• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

በኢሊባቡር ዞን የሰብል ተምች መታየቱ ተሠማ

በኢሊባቡር ዞን የሰብል ተምች መታየቱ ተሠማ፡፡ ተምቹ ከፍተኛ ጉዳይ እንዳያደርስና ሰብልም እንዳያጠፋ የግብርና ቢሮ ሥራዎችን እየሰራ ነው ተብሏል፡፡በዞኑ 13 ወረዳዎች የተከሰተው የሰብል ተምች በመስኖ በለማ ሰብል ላይ ሰፊ ጉዳት እንዳያደርስ የመከላከል ሥራ እየተሰራ ነው መባሉን ከዞኑ ግብርና እና ተፈጥሮ ሃብት ልማት ጽ/ቤት ሰምተናል፡፡

ፉል አርሚ ዎርም የተባለው ተምች በዞኑ በመስኖ የለማውን ሰብል እየጐዳ መሆኑ ሲነገር አርሶ አደሩ በባህላዊ ዘዴና ፀረ-ተባይ መድሐኒት በመርጨት ለመቆጣጠር እየሞከረ መሆኑን ቢሮው ተናግሯል፡፡የሰብል ተምቹ በአካባቢው በምን ያህል ሄክታር መሬት ላይ አደጋ አደረሰ የሚለውን ያልተናገረው ቢሮ ተምቹ በታየባቸው ከ3 ሺ እስከ 4 ሺ ሄክታር መሬት ማሳዎች ላይ ከ5 ሺ ኪሎ ግራም በላይ ፀረ-ተባይ እርጭት ማድረጉን ተናግሯል፡፡

አደገኛ የሰብል ተምች የሚራባውና የሚንቀሣቀሰው በምሽት በመሆኑ ተምቹን ለማጥፋት አስቸጋሪ እንደሆነበት ቢሮው ተናግሯል፡፡የግብርና ቢሮው ተምቹን ለመከላከል ከ50 ሺ የሚበልጡ የአካባቢው አርሶ አደሮችን በማስተባበር በባህላዊና በዘመናዊ መንገድ ተምቹን ለማጥፋት ሥራዎችን እየሰራ መሆኑንም ከቢሮው ሰምተናል፡፡

የኔነህ ሲሣይ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers