• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

ባለፈው ዓመት የተፈጠረውን አለመረጋጋት ተከትሎ ለ6 ወራት ሥራ ላይ የቆየው የአስቸኳይ ጊዜ አዋጅ በመጪዎቹ አራት ወራት እንዲራዘም የህዝብ እንደራሴዎች ምክር ቤት ወሰነ

ባለፈው ዓመት የተፈጠረውን አለመረጋጋት ተከትሎ ለ6 ወራት ሥራ ላይ የቆየው የአስቸኳይ ጊዜ አዋጅ በመጪዎቹ አራት ወራት እንዲራዘም የህዝብ እንደራሴዎች ምክር ቤት ወሰነ፡፡በተለያዩ አካባቢዎች አሁንም የሚታዩ የፀጥታ ችግሮችን ሙሉ በሙሉ ለመቆጣጠርና ህብረተሰቡም አዋጁ እንዲራዘም ያለውን ፍላጐት ከግምት ውስጥ በማስገባት የአስቸኳይ ጊዜ አዋጁ ለአራት ወር መራዘሙን አዋጁን ለማራዘም ለምክር ቤቱ የቀረበው መግለጫ ያስረዳል፡፡

የአስቸኳይ ጊዜ ኮማንድ ፖስቱ ፀሐፊና የመከላከያ ሚኒስትሩ አቶ ሲራጅ ፈርጌሣ እንዳሉት አዋጁ ባለፈው መስከረም 28/2009 ዓ.ም በሚኒስትሮች ምክር ቤት ከታወጀና በህዝብ እንደራሴዎች ምክር ቤት ከፀደቀ በኋላ አንፃራዊ ሰላም አስገኝቷል፡፡ይሁንና አሁንም በአንዳንድ አካባቢዎች በህቡእ የሚንቀሣቀሱ ኃይሎች አሉ፤ ህገ-ወጥ የመሣሪያ ዝውውርም ይታያል ብለዋል፡፡

አንዳንድ አካባቢዎችም የፀጥታ ችግሮች ሙሉ ለሙሉ በቁጥጥር ሥር ስላልዋሉ ለአዋጁ መራዘም አስፈላጊ ሆኖ መገኘቱን ለምክር ቤቱ አባላት አስረድተዋል፡፡አዋጁ ከዛሬ ጀምሮ ለመጪዎቹ አራት ወራት ሲራዘም ለማስፈፀም ወጥተው የነበሩ ደንቦችና መመሪያዎች ተፈፃሚነታቸው ይቀጥላል ያሉት አቶ ሲራጅ አብዛኛዎቹ ክልከላዎችም እንዳልተነሱ አስታውሰዋል፡፡

የህዝብ እንደራሴዎች ምክር ቤት ዛሬ ባካሄደው ሁለተኛ ዘመን 21ኛ መደበኛ ስብሰባ የአስቸኳይ ጊዜ አዋጁን መራዘም በሙሉ ድምፅ ከማፀደቁ በተጨማሪ የሴቶችና ህፃናት ጉዳይ ሚኒስቴርን የ8 ወር እቅድ አፈፃፀም ሪፖርት ሲያደምጥ አርፍዷል፡፡

ትዕግስት ዘሪሁን

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers