እየተረቀቀ ነው ተብሏል፡፡ወሬውን የሰማነው ለመብት ጥሰት ተጋላጭ የሆኑ አምስት የህብረተሰብ ክፍሎችን በተመለከተ ዛሬ የህዝብ እንደራሴዎች ምክር ቤት ሲመክር ተገኝተን ነው፡፡ስድስት ምዕራፎችን በያዘው ሁለተኛው የሰብዓዊ መብት መርሃ-ግብር ሰነድ ላይ ምክር ቤቱ ዛሬ ለሦስተኛ ቀን ሲመክር ውሏል፡፡

ሴቶች፣ ህፃናት፣ አረጋዊያን፣ የአዕምሮና የአካል ጉዳት ያለባቸውና የኤች አይ ቪ ኤድስ ቫይረስ በደማቸው የሚገኝ ዜጐችን መብቶች ተፈፃሚነታቸው እንዲበረታ በሰነዱ አዳዲስ መርሃ-ግብሮች መካተታቸውን ሰምተናል፡፡በህፃናት ላይ የሚደርስን የወሲብ ጥቃት፣ የጉልበት ብዝበዛና ህገ-ወጥ የሰዎች ዝውውርን ለመከላከል የፍትህ አካላት በጋራ መስራት ይጠበቅባቸዋል ተብሏል፡፡ጥቃት የደረሰባቸው ሴቶች የሚያገግሙባቸው ማዕከላት በጣት የሚቆጠሩ በመሆናቸው ማስፋፋት እንደሚያስፈልግም ተነግሯል፡፡

 

ከ9 እስከ 16 ዓመት ያሉ ህፃናት ጥፋት ፈፅመው ሲገኙ የሚታረሙባቸው ማዕከሎችም ጥቂት ናቸው፡፡ ተመሳሳይ ማዕከሎች በሁሉም የኢትዮጵያ ክልል ካልተስፋፋ አዳጊ ልጆችን በአግባቡ ማረም አይቻልም፡፡ህፃናትን ከአዋቂ ወንጀለኞች ጋር አብሮ እንዲሆኑ ማድረግ ህገ-መንግሥቱን የሚፃረር ነው ተብሏል፡፡

ሴቶችና አረጋዊያንን በኢኮኖሚ ራሳቸውን እንዲችሉ ከጥቃቅንና አነስተኛ በተጨማሪ አማራጭ የሥራ እድል እንደሚፈጠርላቸው በሰነዱ ተካቷል፡፡ከኢትዮጵያ  ህዝብ 20 በመቶዎቹ የተለያየ የአካል ጉዳት ያለባቸው ናቸው የተባለ ሲሆን እነሱን በሚመጥን መልኩ ቴክኖሎጂና ድጋፍ እየቀረበላቸው አይደለም፣ የሰብዓዊ መብት የድርጊት መርሃ-ግብሩም ይህንን ማካተት እንደሚገባው ከምክር ቤቱ አባላት ተነግሯል፡፡

ወንጀል ፈፅመው የተገኙ ከ9-16 ዓመት እድሜ ያላቸው ህፃናትን በተመለከተም ሰነዱ የህፃናቱን ሙሉ መብት የሚያስጠብቅ አይደለም ተብሎ በምክር ቤቱ ተተችቷል፡፡ምክር ቤቱ በሰነዱ ላይ የሚያደርገውን ምክክር ዛሬ ያጠናቅቃል፡፡

ትዕግስት ዘሪሁን

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers