• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

ሳውዲ አረቢያ ሀገሯን ጥለው እንዲወጡ የሰጠችውን ቀነ ገደብና ውሣኔውን በተመለከተ የኢትዮጵያ የመገናኛ ብዙሃን ተቋሞች እንደሚጠበቀው እያሳወቁ አይደለም ተባለ

ሳውዲ አረቢያ ሀገሯን ጥለው እንዲወጡ የሰጠችውን ቀነ ገደብና ውሣኔውን በተመለከተ የኢትዮጵያ የመገናኛ ብዙሃን ተቋሞች እንደሚጠበቀው እያሳወቁ አይደለም ተባለ፡፡የውጭ ጉዳይ ሚኒስቴር መሥሪያ ቤት ቃል አቀባይ አቶ መለስ አለም ዛሬ በሰጡት ጋዜጣዊ መግለጫቸው ላይ በኢትዮጵያ የሚገኙ የመገናኛ ብዙሃን የኤሌክትሮኒክስም ሆነ የህትመቱ ተገቢውን ቦታ ሰጥቶ ህዝቡ እንዲያውቀው እያደረገ አይደለም ብለዋል፡፡

በሳውዲ አረቢያ ከ250 ሺ የሚበልጡ ኢትዮጵያዊያን ዘንድሮ ወደ ሀገራቸው ይመጣሉ ተብሎ የሚጠበቅ ቢሆንም እስካሁን ድረስ ከ20 ሺ የማይበልጡ ዜጎች የጉዞ ሰነድ መውሰዳቸውንም ቃል አቀባዩ ተናግረዋል፡፡በአሁን ጊዜ በሳውዲ አረቢያ የሚገኙ ኢትዮጵያዊያንን ወደ ሀገር ቤት ለማስመለስ ከአይ.ኦ.ኤምና ከሌሎች አለም አቀፍ ተቋማት ጋር እየሰሩ መሆናቸውን የተናገሩት አቶ መለስ የኢትዮጵያ መገናኛ ብዙሃን ተቋማት በውጭ ሀገር ያሉ ኢትዮጵያዊያን ወደ ሀገራቸው በተሰጠው የጊዜ ገደብ እንዲመለሱ ተገቢውን ሥራ መሥራት ይጠበቅባቸዋል ብለዋል፡፡

በጊዜ ገደቡ ውጭ ሀገር ያሉ ኢትዮጵያዊያኑ መመለስ ካልቻሉ ከዚያ በኋላ የሚደርስባቸው ነገር በጣም አስከፊ ስለሚሆን ያንን በተመለከተም ለዜጐች ማስተማር የመገናኛ ብዙሃን ድርሻ ነው ብለዋል፡፡በሳውዲ አረቢያ የሚገኙ ከ500 ሺ የሚበልጡ ኢትዮጵያዊያን በህገ-ወጥ መንገድ ይኖራሉ ተብሎ የሚታሰብ ሲሆን የኢትዮጵያ መንግሥት በአሁኑ ጊዜ ሳውዲ በሰጠችው የምህረት ጊዜ ተጠቅመው የሚመጡ ሰዎች ከ250 ሺ ቢልቁ እንጂ አያንሱም ብሎ ገምቷል፡፡የውጭ ጉዳይ ሚኒስቴር መሥሪያ ቤት ቃል አቀባይ ዛሬ በሰጠው መግለጫው ላይ በተለያዩ ሀገራት የሚደረጉ እንቅስቃሴዎችንና ኢትዮጵያ በፀጥታው ምክር ቤት ያላትን ቦታና የአራት ወራት ሪፖርትን በተመለከተ መግለጫ ሰጥቷል፡፡

የኔነህ ሲሳይ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Leza Vote Banner
Sheger 102.1 AudioNow Numbers