• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

የአራዳ ክፍለ ከተማ የቀይ መስቀል ማኅበር ማስተባበሪያ ፅህፈት ቤት የጤና እክል ለገጠማቸው አምቡላንሶቼ ዝግጁ ናቸው አለ

በኢትዮጵያ ቀይ መስቀል ማህበር የአራዳ ክ/ከተማ ማስተባበሪያ ጽ/ቤት አይበለውና የጤና እክል ከገጠማቸው የ24 ሰዓት ነፃ አምቡላንስ ተጠቀሙ፤ በዝቅተኛ ዋጋ የፋርማሲ አገልግሎት እንሰጣችኋለን ብሏል፡፡የጽ/ቤቱ ኃላፊ አቶ ሰለሞን ተክለማርያም ለሸገር ሲናገሩ አንቡላንሶቻችን ከአራዳ ባለፈ ለጉለሌ፣ ለየካና ለአዲስ ከተማ ነዋሪዎች አገልግሎት ሰጥተዋል ወደፊትም ጥሪ በደረሰበት ፈጥነው ይደርሳሉ ብለዋል፡፡

ከነፃ የአንቡላንስና ከዝቅተኛ ዋጋ የፋርማሲ አገልግሎት ከመስጠት ባለፈ በጐርፍ፣ በእሣትና ሌሎችም ድንገተኛ አደጋዎች እክል ሲገጥም የምግብና የቁሳቁስ ድጋፍም እናደርጋለን በማለት አቶ ሰለሞን ተናግረዋል፡፡የአራዳ ክ/ከተማ ቀይ መስቀል ማስተባበሪያ ጽ/ቤት ባለፉት አራት አመታት ለአራት ሺህ ሁለት መቶ ሰማኒያ ዘጠኝ ሰዎች ነፃ የአንቡላንስ አገልግት ሰጥቷል የተባለ ሲሆን 342 ወላዶች፣ 2 ሺ 556 ወንድ ታማሚዎች፣ 1 ሺ 244 ሴት ታማሚዎች የአገልግሎቱ ተጠቃሚዎች እንደነበሩ ተነግሯል፡፡

ከብሔራዊ ሎተሪ አስተዳደር በተገኘ 980 ሺህ ብርም ከጃፓን ሀገር አንቡላንስ ገዝቶ ለማስገባት ጽ/ቤቱ በዝግጅት ላይ ነው ያሉት አቶ ሰለሞን አንቡላንሱ ተገዝቶ ሲገባ የ24 ሰዓት አገልግሎቱ በሦስት አንቡላንሶች ይከናወናል በማለትም ነግረውናል፡፡

አይበለውና የጤና እክል ካጋጠማችሁ በ0111 11 33 96 ወይም በ0111 11 50 02 ደውሉልን ፈጥነን እንደርሳለን ብለዋችኋል የጽ/ቤቱ ኃላፊ፡፡ጽ/ቤቱ ዛሬ ረፋድ ስለ አገልግሎቱ ከእድሮች፣ ከአስሩም ወረዳ ዋና ሥራ አስፈፃሚዎችና ከቀይ መስቀል የቦርድ አባላት ጋር ምክክር አድርጓል፡፡

ወንድሙ ኃይሌ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers