• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

የአማራ ክልል እስከ 8ኛ ክፍል በእንግሊዝኛ ቋንቋ ሲሰጡ የነበሩ የተፈጥሮ ሳይንስ ትምህርቶችን ወደ አማርኛ ቋንቋ ሊመልሳቸው ጥናት እያደረገ መሆኑ ተሰማ

የአማራ ክልል እስከ 8ኛ ክፍል በእንግሊዝኛ ቋንቋ ሲሰጡ የነበሩ የተፈጥሮ ሳይንስ ትምህርቶችን ወደ አማርኛ ቋንቋ ሊመልሳቸው ጥናት እያደረገ መሆኑ ተሰማ፡፡የሳይንስ ትምህርቶቹ ከ10 ዓመታት በፊት ነበር በእንግሊዘኛ ቋንቋ እንዲሰጡ የተደረገው፡፡ሆኖም ተማሪዎች በአግባቡ ተረድተውት ስኬታማ የመሆናቸው ነገር አጠራጣሪ ነው የሚሉት የክልል የባህልና ቱሪዝም ቢሮ ኃላፊዋ ዶክተር ሂሩት ካሳው ቢሯቸው ስለ ጉዳዩ ከክልሉ ትምህርት ቢሮ ጋር እየሰራበት ነው ብለዋል፡፤

ወደ እንግሊዘኛ ሲቀየር መጀመሪያውኑ በጥናት የተደገፈ አልነበረም የሚሉት ኃላፊዋ አሁን ወደ አማርኛ ለመመለስ ጥናት ውስጥ ያስገባቸውን ምክንያት ነግረውናል፡፡የክልሉ ተማሪዎች የመጀመሪያ ደረጃ ትምህርታቸውን አጠናቀው ወደ ከፍተኛ ትምህርት ሲገቡ ቀጥታ እንግሊዘኛ ቋንቋ ጋር መገናኘታቸው ተፅእኖ አያሳድርባቸውም ወይ ተፎካካሪ የመሆን አቅማቸውንስ አይፈታተንም ወይ ምን ያክል ታስቦበታል ብለን ለጠየቅናቸው ጥያቄ የሌሎች ክልሎችን ልምድ ጠቅሰው ስኬታማ እንደሚሆን ነግረውናል፡፡

የአማርኛ ቋንቋ የምርምር የማስተማርያና መማሪያ ቋንቋ የመሆን ሙሉ አቅም እንዳለው የሚናገሩት ዶክተር ሂሩት አንዳንድ ቋንቋው ውስጥ የሌሉ የሳይንስ ቃላትን ተመራምሮ ከአማርኛ ጋር የማስማማቱንና የማዋደዱን ስራ የባህር ዳር ዩኒቨርስቲ የቋንቋ ማበልፀጊያ ተቋም ኃላፊነት ወስዶ እየሰራ መሆኑን ኃላፊዋ ተናግረዋል፡፡በኢትዮጵያ ቋንቋዎች ምርምር አካዳሚ የሳይንስ መዝገበ ቃላትና የሙያ ቃላት እንዳለ ያስታወሱት ዶክተር ሂሩት በየጊዜው የሚወጡ አዳዲስ ፅንሰ ሃሳቦችን ማካተት ባለመቻሉ ለአሁኑ የትምህርት ደረጃ እንዲበቃ የቴክኖሎጂና የምርመራ ቋንቋ እንደሆነ ይሰራል ብለዋል፡፡

ከመጀመሪያ ደረጃም በላይ እስከ ከፍተኛ ትምህርት ተቋማት ጭምር በሰፊው እንዲያገለግል እየተሰራ ነውም ተብሏል፡፡ከዚህ በተጨማሪ የባህርዳር ዩኒቨርስቲ ለግዕዝ ቋንቋ በቀጣይ ዓመት የትምህርት ክፍል ሊከፍትለት እንዳሰበ ያገኘናቸው መረጃዎች ያሳያሉ፡፡

ምስክር አወል

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers