• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

4 ሄክታር በደን የተሸፈነ መሬት፣ ከ24 ሺ ካሬ ሜትር በላይ የከተማ ቦታ፣ 40 መኖሪያ ቤቶች፣ 2 ህንፃዎች እና ከ7 ሚሊዮን ብር በላይ የሚሆን ገንዘብ በኦሮሚያ ክልል የመንግሥት የሥራ ኃላፊዎች ተመዝብሯል

54 ሄክታር በደን የተሸፈነ መሬት፣ ከ24 ሺ ካሬ ሜትር በላይ የከተማ ቦታ፣ 40 መኖሪያ ቤቶች፣ 2 ህንፃዎች እና ከ7 ሚሊዮን ብር በላይ የሚሆን ገንዘብ በኦሮሚያ ክልል የመንግሥት የሥራ ኃላፊዎች ተመዝብሯል…ከ17 ሺ በላይ በተለያየ ደረጃ ያሉ አመራሮችም ከኃላፊነታቸው መነሣታቸው ተሰምቷል፡፡

ይህ ሁሉ የሆነው በተካሄደው የጥልቅ ተሃድሶ መደምደሚያ ላይ ነው፡፡የኦሮሚያ ክልል የኮሙኒኬሽን ቢሮ ኃላፊው አቶ አዲሱ አረጋ ለሸገር እንደተናገሩት በመጀመሪያ ዙር በተካሄደ ጥልቅ ተሃድሶ ግምገማ ከ17 ሺ በላይ ከቀበሌ እስከ ክልል ያሉ አመራሮች ከኃላፊነታቸው ተነስተዋል፡፡ከእነዚህ ውስጥም 4 ሺ 460 ያህሉ ከፍተኛ እና መካከለኛ አመራሮች ሲሆኑ 2 ሺ 589 ያህሉ በብቃት ማነስ፣ 964ቱ በሙስና፣ 397 ያህሉ በሥነ-ምግባር ችግር እንደተነሱም ተናግረዋል፡፡

13 ሺህ 578 የሚሆኑ የቀበሌ አመራሮችም ከኃላፊነታቸው ተነስተዋል፡፡ይህ ሁሉ ሲሆን ክልሉን ይመሩ የነበሩ ከፍተኛ ኃላፊዎች የት ነበሩ ? እነሱስ በህግ አይጠየቁም ወይ ? ብለን የጠየቅናቸው አቶ አዲሱ ማስረጃ ከተገኘባቸው መጠየቃቸው አይቀርም ብለዋል፡፡

ተመዝብረዋል ከተባሉት የመንግሥትና የህዝብ ሀብቶች መሀከልም 54 ሄክታር በደን የተሸፈነ መሬት፣ ከ24 ሺ ካሬ ሜትር በላይ የከተማ ቦታ፣ 40 መኖሪያ ቤቶችና 2 ህንፃዎች የሚገኙበት ሲሆን ከ7 ሚሊዮን  ብር በላይም ተይዟል፡፡ጉዳዩ በፍርድ ቤት እየታየ ሲሆን ከፍርድ ሂደቱ በኋላ መንግሥት ንብረቶቹን ይረከባቸዋል ብለዋል፡፡

ከከፍተኛና መካከለኛ ኃላፊዎችም 260ዎቹ በቁጥጥር ሥር ውለው ክስ የተመሠረተባቸው ሲሆን የክስ ሂደቱም ይቀጥላል ሲሉ አቶ አዲሱ ነግረውናል፡፡ከ6 ሚሊዮን ከሚበልጡ ነዋሪዎች ጋርም ውይይት የተደረገበት ሲሆን በዚህም አመራሩ ስህተቱን አምኖ የህብረተሰቡንም ጥያቄ ተቀብሏል ነው የተባለው፡፡ሁለተኛው የተሃድሶ ምዕራፍም የተነሱት ችግሮች የሚፈቱበትና የድርጊት ጊዜ ነው ሲሉ አቶ አዲሱ ተናግረዋል፡፡

ዮሐንስ የኋላወርቅ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Leza Vote Banner
Sheger 102.1 AudioNow Numbers