• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

በዳግማዊ አፄ ሚኒሊክ የትውልድ አካባቢ የነበረ እና ለአስር ዓመታት ያህል ተዘግቶ የቆየ ክሊኒክ በድጋሚ አገልግሎት መስጠት ጀመረ

በዳግማዊ አፄ ሚኒሊክ የትውልድ አካባቢ የነበረ እና ለአስር ዓመታት ያህል ተዘግቶ የቆየ ክሊኒክ በድጋሚ አገልግሎት መስጠት ጀመረ፡፡በድጋሚ አገልግሎት መስጠት የጀመረው ክሊኒክ በአማራ ክልል ሰሜን ሸዋ ዞን ባሶና ዋራና ወረዳ አንጎለላ ቀበሌ የሚገኝ ነው፡፡

አካባቢው የዳግማዊ አፄ ሚኒሊክ የትውልድ ስፍራ እንደሆነ ሰምተናል፡፡ክሊኒኩ ከሰላሣ ሦስት ዓመት በፊት ተሰርቶ አገልግሎት ሲሰጥ ነበር ፤ በመሃል ተዘግቶ ለአስር ዓመታት ያህል መቆየቱም ተነግሯል፡፡በአማራ ክልል የሰሜን ሸዋ ጤና መምሪያ ኃላፊ አቶ ገሰጥ ጥላሁን እንዳሉት ክሊኒኩ ተዘግቶ የቆየው በገንዘብ እጥረት ምክንያት ነው፡፡በአቅርቢያው ሌላ ጤና ጣቢያ ስላለም ትኩረት ሳይሰጠው እንደቆየ ተናግረዋል፡፡

በአካባቢው ጉብኝት የሚያደርጉ ሰዎች ባነሱት ተደጋጋሚ ጥያቄ ለአስር ዓመታት ያህል ተዘግቶ የቆየው ክሊኒክ በድጋሚ እንዲከፈት ተወስኗል ብለዋል፡፡አካባቢው ታሪካዊ ስፍራ በመሆኑ እና በዙሪያውም አራት ቀበሌዎች ስለሚገኙ በድጋሚ አገልግሎት እንዲሰጥ መወሰኑን ሰምተናል፡፡

አቶ ገሰጥ እንዳሉት ክሊኒኩ ሥራ እንዲጀምር የተወሰነው በታዳጊ ጤና ጣቢያ ደረጃ ነው፡፡የጤና ጥበቃ ሚኒስቴርና የክልሉ ጤና ቢሮ ለማስፋፊያ የያስፈልገውን ድጋፍ እናደርጋለን በማለታቸው በጤና ጣቢያ ደረጃ እንደሚሰራ ተናግረዋል፡፡አሁን በታዳጊ ጤና ጣቢያ ደረጃ ሥራ የጀመረው አስፈላጊ ባለሞያዎች ተመድበውለት እንደሆነ ተነግሯል፡፡መድሃኒቶች ደግሞ ከደብረ ብርሃን ሪፈራል ሆስፒታል እንደሚቀርብለት ሰምተናል፡፡

ንጋቱ ረጋሳ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Leza Vote Banner
Sheger 102.1 AudioNow Numbers