• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

እየተለወጠ የመጣውን የአየር ፀባይ ተከትሎ ሙቀት መጨመሩ የወባ ትንኞችን ወደ ከፍተኛ ቦታዎች የመስፋፋት እድል እየፈጠረላቸው መሆኑን አንድ ጥናት አመለከተ

እየተለወጠ የመጣውን የአየር ፀባይ ተከትሎ ሙቀት መጨመሩ የወባ ትንኞችን ወደ ከፍተኛ ቦታዎች የመስፋፋት እድል እየፈጠረላቸው መሆኑን አንድ ጥናት አመለከተ፡፡ጥናቱን በኢትዮጵያ ያካሄዱት በኮሎቢያ ዩኒቨርስቲ የአየር ንብረት ለውጥ አለም አቀፍ ጥናት ክፍልና የሜይን ዩኒቨርስቲ ናቸው፡፡

የኢትዮጵያ ከፍተኛ ቦታዎች ለወባ ትንኞች የማይመች ሆኖ መቆየቱን የሚናገረው ጥናቱ ከባለፉት 35 ዓመታት በኋላ እየታየ ያለው ሙቀት ለትንኞቹ የማይመች የነበረውን ደጋማ ቦታ ደፍረው እንዲያቀኑ እያገዛቸው ነውም ብሏል፡፡ጥናቱ የወባ በሽታን ከአየር ንብረት ጋር ቀጥተኛ ቁርኝት እንዳለው ተናግሯል፡፡

አጥኚዎቹ የኢትዮጵያ ሙቀት መጠን በየ10 ዓመቱ ቢያንስ 0 ነጥብ 22 ድግሪ ሴንትግሬድ ወይንም በ0 ነጥብ 4 ድግሪ ፋራናይት እንደጨመረ ተመላክቷል ብለዋል፡፡የሜይን ዩኒቨርስቲ የምርምር ፕሮፌሰሩ ከፍተኛ ቅዝቃዜ ባለበት ቦታ ወባ ትንኞች ለመራባት እንደማይመቻቸው ተናግረው አሁን ያን ህግ የሰው ልጅ በተፈጥሮ ላይ በሚያደርሰው ጥቃት እየቀየረው መምጣቱን ተናግረዋል፡፡ ጥናቱ በ100 የአየር ጠባይ መከታተያ ጣቢያዎችና ከሣተላይት የተገኘ መረጃን ያጣመረ መሆኑን ፋራንስ 24 የምርምር መፅሔቱን ጠቅሶ ፅፏል፡፡

ይህም በወባ ብዙም ሳይጠቁ ለኖሩት የደጋማ አካባቢ ነዋሪዎች ስጋት ነው ሲሉ የጥናት ተባባሪው ዶክተር ሜድሊን ቶምፕሰን ተናግረዋል፡፡እንደ አለም ጤና ድርጅት መረጃ በ2015 በዓለም ዙሪያ 212 ሚሊዮን በወባ በሽታ ከተጠቁ ሰዎች ውስጥ 429 ሺዎቹ ህይወታቸው ማለፉን ያመለክታል፡፡

90 በመቶ የወባ በሽታና ሞት የሚከሰተው በአፍሪካ አህጉር ነው የሚለው መረጃው እድሜያቸው ከ5 ዓመት በታች የሆኑ ህፃናት የበሽታውና የሞቱ ሰለባዎች መሆናቸውን አመልክቷል፡፡በኢትዮጵያ ከቆላማ ቦታዎች ሲነፃፀር ደጋማ ቦታዎች ለኑሮ ተመራጭና በርካታ ህዝብ እንደሚኖርባቸው መረጃዎች ይጠቁማሉ፡፡

ምስክር አወል

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers