• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

በደም ውስጥ ያለውን የአልኮል መጠን ለክቶ የሚቀጣው የትራፊክ ደንብ ከነገ ጀምሮ ተግባራዊ ይሆናል ተባለ

በደም ውስጥ ያለውን የአልኮል መጠን ለክቶ የሚቀጣው የትራፊክ ደንብ ከነገ ጀምሮ ተግባራዊ ይሆናል ተባለ…አሽከርካሪዎች ከነገ ጀምሮ በደማችሁ ውስጥ ያለው የአልኮል መጠን ተለክቶ መሆን ካለበት በላይ ከሆነ ቅጣት ይጠብቃችኋል ያለው የአዲስ አበባ ፖሊስ ኮሚሽን ነው፡፡

ፖሊስ ኮሚሽኑ ዛሬ ረፋድ ላይ ጋዜጠኞችን ጠርቶ ሲናገር እንደሰማነው በደም ውስጥ ያለውን የአልኮል መጠን የሚለካው (አልኮል ቴስተር) መሣሪያ በበቂ ሁኔታ ተገዝቷል፤ ባለሙያዎቹም ሰልጥነዋል ተብሏል፡፡የፖሊስ ኮሚሽኑ ምክትል ኮሚሽነር ተስፋዬ ደንደና በደም ውስጥ ያለውን የአልኮል መጠን ለክቶ አሽከርካሪዎቹን የሚቀጣው ደንብ ለወራት ያለ ቅጣት በሙከራ ላይ መቆየቱን አስታውሰዋል፤ ከነገ ጀምሮ ግን ወደ ቅጣት እንገባለን ብለዋል፡፡በደም ውስጥ ያለውን የአልኮል መጠን ከሚለካውና ተላልፈው የሚገኙትን ከሚቀጣው ደንብ በተጨማሪ የፍጥነት መቆጣጠሪያ ወይንም ራዳርም በአንድ ወይም በሁለት ቀናት ውስጥ ተግባራዊ መሆን ይጀምራል ብለዋል፡፡

 

ሁለቱንም ሥራዎች የሚያቀለጣጥፉ ተጨማሪ 200 የትራፊክ ፖሊሶችም በከተማ ጐዳናዎች ላይ ይሰማራሉ ሲሉ ምክትል ኮሚሽነሩ ተናግረዋል፡፡በአዲስ አበባ ባለፉት ስድስት ወራት ሕጋዊ ያልሆነ ወይም ፎርጅድ መንጃ ፈቃድ ይዘው ሲያሽከረክሩ የተያዙ 95 ሰዎች ጉዳያቸው በህግ እየታየ መሆኑንም ሰምተናል፡፡የትራፊክ ደንብን ጥሰው ከቅጣት ለመዳን ጉቦ ሲያቀብሉ የተያዙ 1 ሺ 226 አሽከርካሪዎችም መያዛቸውን ምክትል ኮሚሽነሩ ተስፋዬ ደንደና ለጋዜጠኞች ተናግረዋል፡፡

የቆሙለትን አላማ ችላ ብለው የለበሱትን የትራፊክ ደንብ ልብስ በህገ-ወጥ ተግባራቸው ያዋረዱ 23 የትራፊክ ፖሊሶችም በ2008 ዓ.ም ተደርሶባቸው ስድስቱ ከሥራቸው ተሰናብተው ምርመራ እየተካሄደባቸው ሲሆን አሥራ ሰባቱ ደግሞ ከቦታቸው መነሳታቸውን ሰምተናል፡፡ባለፉት ሁለት ዓመታት በኢትዮጵያ ህይወት የሚቀጥፉ የትራፊክ አደጋዎችን በማስተናገድ ኦሮሚያ ክልል ቀዳሚ ሲሆን አማራና ደቡብ ክልሎች ይከተላሉ፤ አዲስ አበባ በአራተኛ ደረጃ ላይ ትገኛለች፡፡

ንጋቱ ሙሉ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers