• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

ኢትዮጵያ ባለፉት 5 ወራት የወጪ ንግድ ገበያ እንዳሰበችው አልተሳካላትም ተባለ

ኢትዮጵያ ባለፉት 5 ወራት የወጪ ንግድ ገበያ እንዳሰበችው አልተሳካላትም ተባለ…ንግድ ሚኒስቴር ለሸገር እንደተናገረው ባለፉት አምስት ወሮች ከተለያዩ ለውጭ ገበያ ከቀረቡ ምርቶች 1 ነጥብ 7 ቢሊዮን ዶላር ለማግኘት ታቅዶ ነበር፡፡የተሳካው ግን 1 ነጥብ 02 ቢሊዮን ዶላር ብቻ ነው ብሏል፡፡ ይህም ከእቅዱ የተሳካው 60 ነጥብ 34 በመቶ ብቻ ነው እንደማለት ነው፡፡

ካለፈው አመት ተመሳሳይ ጊዜ ጋር ሲነፃፀርም 49 ሚሊዮን ዶላር ቅናሽ ያለው ገቢ እንደተገኘ ሰምተናል፡፡ኢትዮጵያ የወጭ ንግድ ገቢዋ ያሽቆለቆለው ያቀረበቻቸው ምርቶች በጥራት ተወዳዳሪ መሆን ስላልቻሉ ነው ያሉን በንግድ ሚኒስትር ተወካይ የህዝብ ግንኙነት ኃላፊ የሆኑት አቶ ሽመልስ አረጋ ናቸው፡፡የአለም ገበያ መቀዛቀዙም ለገቢው መቀነስ ሌላው ምክንያት ነው ብለዋል፡፡ከመቶ በመቶ በላይ መጠን ያላቸው የቅባት እህሎች ለውጭ ገበያ ቢቀርቡም ያስገኙት ገቢ ግን ከታሰበው ከ86 በመቶ እንዳልበለጠም ተናግረዋል፡፡መቶ ሺ ቶን የቅባት እህል ተልኮ አንድ መቶ ዘጠኝ ሚሊዮን ዶላር መገኘቱን ሰምተናል፡፡

ኢትዮጵያ ለውጭ ገበያ ካቀረበቻቸው ምርቶች መካከል ጥሩ ገቢ አስገኘ የተባለው ጫት ሲሆን 120 ሚሊዮን ዶላር አስገኝቷል ተብሏል፡፡ቅመማ ቅመም፣ ባህር ዛፍና የተቆላ ቡና ከመቶ ፐርሰንት በላይ ገቢ ያስገኙ ናቸው፡፡የጥራ ጥሬ ሰብሎች፣ የተፈጥሮ ሙጫ፣ እጣን፣ ጫትና የቅባት እህሎች ደግሞ ከታሰበው ከ75 እስከ 99 በመቶ ገቢ አስገኝተዋል፡፡

ያስገኙት ገቢ ከታቀደው ከ50 በመቶ በታሽ አሽቆልቁሏል የተባሉት ደግሞ የኬሚካልና ኮንስትራክሽን ግብዓቶች፣ ሞላሰስ፣ ታንታለም ወርቅና ሌሎችም ማዕድናት እንዲሁም ማርና የቁም እንስሣት እንደሚገኙበትም ሰምተናል፡፡ከፍ ከማለት ይልቅ ከአመት አመት እያሽቆለቆለ የመጣውን የወጪ ንግድ ገቢ ለማሻሻልም የሚላኩ ምርቶች በጥራት ተወዳዳሪ እንዲሆኑ እብዝቶ መስራት እንደሚያስፈልግ አቶ ሽመልስ ተናግረዋል፡፡

ትዕግስት ዘሪሁን

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Leza Vote Banner
Sheger 102.1 AudioNow Numbers