• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

የ‘አፍላቶክሲን…’ ነገር

በቅርቡ እንግሊዝ ሀገር ተልኮ የነበረ 2 ኮንቴነር ሙሉ በርበሬ የምግብ ደህንነት ማረጋገጫ ስላልተሰጠው እንዲሁም በአፍላ ቶክሲን ስለተጠረጠረ እንዲጣል ተፈርዶበታል…እነ በርበሬንና ለውዝን፣ በቆሎንና ቦሎቄን አኩሪ አተርና የቅባት እህሎችን በደንብ ጠርጥሯቸው…

ወደ ሆድ ገብተው ወዝና ውበት እንዲሁም ጉልበት በመስጠታቸው በሰው ልጆች የሚወደዱት እነዚህ ምርቶች የካንሰር አምጪ ኬሚካል ውህድ አይጠፋቸውምና ደህና አድርጋችሁ ጠርጥሯቸው የሚሉት የምግብ ደህንነት ፈታሾችና እህሎች ስለያዟቸው ንጥረ ነገሮች መመርመር ሥራቸው የሆኑ ሙያተኞች ናቸው፡፡በኢትዮጵያ አሁን አሁን ስሙ እየገነነ የመጣው አፍላ ቶክሲን የተባለ የኬሚካል ውህድ አያጣቸውም የተባሉት ለምግብነት የሚውሉ ሰብሎች አደገኛውን ኬሚካል ቀላቅለው በብዛት እየተገኙ ነው ይላሉ ሸገር ከሰሞኑ ያነጋገራቸው የብሌይስ አግሪ ፉድ ላብራቶሪ ማህበር ባለሙያዎች፡፡

 

አፍላቶክሲን የተባለው የጉበት ካንሰር አማጪ ኬሚካል ውህድ ከምርት ቦታ ጀምሮ ገበያ ላይ ውሎ ተጠቃሚ ጓዳ እስኪገባ ድረስ ባለው ሂደት በማንኛውም አጋጣሚ ከእህሎችና ምግቦች ጋር ተደባልቆ ሊገኝ የሚችል እንደሆነ ባለሙያው ነግረውናል፡፡የኢትዮጵያ የለውዝ ምርት አፍላ ቶክሲንን በከፍተኛ መጠን መያዙም ተደርሶበታል የሚሉት እነዚህ የምግብ ደህንነት ፍተሻ ባለሙያዎች አንዳንድ ጊዜ በአንድ ኪሎ ግራም ለውዝ ውስጥ 500 ማይክሮ ግራም የአፍላ ቶክሲን ሊገኝ እንደሚችል ባለሙያዎቹ ተናግረዋል፡፡

በአውሮፓ ሀገሮች ስታንዳርድ መሠረት በአንድ ኪሎ ግራም ውስጥ መገኘት የሚገባው የአፍላቶክሲን ይዘት 10 ማይክሮ ግራም መሆን አለበት፡፡የአፍላ ቶክሲን ጉዳይ በአፍሪካ የተመረቱ ምግቦችና የእህል አይነቶች በውጭ ሀገር ያላቸውን ገበያም ጥላሸት እየቀባ ስለመሆኑም ሰምተናል፡፡

በቅርቡ እንግሊዝ ሀገር ተልኮ የነበረ 2 ኮንቴነር ሙሉ በርበሬ የምግብ ደህንነት ማረጋገጫ ስላልተሰጠው እንዲሁም በአፍላ ቶክሲን ስለተጠረጠረ እንዲጣል ተፈርዶበታል፡፡በዚያ ሰሞን የተፈጨ በርበሬም ጀርመን ተጓጉዞ ከደረሰ በኋላ የአፍላ ቶክሲን ይዘቱ ተመርምሮ ማረጋገጫ ባለማግኘቱ ወደ ኢትዮጵያ ተመላሽ ተደርጓል፡፡በበርበሬ፣ በለውዝ፣ በበቆሎ፣ በቦሎቄ፣ በአኩሪ አተርና በነኑግ የመሰሉ የቅባት እህሎች አፍላ ቶክሲን አይታጣምና ጥራታቸው የተጠበቁ ምግቦችን በመመገብ ችግሩን ማስወገድ እንደሚቻል የምግብ ደህንነት ፍተሻ ባለሙያዎች ለሸገር ተናግረዋል፡፡

ሕይወት ፍሬስብሃት

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers