• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

የኢትዮጵያ ባህር ትራንስፖርትና ሎጅስቲክስ አገልግሎት ድርጅት የተለያዩ ፕሮጀክቶችን አዘግይተዋል ያላቸውን የሥራ ተቋራጮች ከ5 ሚሊዮን ብር በላይ መቅጣቱን ተናገረ

የኢትዮጵያ ባህር ትራንስፖርትና ሎጅስቲክስ አገልግሎት ድርጅት የተለያዩ ፕሮጀክቶችን አዘግይተዋል ያላቸውን የሥራ ተቋራጮች ከ5 ሚሊዮን ብር በላይ መቅጣቱን ተናገረ፡፡ድርጅቱ በኮንትራት ህጉ መሠረት ፕሮጀክቱን አጠናቀው አላስረከቡኝም ያላቸውን አራት የሥራ ተቋራጮች ከ5 ሚሊዮን 700 ሺ ብር በላይ ቅጣት እንደጣለባቸው ለሸገር ተናግሯል፡፡ከተቀጡት የሥራ ተቋራጮች መካከል አንዱ የመንግሥት የልማት ድርጅት መሆኑንም ሰምተናል፡፡

የባቦ ጋያ ማሪታይም ማሰልጠኛ ኢንስቲትዩት ግንባታን አዘግይቷል የተባለው የሥራ ተቋራጭ ብቻ የፕሮጀክቱን 10 በመቶ 4 ነጥብ 5 ሚሊዮን ብር የጉዳት ካሣ እንዲከፍል ተደርጓል ተብሏል፡፡በድርጅቱ የወደብና ፋሲሊቲ ልማት መምሪያ ዳይሬክተር አቶ አበበ ጉዲሳ ዛሬ ለሸገር ሲናገሩ ከተቀጡ ተቋራጮች መካከል አንደኛው የመንግሥት የልማት ድርጅት የሆነው ተገጣጣሚ የህንፃ አካላት ማምረቻ ነው፡፡

በሞጆ ደረቅ ወደብ ቢሮ እንዲገነባ በገባው ውል መሠረት ሰርቶ ማስረከብ ስላልቻለ 520 ሺ 227 ብር መቀጣቱን አቶ አበበ ነግረውናል፡፡ኦቢድ ኮንስትራክሽን ኃላፊነቱ የተወሰነ የግል ማህበርም ለሞጆ ደረቅ ወደብ 3 ዋና ዋና በሮችን ለመገጣጠም ተዋውሎ እንደቃሉ በጊዜ ስላልጨረሰ 267 ሺ 660 ብር መቀጣቱን ሰምተናል፡፡

ማስኮም ኮንስትራክሽንም በጊዜ ፕሮጀክቱን ባለማጠናቀቁ በኢትዮጵያ ባህር ትራንስፖርትና ሎጅስቲክስ አገልግሎት ድርጅት የጉዳት ካሳ ከተቀጡ ተቋራጮች መካከል አንደኛው ነው፡፡በቃሊቲ የወጭ እቃዎች ማደራጃ ሼድ ግንባታን አዘግይቷል ተብሎ 426 ሺ 807 ብር እንዲከፍል ተደርጓል፡፡

በዚህ አመት ድርጅቱ ፕሮጀክቶቼን አዘግይቶብኛል ብሎ የጉዳት ካሣ የቀጣቸው የሥራ ተቋራጮች 4 ሲሆኑ የቅጣት ገንዘቡ ከ5 ሚሊዮን 700 ሺ ብር በላይ መሆኑን አቶ አበበ ነግረውናል፡፡

ትዕግስት ዘሪሁን

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers