• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

የንግድ ውድድርና የሸማቾች ጥበቃ ባለሥልጣን ከዚህ በኋላ የማተኩረው መብትን በማሳወቅ ላይ ነው ብሏል

የንግድ ውድድርና የሸማቾች ጥበቃ ባለሥልጣን ከዚህ በኋላ የማተኩረው መብትን በማሳወቅ ላይ ነው ብሏል…ባለሥልጣኑ ከዚህ ቀደም በንግድ ውድድርና ሸማቾች ጥበቃ አዋጅ በተሰጠው ሥልጣን የመመርመርና የመክሰስ ተግባራትን ያከናውን ነበር፡፡የመመርመር ኃላፊነት ወደ ፌዴራል ፖሊስ፣ የመክሰሱ ሥልጣን ደግሞ ወደ ፌዴራል ዐቃቤ ሕግ እንዲተላለፍ በመደረጉ አሁን ትኩረቱ በዘርፉ ተወዳዳሪነት እንዲኖር መስራት ነው ተብሏል፡፡በባለሥልጣኑ የህዝብ ግንኙነት ማስተባበሪያ ኃላፊ አቶ እንዳልካቸው ፀጋዬ እንደነገሩን አንዳንድ ሰዎች ይህን ባለማወቅ አሁንም ጥቆማዎችን ይዘው ይመጣሉ፡፡

ባለሥልጣኑም ጥቆማውን ተቀብሎ ወደ ፌዴራል ፖሊስና ጠቅላይ ዐቃቤ ሕግ እያስተላለፈ ይገኛል ብለዋል፡፡የባለሥልጣኑ ትኩረት ግን ከዚህ በኋላ ፀረ ውድድር ተግባራትን መካላከል፣ ግንዛቤ መፍጠርና መብትን ማሳወቅ እንደሚሆን ነግረውናል፡፡በዘርፉ ያለውን ተወዳዳሪነት ለማሳደግ በነገው ዕለት ለመጀመሪያ ጊዜ በሀገራችን የዓለም የንግድ ውድድር ቀን እንደሚከበርም ከአቶ እንዳልካቸው ሰምተናል፡፡

ቀኑ የሚከበረው “የንግድ ተወዳዳሪነት ለኢኮኖሚያችን ዕድገት” በሚል መሪ ቃል ነው ብለዋል፡፡ከተለያዩ የንግድና ዘርፍ ማህበራት ምክር ቤቶች የተወከሉ ተሳታፊዎችና ሌሎች ታዳሚዎች በዝግጅቱ ላይ እንደሚገኙም ተነግሯል፡፡በዓለም እቀፍ ደረጃ ደግሞ ቀኑ ዛሬ እየተከበረ እንደሚገኝ ነው የሰማነው፡፡

ንጋቱ ረጋሳ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers