• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

የፌዴራልና የጋንቤላ ክልል መንግሥት ባካሄደው ጥናት መሠረት መሬት ወስደው ለረጅም አመታት ሳያለሙ....

የፌዴራልና የጋንቤላ ክልል መንግሥት ባካሄደው ጥናት መሠረት መሬት ወስደው ለረጅም አመታት ሳያለሙ ያስቀመጡና ለሌላ ዓላማ ያዋሉ የ269 ባለሀብቶችን መሬት ሲቀማ ለ27ቱ ደግሞ የመጨረሻ ማስጠንቀቂያ መስጠቱን ተናገረ፡፡ከክልሉ መስተዳደር ሸገር ዛሬ እንደሰማው ከክልሉ መሬት ወስደው እናለማለን ያሉ ባለሃብቶች ያሉበት የሥራ እንቅስቃሴና ወቅታዊ ሁኔታ ለማወቅ በተደረገ ጥናት ባለ ሃብቶቹ ያሉበት የማልማት ደረጃ ይፋ መሆኑን ነው፡፡

በጥናቱ መሠረትም 269 ኢንቨስተሮች በጣም ደካማ ሆነው መሬቱን ተረክበው ለረጅም ዓመታት ቢይዙትም ምንም እንዳልሰሩበት ከክልሉ ሰምተናል፡፡በዚህም መሠረት የፌዴራልና የክልል መንግሥቱ በመተባበር መሬቱን እንደነጠቃቸው ሰምተናል፡፡

በጋምቤላ ክልል በርካታ መሬቶች በኢንቨስትመንት ስም ተይዘው ለረጅም አመታት ብድርም ተወስደውባቸውና የማልሚያ መሳሪያዎችም ከገቡ በኋላ ኢንቨስተሮቹ ገንዘቡንም ሳይመልሱ መሬቱንም ሳያለሙ ለብዙ አመታት የተቀመጡ ሲሆን የኢፌድሪ ጠቅላይ ሚኒስትር ኃይለማርያም ደሣለኝ በክልሉ ያለው የመሬት ይዞታና የልማት ሁኔታ እንዲጠና ባደረጉት መሠረት በርካታ ባለሃብቶች ንብረቶቻቸውን በየቦታው ጥለው ከክልሉ መሰወራቸውን ከዚህ ቀደም ሪፖርት መቅረቡን ሰምተናል፡፡

የኔነህ ሲሳይ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers