• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

የ11ኛው የብሔር ብሔረሰቦች በዓል አስተናጋጇ ሐረር የባሕል ማዕከሏንና የ8 ኪሎ ሜትር ርዝማኔ ያለውን አዲስ መንገድ አስመረቀች

የ11ኛው የብሔር ብሔረሰቦች በዓል አስተናጋጇ ሐረር የባሕል ማዕከሏንና የ8 ኪሎ ሜትር ርዝማኔ ያለውን አዲስ መንገድ አስመረቀች፡፡በበዓሉ ዋዜማ በተከናወነው የምርቃ ሥነ-ሥርዓት የፌዴሬሽን ምክር ቤት አፈ-ጉባዔ አቶ ያለው አባተ፣ የክልሉ ርዕሰ መስተዳድር አቶ ሙራድ አብዱልሃዲ እና ሌሎችም ከፍተኛ የመንግሥት ሹሞች ተገኝተዋል፡፡

ለበዓሉ እንግዶች የእንኳን ደህና መጣችሁ መልዕክት ያስተላለፉት ርዕሰ መስተዳድሩ ሐረር የበዓሉ አዘጋጅ በመሆኗ ደስታችን ወደር የለውም ብለዋል፡፡በበዓሉ ለሌሎች ኢትዮጵያውያን ወንድሞችና እህቶቻችን ታሪካዊቷን ሀረር እና ድንቅና ጥልቅ የሆነ ባሕላዊ ሐብቷን ለማስተዋወቅ መልካም አጋጣሚ እንደሆነም ተናግረዋል፡፡የኢፌድሪ መንግሥት ፌዴራላዊና መልካም አስተዳደር የሚል ጥናታዊ ፅሁፍ ቀርቦ ታዳሚዎች ተመካክረውበታል፡፡

የፌዴሬሽን ምክር ቤት አፈ-ጉባዔው አቶ ያለው አባተም በመክፈቻ ንግግራቸው መንግሥት የህዝቡን ጥያቄ ለመመለስ መቆሙንና የመልካም አስተዳደርን ለማስፈን እንደሚሰራ ተናግረዋል፡፡በአዲሱ የሀረሪ የባህል ማዕከል ውይይቱ ከሰዓት በኋላም የሚቀጥል ሲሆን በተለይ የአዘጋጇ ሐረሪ ክልል የሀረሪ ሕዝብ ታሪክ፣ መቻቻልና ተሞክሮ የሚል ፅሁፍ እንደሚቀርብ ሰምተናል፡፡

 

የከተማዋ ነዋሪም እንግዶችን በተለይም የባህል ልዑካን ቡድኖችን በሆታና ጭፈራ በድምቀት ሲቀበሏቸው አይተናል፡፡በሀበሻ ዊክሊ የተዘጋጀና ህዳር 17 የጀመረው የሀረር ኤግዚብሽንና ባዛር በተለይ ወደ ማታ ብዙ ጐብኚዎች እየበረከቱ መሆኑን አስታውለናል፡፡በነገው ዕለት በዓሉ በሃረሩ አው አባድር ስቴዲዮም በተለያዩ ዝግጅቶች ሲከበር የጐረቤት አገራት መሪዎችም እንደሚታደሙበት ሰምተናል፡፡

ምስክር አወል

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers