• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

ኢትዮጵያ እየገነባችው ያለው የህዳሴ ግድብ በታችኛው የወንዙ ተፋሰስ ሀገሮች ላይ የሚያደርሰው ተፅዕኖ ካለ የሚያጠናው ድርጅት ባቀረበው የመጀመሪያ ደረጃ ሪፖርት ላይ ኢትዮጵያ፣ ሱዳንና ግብፅ በአዲስ አበባ መነጋገራቸው ተሰማ

ኢትዮጵያ እየገነባችው ያለው የህዳሴ ግድብ በታችኛው የወንዙ ተፋሰስ ሀገሮች ላይ የሚያደርሰው ተፅዕኖ ካለ የሚያጠናው ድርጅት ባቀረበው የመጀመሪያ ደረጃ ሪፖርት ላይ ኢትዮጵያ፣ ሱዳንና ግብፅ በአዲስ አበባ መነጋገራቸው ተሰማ፡፡ሦስቱ ሀገራት አጥኚ ቡድኑ ያቀረበው የመጀመሪያ ደረጃ ሪፖርት ላይ ከግንቦት 3 እስከ 6 በአዲስ አበባ መነጋገራቸውን በውሃ መስኖና ኤሌክትሪክ ሚኒስቴር የወሰንና ወሰን ተሻጋሪ ወንዞች ጉዳይ ዳይሬክተር አቶ ተሾመ አጥናፌ ለሸገር ተናግረዋል፡፡

ንግግሩ በሚያዝያ ወር በግብፅ ካይሮ ለ4 ቀናት ተካሂዶ የነበረው ውይይት የተከተለ መሆኑን ሰምተናል፡፡ሦስቱ ሀገራት አጥኚ ቡድኑ ባቀረበው የመጀመሪያ ደረጃ ሪፖርት ላይ በአዲስ አበባ ለሦስት ቀናት ያደረጉት ውይይት ቴክኒካል ወይም ሙያዊ ጉዳዮች የተነሱበት መሆኑን አቶ ተሾመ ተናግረዋል፡፡

ታላቁ የህዳሴ ግድብ በታችኛው የወንዙ ተፋሰስ ሀገሮች ላይ የሚያደርሰው ተፅዕኖ ካለ የሚያጠናው አጥኚ ቡድን ያቀረበው የመጀመሪያ ደረጃ ሪፖርት ላይ የሚካሄደው ንግግር ወደፊትም እንደሚቀጥል ዳይሬክተሩ ነግረውናል፡፡ከአባይ ተፋሰስ ሀገሮች አንዷ የሆነችው ግብፅ የታላቁ የህዳሴ ግድብ ግንባታ በወንዙ ላይ ያለኝን ጥቅም ይነካብኛል የሚል ኃሣብ ያላት ሲሆን ኢትዮጵያ በበኩሏ የግድቡ መገንባት የግብፅንም ሆነ የታችኛውን የወንዙ ተፋሰስ ሀገሮች ጥቅም የሚነካ አይደለም ስትል በተደጋጋሚ መናገሯ ይታወሣል፡፡

ንጋቱ ሙሉ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers