• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

የኪነ-ጥበብ ባለሙያዎች የመንገድ ትራፊክ አደጋ እንዲቀንስ ህብረተሰቡን ማስተማርና ማስገንዘብ የሚያስችል አቅማቸውን ተግባር ላይ እንዲያውሉት ጥሪ ቀረበላቸው

የኪነ-ጥበብ ባለሙያዎች የመንገድ ትራፊክ አደጋ እንዲቀንስ ህብረተሰቡን ማስተማርና ማስገንዘብ የሚያስችል አቅማቸውን ተግባር ላይ እንዲያውሉት ጥሪ ቀረበላቸው…በየአመቱ የሺዎች ኢትዮጵያዊያንን ህይወት የሚቀጥፈውና የሚሊዮኖች ንብረት የሚያወድመው የመንገድ ትራፊክ አደጋ ብዙ ቢሰራበትም በሚፈለገው ልክ ለውጥ እንዳልመጣበት በትራንስፖርት ሚኒስቴር ሚንስትር ድኤታው አቶ ደሣለኝ አንባው ሲናገሩ ሰምተናል፡፡

አቶ ደሣለኝ የትራፊክ አደጋ የሁሉንም በር የሚያንኳኳና በእኛም ላይ መች እንደሚመጣ የሚታወቅ ባለመሆኑ ህዝቡን ማስተማር እንደ መፍትሄ አይተነዋል ብለዋል፡፡ህብረተሰቡን በተለያዩ መንገዶች የሚያገኙ የኪነ-ጥበብ ባለሙያዎችን በሙያችሁ ግንዛቤ ፍጠሩልን፣ አግዙን የሚል መልዕክትም አስተላልፈዋል፡፡

ኢትዮጵያ 700 ሺ አካባቢ ተሽከርካሪዎችና ንፅፅሩም 8 ተሽከርካሪ ለ100 ሺ ሰው ሆኖ ሳለ የመንገድ ትራፊክ እንቅስቃሴዋ ከዜጐቿ አልፎ ወደ ኢትዮጵያ የሚመጡ የውጭ ሰዎች ስጋት እየሆነ መምጣቱ ተነግሯል፡፡በኢትዮጵያ ጐዳናዎች እንዳታሽከረክሩ የሚል መልዕክት እስከ መናገር የደረሱ ወገኖች መኖራቸውን ሲነገር ሰምተናል፡፡

ዛሬ የኪነ-ጥበብ ባለሙያዎች ግንዛቤ ኖሯቸው በሥራቸው እንዲያግዙ የተጠየቁ ሲሆን ከነገ በስቲያ ለፌዴራል ተቋማት የህዝብ ግንኙነትና መገናኛ ብዙሃን ባለሙያዎች እንዲሁም መጋቢት 22 ከ400 በላይ የፌዴራል ተቋማት ሾፌሮች ግንዛቤ እንዲኖራቸውና እንዲወያዩ ማቀዱን የትራንስፖርት ባለሥልጣን ተናግሯል፡፡

ምስክር አወል

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers