• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

የውጭ ጉዳይ ሚኒስቴር መሥሪያ ቤት ከሳውዲ ለሚመለሱ ዜጎች ለአቀባበልና ለዘላቂ ድጋፍ የሚሆን ሀብት ማሰባሰብ ሥራን መጀመሩ ተሠማ

የውጭ ጉዳይ ሚኒስቴር መሥሪያ ቤት ከሳውዲ ለሚመለሱ ዜጎች ለአቀባበልና ለዘላቂ ድጋፍ የሚሆን ሀብት ማሰባሰብ ሥራን መጀመሩ ተሠማ፡፡ከውጭ ጉዳይ መሥሪያ ቤት ቃል አቀባይ ጽ/ቤት ዛሬ እንደሰማነው የሳውዲ መንግሥት በሰጠው የመውጫ የጊዜ ገደብ ተጠቅመው ሀገር ቤት የሚመጡ ኢትዮጵያውያንን በጊዜያዊነት ለመቀበልና ከፍ ሲልም በዘላቂነት ለማቋቋም የግል ተቋማት በገንዘብና በዓይነት ተመላሾቹን ለመደገፍ የሚያስችል የሀብት ማሰባሰብ ሥራ መጀመሩን ሰምተናል፡፡

የሚድሮክ ኢትዮጵያ ቴክኖሎጂ ግሩፕ በእህት ኩባንያዎቹ አማካኝነት 10 ሚሊዮን ብር መስጠቱ የተነገረ ሲሆን ከፐብሊክ ዲፕሎማሲ ቡድን አባላቱ መሀከል አንዱ የሆነው 26 ፌዴሬሽኖችን የያዘው የኢትዮጵያ አትሌቲክስ ፌዴሬሽን 5 ሚሊዮን ብር ለመስጠት መወሰኑም ተነግሯል፡፡

የኢትዮጵያ ነጋዴ ሴቶች ማህበር በተለይም ለተመላሽ ሴቶችና ህፃናት አስፈላጊ የሆኑ ቁሣቁሶችን ለማቅረብ ቃል መግባቱንም ሰምተናል፡፡የዩኒቲ ዩኒቨርስቲ በተለይም ከተመላሾቹ መሀከል 100 የሚሆኑትን በመምረጥ በነፃ የትምህርት እድል እንዲያገኙ ለማድረግ ቃል መግባቱ ተሰምቷል፡፡

የሳውዲ መንግሥት የሰጠው የመውጫ ቀነ ገደብ የምህረት ጊዜ ሊያበቃ የቀሩት ጥቂት ቀናት ብቻ መሆናቸው ይታወሣል፡፡ከውጭ ጉዳይ ሚኒስቴር መሥሪያ ቤት እንደሰማነው በዛሬው ዕለት ከ1 ሺ 500 የሚበልጡ ኢትዮጵያውያን ከሳውዲ ወደ አዲስ አበባ ይገባሉ መባሉንም ነው፡፡

የኔነህ ሲሣይ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers