• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

በተቃዋሚ ጐራና በኢህአዴግ መሀከል በተደረገው ውይይት ላይ በአደራዳሪ ጉዳይ ትላንትና ልዩነት በመያዝ የታዩት ስድስቱ የፖለቲካ ፖርቲዎች በውይይቱ መቀጠል አለመቀጠላቸውን በተመለከተ በዛሬው ዕለት አቋማቸውን ያሳውቃሉ መባሉ ተሰማ

በተቃዋሚ ጐራና በኢህአዴግ መሀከል በተደረገው ውይይት ላይ በአደራዳሪ ጉዳይ ትላንትና ልዩነት በመያዝ የታዩት ስድስቱ የፖለቲካ ፖርቲዎች በውይይቱ መቀጠል አለመቀጠላቸውን በተመለከተ በዛሬው ዕለት አቋማቸውን ያሳውቃሉ መባሉ ተሰማ፡፡ሸገር ለፓርቲዎቹ ቅርበት ካላቸው ታማኝ ምንጮቹ እንደሰማው ሰማያዊ፣ ኢዴፓ፣ መኢአድ፣ ኢራፓ፣ መኢዴፓና ኢብአፓ በጉዳዩ ዙሪያ ከውስጥ አባሎቻቸው ጋር እየመከሩ መሆኑን ነው፡፡

የስድስቱ ፓርቲዎች አቋም የሆነውን በኢህአዴግና በተቃዋሚዎች መሀከል በሚኖረው ድርድር ዙሪያ አደራዳሪ መኖር አለበት ያላደራዳሪ የሚደረግ ድርድር ውጤት አያመጣም በሚል ትላንትና በድርድሩ ላይ ከተናገሩ በኋላ ወደ ቤታቸው በመመለስ ከአባሎቻቸው ጋር ከመከሩ በኋላ ውጤቱን እናሣውቃለን ማለታቸውን ለአድማጮቻችን ትላንትና መንገራችን ይታወሣል፡፡

ስድስቱ ፓርቲዎች ዛሬ ያደርጋሉ ተብሎ በሚጠበቀው ንግግርና የውስጥ ውይይታቸው ላይ አቋማቸውን መለወጥ ካልቻሉ በውይይቱ የማይቀጥሉ ከሆን በድርድሩ ውስጥ የሚቆዩ ፓርቲዎች ቁጥር ዝቅ ይላል ማለት ነው፡፡ ትላንትና በታየው ውይይት ላይ አራት ፓርቲዎችን የያዘው መድረክ ፓርቲ በውይይቱ አለመቀጠሉ የታወቀ ሲሆን ስድስቱ ፓርቲዎች የሚቀላቀሉ ከሆነ በአጠቃላይ ከወይይቱ 10 ፓርቲዎች ይወጣሉ ማለት ነው፡፡ በኢህአዴግና በተቃዋሚ ፓርቲዎች መካከል የሚኖረው ቀጣይ ንግግር ለሚያዚያ 2 መቀጠሩ ታውቋል፡፡

የኔነህ ሲሳይ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers