• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

ከዛሬ ነገ ይፈርሣል ሲባል የነበረው ኢምፔሪያል አካባቢ የሚገኘው የቦብ ማርሌይ አደባባይ በቅርብ ቀን መፍረሱ አይቀርም ተባለ

ከዛሬ ነገ ይፈርሣል ሲባል የነበረው ኢምፔሪያል አካባቢ የሚገኘው የቦብ ማርሌይ  አደባባይ በቅርብ ቀን መፍረሱ አይቀርም ተባለ፡፡በአደባባዩ አካባቢ ከጊዜ ወደ ጊዜ አያጋጠመ የመጣውን የትራፊክ መጨናነቅ ለመቀነስ አደባባዩ ይፈርሳል ከተባለ የቆየ ሲሆን ሳይፈርስ ለመቆየቱም አደባባዩ ላይ የቆመው የቦብ ማርሌይ ሃውልት የት ይደረግ የሚለው ነበር አሁን ግን ችግሩ ተፈቷል ሲል የአዲስ አበባ ትራፊክ ማኔጅመንት ኤጀንሲ ተናግሯል፡፡

የኤጀንሲው የሥራ ኃላፊዎች ዛሬ ጋዜጠኞችን ጠርተው ሲናገሩ እንደሰማነው የከተማዋን የትራፊክ ፍሰት የሚያደነቃቅፉ ሁኔታዎችን ለመቅረፍ ኤጀንሲው ባለፈው አንድ አመት የተለያዩ ሥራዎችን ሲሰራ ቆይቷል፡፡እየተከናወኑ ከሚገኙ ሥራዎች መካከል አንደኛው ለትራፊክ ፍሰቱ ችግር ሆኗል የተባሉና በጥናት የተለዩ አደባባዬችን ማፍረስ ሲሆን በቅርቡም ጃክሮስ አደባባይን ማፍረስ ተጀምሯል፡፡ የቦብ ማርሌይ አደባባይ የሚፈርስበት ቀንም ሩቅ አይሆንም ተብሏል፡፡

 

ጀሞ ሚካኤል፣ 18 ማዞሪያና ቦሌ ሚካኤል የነበሩ አደባባዬች መፍረስ በየቦታዎቹ የነበረውን ከፍተኛ የትራፊክ መጨናነቅ መቀነስ መቻሉን ኤጀንሲው ተናግሯል፡፡ በመስቀል አደባባይ ተገጥመው የነበሩ የትራፊክ መብራቶች ችግር ነበረባቸው ያለው ኤጀንሲው አሁን ግን ችግሩ መፈታቱን እወቁልኝ ብሏል፡፡ የመኪና መቆሚያ ወይንም ፓርኪንግ እየተገነቡ ከሚገኙት መካከል መገናኛና ወሎ ሰፈር እየተሰሩ ያሉት ግንባታቸው እያለቀ ነው በቅርቡም ሥራ ይጀምራሉ ተብሏል፡፡

አንዋር መስጊድና ቸርችል አካባቢ እየተገነቡ ያሉትም ቢሆን ግንባታቸው እየተፋጠነ ነው ተብሏል፡፡ ለእግረኛ መሸጋገሪያ የሚሆነው ሦስት የእግረኛ ማቋረጫዎች በቀለበት መንገዶች ላይ ለመገንባት መታቀዱንም የአዲስ አበባ መንገድ ትራፊክ ማኔጅመንት ኤጀንሲ እወቁልኝ ብሏል፡፡

ንጋቱ ሙሉ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers