• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

ከግብፅ የመጡ የህክምና ባለሙያዎች ነፃ ህክምና ለመስጠት አዲስ አበባ ገብተዋል ተባለ

ከግብፅ የመጡ የህክምና ባለሙያዎች ነፃ ህክምና ለመስጠት አዲስ አበባ ገብተዋል ተባለ፡፡ከግብፅ ኦርቶዶክት ቤተክርስቲያን የመጡት የህክምና ቡድን አባላት ነፃ ህክምና የሚሰጡት በቅዱስ ጴጥሮስ ስፔሻላይዝድ ሆስፒታል መሆኑን ሰምተናል፡፡ከሆስፒታሉ የህዝብ ግንኙነት ባለሙያ አቶ አመሀ ከፍያለው እንደሰማነው ከግብፅ ኦርቶዶክስ ቤተክርስቲያን የመጡት የህክምና ባለሙያዎች በቅዱስ ጴጥሮስ ስፔሻላይዝድ ሆስፒታል ነፃ ህክምና የሚሰጡት ከነገ ሰኔ 6 ቀን ጀምሮ እስከ ፊታችን እሁድ ሰኔ 11 ድረስ ነው፡፡

በነፃ የሚሰጡት የህክምና አይነቶች የጥርስ፣ የቆዳ፣ የውስጥ ደዌና የአይን ህክምናዎች መሆናቸውን አቶ አመሀ ነግረውናል፡፡ነፃ ህክምናውን የሚሰጡት የህክምና ባለሙያዎች በየዘርፉ ስፔሻላይዝድ ያደረጉ ናቸው ተብሏል፡፡የጥርስ፣ የቆዳ፣ የውስጥ ደዌና የአይን ህመም ያለባችሁ በእድሉ ተጠቀሙ ምንም ዓይነት መስፈርት አትጠየቁም ሲሉ የህዝብ ግንኙነት ባለሙያው አቶ አመሀ ከፍያለው ጥሪ አቅርበውላችኋል፡፡ ከግብፅ ኦርቶዶክስ ቤተክርስቲያን ነፃ ህክምና ለመስጠት አዲስ አበባ የገቡት የህክምና ባለሙያዎች ባለፈው ዓመትም በተመሣሣይ ሁለት ጊዜ መጥተው ህክምና ሰጥተው እንደተመለሱ ይታወሣል፡፡

ንጋቱ ሙሉ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers