• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

የኢትዮጵያ ብሮድካስቲንግ ኮርፖሬሽን ካለበት ፅኑ ችግር በፍጥነት እንዲወጣና የተሻሻለ ተቋም ሆኖ እንዲቀርብ የህዝብ እንደራሴዎች ኃሣባቸውን አቀረቡ

የኢትዮጵያ ብሮድካስቲንግ ኮርፖሬሽን ካለበት ፅኑ ችግር በፍጥነት እንዲወጣና የተሻሻለ ተቋም ሆኖ እንዲቀርብ የህዝብ እንደራሴዎች ኃሣባቸውን አቀረቡ፡፡የህዝብ እንደራሴዎች ምክር ቤት ዛሬ ባካሄደው መደበኛ ጉባዔ ላይ ኮርፖሬሽኑን በተመለከተ ባለፈው ሣምንት ማብቂያ ላይ የተሰጡትን የእንደራሴዎች ኃሣብ ጨምቆና መርምሮ የውሣኔ ኃሣቡን እንዲያቀርብ ለባህል ቱሪዝምና መገናኛ ብዙሃን ጉዳዮች ቋሚ ኮሚቴ ኃላፊነቱን ሰጥቶ ነበር፡፡

ቋሚ ኮሚቴው በበኩሉ የኢትዮጵያ ብሮድካስቲንግ ኮርፖሬሽን አሁን ያለበትን አጠቃላይ ሁኔታ የተመለከተ አጭር ማብራሪያ ካቀረበ በኋላ ኮርፖሬሽኑ በአስቸኳይ እንዲያስተካክላቸው ያላቸውን ነጥቦች ዘርዝሮ የውሣኔ ኃሣቡን አሳልፏል፡፡በዚህ መሠረት የኢትዮጵያ ብሮድካስቲንግ ኮርፖሬሽን በምሰራቸው ሥራዎች ምክንያት የመንግሥት ከፍተኛ ኃላፊዎችና ከተቋሙ ውጪ ባሉ ሰዎች ይደርስብኛል የሚለውን ጣልቃገብነትና ጫና ተቋቁሞ ራሱ ያወጣውን ኤዲቶሪያል ፖሊሲና መርህ ተግባራዊ ማድረግ እንዳለበት የውሣኔ ኃሣብ ተሰጥቶታል፡፡

በሌላ በኩል ኮርፖሬሽኑ በመንግሥት ቁጥጥር ያለ ተቋም እንደመሆኑ የተለያዩ አስተያየቶችን ለማስተናገድ እንዲችል ህገ-መንግሥቱንም እንዲያከብር ማሳሰቢያ ተሰጥቶታል፡፡ኮርፖሬሽኑ ሲገመገምና ሲፈተሽ የመንግሥትንም ሆነ የህዝብን ፍላጐት ማርካት እንደተሣነው ቋሚ ኮሚቴው ያገኛቸው አስተያየቶች እንደጠቆሙት አስታውሶ ይህን አስቸጋሪ ልማዱን እንዲያስወግድ የውሣኔ ኃሣቡን ለኮርፖሬሽኑ አቅርቧል፡፡

 

በኢትዮጵያ ብሮድካስቲንግ ኮርፖሬሽን አይሎ የሚታየው የዝምድናና የቤተሰብአዊ የሥራ ግንኙነት እንዲሁም ጥቅመኝነት ተቋሙ ትልቅ ተሃድሶ ባካሄደበት ወቅት ጭምር የታየ ጉልህ ችግር መሆኑ ስለታመነበት የኮርፖሬሽኑ የሥራ ኃላፊዎች አስተዳደራዊና ህጋዊ እርምጃዎችን አንዲወስዱ ቋሚ ኮሚቴው አሳስቧል፡፡በተጨማሪም ሚዛናዊና ትክክለኛ መረጃ ለህብረተሰቡ እንዲያቀርብ ተቋሙ በማስታወቂያዎች በኩል ያለበትን ችግሮች እንዲያስተካክልና በተወሰነለት ህግ ብቻ እንዲመራ የባህል ቱሪዝምና መገናኛ ብዙሃን ጉዳዮች ቋሚ ኮሚቴ የውሣኔ ኃሣቡን ሰጥቷል፡፡

በሌላ በኩል ምክር ቤቱ በዛሬ ውሎው የመንግሥት ቤቶች ኤጀንሲን ለማፍረስ የወጣውን አዋጅ እንዲሁም የኢትዮጵያ ምርት ገበያ ማቋቋሚያ አዋጅን ለማሻሻል የወጣውን ረቂቅ አዋጅና የጨረራና ኒኩሊየር መከላከያ ረቂቅ አዋጆችን ማብራሪያና መግለጫዎች ተመልክቶ ለሚመለከታቸው ቋሚ ኮሚቴዎች መርቷቸዋል፡፡

ሕይወት ፍሬስብሃት

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers